తిమ్మాపూర్ మండల పరిషత్ ప్రాథమిక పాఠశాల (MPPS)కు తక్షణమే ప్రీ-ప్రైమరీ మంజూరు చేయాలని డిమాండ్ చేస్తూ తిమ్మాపూర్ విద్యా కమిటీ ఆధ్వర్యంలో సోమవారం కలెక్టర్ కార్యాలయం ఎదుట భారీ ధర్నా నిర్వహించారు. ఈ కార్యక్రమంలో తిమ్మాపూర్ గ్రామ సర్పంచ్ పోసాన్ పల్లి రాజు, విద్యా కమిటీ అధ్యక్షులు కోతం కృష్ణంరాజు ప్రధానంగా మాట్లాడారు. పాఠశాలకు ప్రీ-ప్రైమరీ ఏర్పాటు చేయడానికి అవసరమైన అన్ని అర్హతలు ఉన్నప్పటికీ, సంబంధిత అధికారులు ఉద్దేశపూర్వకంగానే నిర్లక్ష్యం వహిస్తున్నారని విద్యా కమిటీ సభ్యులు తీవ్రంగా మండిపడ్డారు. విద్యాభివృద్ధి పట్ల బాధ్యతారాహిత్యంగా వ్యవహరిస్తున్న అధికారులపై ఉన్నతాధికారులు తక్షణమే స్పందించి కఠిన చర్యలు తీసుకోవాలని వారు డిమాండ్ చేశారు. గత విద్యాసంవత్సరంలో గ్రామస్తుల చొరవతో పాఠశాలలో సొంతంగా ఒక విద్యా వాలంటీర్‌ను నియమించుకుని UKG తరగతులను విజయవంతంగా నిర్వహించామని, ఈ తరగతులు, విద్యార్థుల వివరాలను విద్యాశాఖకు చెందిన అధికారిక 'యూ-డైస్ ప్లస్' (UDise+) పోర్టల్‌లో కూడా నమోదు చేశామని వారు గుర్తుచేశారు. అధికారుల నిర్లక్ష్యం కారణంగా చిన్నారుల భవిష్యత్తు ప్రమాదంలో పడుతోందని ఆందోళన వ్యక్తం చేస్తూ, వెంటనే స్పందించి తమ పాఠశాలకు ప్రీ-ప్రైమరీని మంజూరు చేయాలని డిమాండ్ చేశారు. అధికారులు స్పందించని పక్షంలో, రాబోయే రోజుల్లో బడి పిల్లలతో కలిసి కలెక్టరేట్ కార్యాలయం ముందు నిరవధిక దీక్షలు నిర్వహిస్తామని వారు తీవ్రస్థాయిలో హెచ్చరించారు. ఈ కార్యక్రమంలో VDC కమిటీ అధ్యక్షులు కొంతం లక్ష్మయ్య, విద్యా కమిటీ అధ్యక్షులు కొంతం కృష్ణంరాజు, ప్రధాన కార్యదర్శి దండు ప్రవీణ్, వార్డు మెంబర్ కిష్టయ్య, బాలరాజు, స్వామి, సత్యనారాయణ, మహేందర్, సాయిలు తదితరులు పాల్గొన్నారు.

KHADEER REPORTER

Journalist జగదేవ్‌పూర్, సిద్దిపేట, తెలంగాణ•

1 hr ago

తిమ్మాపూర్ మండల పరిషత్ ప్రాథమిక పాఠశాల (MPPS)కు తక్షణమే ప్రీ-ప్రైమరీ మంజూరు చేయాలని డిమాండ్ చేస్తూ తిమ్మాపూర్ విద్యా కమిటీ ఆధ్వర్యంలో సోమవారం కలెక్టర్ కార్యాలయం ఎదుట భారీ ధర్నా నిర్వహించారు. ఈ కార్యక్రమంలో తిమ్మాపూర్ గ్రామ సర్పంచ్ పోసాన్ పల్లి రాజు, విద్యా కమిటీ అధ్యక్షులు కోతం కృష్ణంరాజు ప్రధానంగా మాట్లాడారు. పాఠశాలకు ప్రీ-ప్రైమరీ ఏర్పాటు చేయడానికి అవసరమైన అన్ని అర్హతలు ఉన్నప్పటికీ, సంబంధిత అధికారులు ఉద్దేశపూర్వకంగానే నిర్లక్ష్యం వహిస్తున్నారని విద్యా కమిటీ సభ్యులు తీవ్రంగా మండిపడ్డారు. విద్యాభివృద్ధి పట్ల బాధ్యతారాహిత్యంగా వ్యవహరిస్తున్న అధికారులపై ఉన్నతాధికారులు తక్షణమే స్పందించి కఠిన చర్యలు తీసుకోవాలని వారు డిమాండ్ చేశారు. గత విద్యాసంవత్సరంలో గ్రామస్తుల చొరవతో పాఠశాలలో సొంతంగా ఒక విద్యా వాలంటీర్‌ను నియమించుకుని UKG తరగతులను విజయవంతంగా నిర్వహించామని, ఈ తరగతులు, విద్యార్థుల వివరాలను విద్యాశాఖకు చెందిన అధికారిక 'యూ-డైస్ ప్లస్' (UDise+) పోర్టల్‌లో కూడా నమోదు చేశామని వారు గుర్తుచేశారు. అధికారుల నిర్లక్ష్యం కారణంగా చిన్నారుల భవిష్యత్తు ప్రమాదంలో పడుతోందని ఆందోళన వ్యక్తం చేస్తూ, వెంటనే స్పందించి తమ పాఠశాలకు ప్రీ-ప్రైమరీని మంజూరు చేయాలని డిమాండ్ చేశారు. అధికారులు స్పందించని పక్షంలో, రాబోయే రోజుల్లో బడి పిల్లలతో కలిసి కలెక్టరేట్ కార్యాలయం ముందు నిరవధిక దీక్షలు నిర్వహిస్తామని వారు తీవ్రస్థాయిలో హెచ్చరించారు. ఈ కార్యక్రమంలో VDC కమిటీ అధ్యక్షులు కొంతం లక్ష్మయ్య, విద్యా కమిటీ అధ్యక్షులు కొంతం కృష్ణంరాజు, ప్రధాన కార్యదర్శి దండు ప్రవీణ్, వార్డు మెంబర్ కిష్టయ్య, బాలరాజు, స్వామి, సత్యనారాయణ, మహేందర్, సాయిలు తదితరులు పాల్గొన్నారు.