କେନ୍ଦୁଝର ସଦର ବ୍ଲକର ମୈଦାନକେଲ ଏବଂ କେରି ଗ୍ରାମାଞ୍ଚଳରେ ହାତୀ ଓ ସାପ ଭୟରେ ଲୋକଙ୍କ ନିଦ ହଜିଯାଇଛି। ଗୋଟିଏ ପଟେ ଦନ୍ତା ହାତୀର ଉତ୍ପାତ ଏବଂ ଅନ୍ୟପଟେ ଅସହ୍ୟ ଗରମ ସାଙ୍ଗକୁ ଘନ ଘନ ବିଦ୍ୟୁତ କାଟ ସ୍ଥାନୀୟ ବାସିନ୍ଦାଙ୍କ ଜୀବନକୁ ଦୁର୍ବିସହ କରିଦେଇଛି, ଯାହାଫଳରେ ଲୋକେ ଆତଙ୍କ ଓ ଭୟରେ ରାତି କାଟୁଛନ୍ତି। ସୂଚନାନୁସାରେ, ଏକ ଦନ୍ତା ହାତୀ ମୈଦାନକେଲ ସ୍କୁଲ ପଡ଼ିଆରେ ଡେରା ପକାଇବା ସହ ସ୍କୁଲର ପାଚେରୀକୁ ସମ୍ପୂର୍ଣ୍ଣ ଭାବେ ଭାଙ୍ଗି ଚୁରମାର କରିଦେଇଛି। ହାତୀର ଏହି ଆକ୍ରମଣାତ୍ମକ ରୂପ ଯୋଗୁଁ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ପ୍ରକାଶ ପାଇଛି ଏବଂ ସାଧାରଣ ଲୋକେ ଦିନରାତି ହାତୀ ଅଞ୍ଚଳରେ ବୁଲୁଥିବାରୁ ଘରୁ ବାହାରିବାକୁ ଭୟ କରୁଛନ୍ତି। ଖରାଦିନର ପ୍ରବଳ ଗରମ ଓ ଗୁଳୁଗୁଳି ପରିସ୍ଥିତିକୁ ଆହୁରି ସଂଘାତିକ କରିଛି। ହାତୀ ଆତଙ୍କ ଯୋଗୁଁ ବାରମ୍ବାର ବିଦ୍ୟୁତ କାଟ ହେଉଥିବାରୁ ଲୋକମାନେ ଗରମରୁ ରକ୍ଷା ପାଇବା ପାଇଁ ବାଧ୍ୟ ହୋଇ ଘର ବାହାରେ, ବାରଣ୍ଡାରେ କିମ୍ବା ପିଣ୍ଡାରେ ଶୋଉଛନ୍ତି। ଏହି ସମୟରେ ଗରମ ସହି ନପାରି ବିଷଧର ସାପମାନେ ମଧ୍ୟ ନିଜ ଗାତରୁ ବାହାରି ଥଣ୍ଡା ସ୍ଥାନ ଆଶାରେ ସିଧା ଲୋକଙ୍କ ଘର ଭିତରକୁ ଓ ବାରଣ୍ଡାକୁ ପଳାଇ ଆସୁଛନ୍ତି। କେରି ଗାଁର କିଛି ଗ୍ରାମବାସୀ ରାତିରେ ବାରଣ୍ଡାରେ ଶୋଇଥିବା ବେଳେ, ସକାଳୁ ଉଠି ଦେଖିଲେ ଯେ ସେମାନଙ୍କ ବିଛଣା ଉପରେ ବିଷଧର ସାପ ବସିଛି। ଏଭଳି ଦୃଶ୍ୟ ଦେଖିବା ପରେ ସ୍ଥାନୀୟ ଲୋକଙ୍କ ମଧ୍ୟରେ କୋକୁଆ ଭୟ ଖେଳିଯାଇଛି। ସରକାର ହାତୀମାନଙ୍କ ସୁରକ୍ଷା ପାଇଁ ଅନେକ ସ୍ୱାଗତଯୋଗ୍ୟ ନିୟମ କରୁଥିବା ବେଳେ, ଅନ୍ଧାରର ସୁଯୋଗ ନେଇ ସାପ କାମୁଡ଼ାରେ ଯେଉଁଭଳି ଭାବେ ଅକାଳରେ ନିରୀହ ଲୋକଙ୍କ ଜୀବନ ଯାଉଛି, ତାର ହିସାବ କାହା ପାଖରେ ନାହିଁ। ଏହି ସମସ୍ୟା ନେଇ ଗ୍ରାମବାସୀ ଇଲେକ୍ଟ୍ରି ଅଫିସକୁ ଫୋନ୍ କଲେ, ସେମାନଙ୍କୁ କୁହାଯାଉଛି ଯେ ବନ ବିଭାଗ ହାତୀ ଥିବାରୁ କିଛି କରିବାକୁ ମନା କରିଛି। ତେଣୁ ସ୍ଥାନୀୟ ଜନସାଧାରଣ ଜିଲ୍ଲା ପ୍ରଶାସନ ଏବଂ ବନ ବିଭାଗର ଉଚ୍ଚକର୍ତ୍ତୃପକ୍ଷଙ୍କୁ ହାତୀକୁ ତୁରନ୍ତ ଘଉଡ଼ାଇବା ସହ ବିଦ୍ୟୁତ ସମସ୍ୟାର ସ୍ଥାୟୀ ସମାଧାନ ପାଇଁ ଜରୁରୀ ହସ୍ତକ୍ଷେପ ଦାବି କରିଛନ୍ତି, ପ୍ରଶ୍ନ କରିଛନ୍ତି ଯେ ସରକାରୀ ନିୟମ ଭିତରେ କ'ଣ ନିରୀହ ଗ୍ରାମବାସୀଙ୍କ ଜୀବନ ବଳି ପଡ଼ିବ?

ସମୀର ପାତ୍ର

କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

9 hrs ago

କେନ୍ଦୁଝର ସଦର ବ୍ଲକର ମୈଦାନକେଲ ଏବଂ କେରି ଗ୍ରାମାଞ୍ଚଳରେ ହାତୀ ଓ ସାପ ଭୟରେ ଲୋକଙ୍କ ନିଦ ହଜିଯାଇଛି। ଗୋଟିଏ ପଟେ ଦନ୍ତା ହାତୀର ଉତ୍ପାତ ଏବଂ ଅନ୍ୟପଟେ ଅସହ୍ୟ ଗରମ ସାଙ୍ଗକୁ ଘନ ଘନ ବିଦ୍ୟୁତ କାଟ ସ୍ଥାନୀୟ ବାସିନ୍ଦାଙ୍କ ଜୀବନକୁ ଦୁର୍ବିସହ କରିଦେଇଛି, ଯାହାଫଳରେ ଲୋକେ ଆତଙ୍କ ଓ ଭୟରେ ରାତି କାଟୁଛନ୍ତି। ସୂଚନାନୁସାରେ, ଏକ ଦନ୍ତା ହାତୀ ମୈଦାନକେଲ ସ୍କୁଲ ପଡ଼ିଆରେ ଡେରା ପକାଇବା ସହ ସ୍କୁଲର ପାଚେରୀକୁ ସମ୍ପୂର୍ଣ୍ଣ ଭାବେ ଭାଙ୍ଗି ଚୁରମାର କରିଦେଇଛି। ହାତୀର ଏହି ଆକ୍ରମଣାତ୍ମକ ରୂପ ଯୋଗୁଁ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ପ୍ରକାଶ ପାଇଛି ଏବଂ ସାଧାରଣ ଲୋକେ ଦିନରାତି ହାତୀ ଅଞ୍ଚଳରେ ବୁଲୁଥିବାରୁ ଘରୁ ବାହାରିବାକୁ ଭୟ କରୁଛନ୍ତି। ଖରାଦିନର ପ୍ରବଳ ଗରମ ଓ ଗୁଳୁଗୁଳି ପରିସ୍ଥିତିକୁ ଆହୁରି ସଂଘାତିକ କରିଛି। ହାତୀ ଆତଙ୍କ ଯୋଗୁଁ ବାରମ୍ବାର ବିଦ୍ୟୁତ କାଟ ହେଉଥିବାରୁ ଲୋକମାନେ ଗରମରୁ ରକ୍ଷା ପାଇବା ପାଇଁ ବାଧ୍ୟ ହୋଇ ଘର ବାହାରେ, ବାରଣ୍ଡାରେ କିମ୍ବା ପିଣ୍ଡାରେ ଶୋଉଛନ୍ତି। ଏହି ସମୟରେ ଗରମ ସହି ନପାରି ବିଷଧର ସାପମାନେ ମଧ୍ୟ ନିଜ ଗାତରୁ ବାହାରି ଥଣ୍ଡା ସ୍ଥାନ ଆଶାରେ ସିଧା ଲୋକଙ୍କ ଘର ଭିତରକୁ ଓ ବାରଣ୍ଡାକୁ ପଳାଇ ଆସୁଛନ୍ତି। କେରି ଗାଁର କିଛି ଗ୍ରାମବାସୀ ରାତିରେ ବାରଣ୍ଡାରେ ଶୋଇଥିବା ବେଳେ, ସକାଳୁ ଉଠି ଦେଖିଲେ ଯେ ସେମାନଙ୍କ ବିଛଣା ଉପରେ ବିଷଧର ସାପ ବସିଛି। ଏଭଳି ଦୃଶ୍ୟ ଦେଖିବା ପରେ ସ୍ଥାନୀୟ ଲୋକଙ୍କ ମଧ୍ୟରେ କୋକୁଆ ଭୟ ଖେଳିଯାଇଛି। ସରକାର ହାତୀମାନଙ୍କ ସୁରକ୍ଷା ପାଇଁ ଅନେକ ସ୍ୱାଗତଯୋଗ୍ୟ ନିୟମ କରୁଥିବା ବେଳେ, ଅନ୍ଧାରର ସୁଯୋଗ ନେଇ ସାପ କାମୁଡ଼ାରେ ଯେଉଁଭଳି ଭାବେ ଅକାଳରେ ନିରୀହ ଲୋକଙ୍କ ଜୀବନ ଯାଉଛି, ତାର ହିସାବ କାହା ପାଖରେ ନାହିଁ। ଏହି ସମସ୍ୟା ନେଇ ଗ୍ରାମବାସୀ ଇଲେକ୍ଟ୍ରି ଅଫିସକୁ ଫୋନ୍ କଲେ, ସେମାନଙ୍କୁ କୁହାଯାଉଛି ଯେ ବନ ବିଭାଗ ହାତୀ ଥିବାରୁ କିଛି କରିବାକୁ ମନା କରିଛି। ତେଣୁ ସ୍ଥାନୀୟ ଜନସାଧାରଣ ଜିଲ୍ଲା ପ୍ରଶାସନ ଏବଂ ବନ ବିଭାଗର ଉଚ୍ଚକର୍ତ୍ତୃପକ୍ଷଙ୍କୁ ହାତୀକୁ ତୁରନ୍ତ ଘଉଡ଼ାଇବା ସହ ବିଦ୍ୟୁତ ସମସ୍ୟାର ସ୍ଥାୟୀ ସମାଧାନ ପାଇଁ ଜରୁରୀ ହସ୍ତକ୍ଷେପ ଦାବି କରିଛନ୍ତି, ପ୍ରଶ୍ନ କରିଛନ୍ତି ଯେ ସରକାରୀ ନିୟମ ଭିତରେ କ'ଣ ନିରୀହ ଗ୍ରାମବାସୀଙ୍କ ଜୀବନ ବଳି ପଡ଼ିବ?