सी. जोसेफ विजय यांनी चेन्नईमध्ये तमिळनाडूच्या मुख्यमंत्रीपदाची शपथ घेतली आहे. त्यांच्या नेतृत्वाखाली आता राज्याच्या प्रशासनात एक नवे पर्व सुरू होईल, असे मानले जात आहे.

मराठी संगीत विश्वातील लोकप्रिय गायिका श्रेया घोषाला तिच्या गाण्यांमधून आजही रसिकांच्या मनात घर करून आहे. 'मेंदीच्या पानावर' सारख्या गाण्यांमधून तिचा मधुर आवाज आजही अनेकांना भुरळ घालतो.

दैनिक जनप्रवासचे संपादक संजय भोकरे यांच्या हत्येचा कट सांगली पोलिसांनी उधळला आहे. जमिनीच्या वादातून घडलेल्या या प्रकरणात तिघांना अटक करण्यात आली असून, पिस्तूल, काडतुसे व चाकू जप्त करण्यात आले आहेत.

नसरापूर अत्याचाराच्या निषेधार्थ पुण्यात काढला मोर्चा ; नागरिक मोठ्या संख्येने सहभागी विक्रम शिंदे /भोर दि.१० नसरापूर येथे चिमुरडीवर झालेल्या अत्याचाराच्या निषेधार्थ पुण्यातील बालगंधर्व चौकातून मूक मोर्चा काढण्यात आला. “चिमुरडीला न्याय मिळालाच पाहिजे” आणि आरोपीला मृत्यूदंडाची शिक्षा द्यावी, अशी जोरदार मागणी यावेळी करण्यात आली. या मोर्चात पीडित मुलीचे आई-वडीलही सहभागी झाले होते. पुणे शहरातील विविध भागांतून नागरिक, महिला आणि लहान मुलांनी मोठ्या संख्येने उपस्थित राहून संताप व्यक्त केला.

अहिल्यानगर शहरात ब्लॉकस्पॉट पेट्रोलिंग सुरू; सार्वजनिक ठिकाणी मद्यपान व नशा करणाऱ्यांवर कारवाई अहिल्यानगर : शहरातील कायदा व सुव्यवस्था अबाधित राखण्यासाठी अहिल्यानगर जिल्हा पोलिसांकडून विशेष “ब्लॉकस्पॉट पेट्रोलिंग” मोहीम राबविण्यात येत आहे. सार्वजनिक ठिकाणी, मैदानावर, उड्डाणपूल परिसरात तसेच गर्दीच्या भागात मद्यपान करून गोंधळ घालणारे, नशा करून नागरिकांना त्रास देणाऱ्या व्यक्तींवर पोलिसांकडून कठोर कारवाई करण्यात येणार असल्याची माहिती पोलिस प्रशासनाकडून देण्यात आली आहे. शहरातील शांतता व नागरिकांची सुरक्षितता लक्षात घेऊन रात्रीच्या वेळी विविध भागांमध्ये पोलिस पथकांकडून गस्त वाढविण्यात आली आहे. संशयित हालचाली, सार्वजनिक ठिकाणी होणारे गैरप्रकार आणि वाहतूक नियमांचे उल्लंघन यावर विशेष लक्ष ठेवण्यात येत आहे. अहिल्यानगर जिल्हा पोलिसांनी नागरिकांना आवाहन केले आहे की, सार्वजनिक ठिकाणी मद्यपान किंवा बेकायदेशीर कृत्ये आढळल्यास तात्काळ पोलिस हेल्पलाईन क्रमांक 112 वर संपर्क साधावा. नागरिकांच्या सहकार्यामुळे शहरातील कायदा व सुव्यवस्था अधिक सक्षमपणे राखता येईल, असा विश्वास पोलिस प्रशासनाने व्यक्त केला आहे. — प्रतिनिधी

तळेगाव एमआयडीसीत आठव्या मजल्यावरून उडी; ३५ वर्षीय महिलेचा मृत्यू... मावळ पुणे :- मावळमधील तळेगाव एमआयडीसी परिसरात अर्बन लाईफ टॉवर सोसायटीत एका ३५ वर्षीय महिलेने आठव्या मजल्यावरून उडी मारून आत्महत्या केल्याची धक्कादायक घटना घडली आहे.प्रतिभा शंकर असे मृत महिलेचे नाव असून, पतीसोबत झालेल्या वादानंतर त्यांनी हे टोकाचे पाऊल उचलल्याचा प्राथमिक अंदाज व्यक्त केला जात आहे.घटनेनंतर स्थानिक पोलीस घटनास्थळी दाखल झाले असून मृतदेह शवविच्छेदनासाठी शासकीय रुग्णालयात पाठवण्यात आला आहे.या प्रकरणात घरगुती वादाचे नेमके कारण काय होते आणि महिलेला आत्महत्येस प्रवृत्त करण्यात आले होते का, याचा तळेगाव एमआयडीसी पोलीस अधिक तपास करत आहेत.... : लक्ष्मण कांबळे,पोलीस उपनिरीक्षक तळेगाव MIDC #तळेगाव #मावळ #तळेगावएमआयडीसी #अर्बनलाईफटॉवर #महिलेचामृत्यू #घरगुतीवाद #पोलीसतपास #पुणेबातम्या #Talegaon #Maval #TalegaonMIDC #UrbanLifeTower #WomanDeath #DomesticDispute #PoliceInvestigation #PuneNews

पुण्यात वादळी वाऱ्यामुळे पुणे मेट्रोच्या बांधकामावरील पत्रे उडून गेली. सुदैवाने या घटनेत कोणतीही जीवितहानी झाली नाही, मात्र मेट्रोच्या भोंगळ कारभारावर प्रश्नचिन्ह निर्माण झाले आहे.

नवी मुंबईतील खारघर येथे ५६ लाख रुपयांचे दागिने लुटणाऱ्या टोळीतील दोघांना तासगाव पोलिसांनी अटक केली आहे. या दोन्ही आरोपींकडून ५६ लाखांचा संपूर्ण मुद्देमाल जप्त करण्यात आला असून, ते तासगाव तालुक्यातील विसापूर येथील आहेत. खारघर आणि तासगाव पोलिसांच्या संयुक्त कारवाईमुळे ही मोठी यशस्वी कारवाई झाली.

पुणे जिल्ह्यातील थेऊरफाटा येथील रेल्वे उड्डाणपुलाला मोठे भगदाड पडल्याने नागरिकांमध्ये भीतीचे वातावरण आहे. रोज हजारो वाहनांची वर्दळ असलेल्या या महत्त्वाच्या पुलाच्या सुरक्षिततेवर गंभीर प्रश्नचिन्ह निर्माण झाले आहे. प्रशासनाने तात्काळ दुरुस्ती व स्ट्रक्चरल ऑडिट न केल्यास भविष्यात मोठी दुर्घटना घडण्याची शक्यता वर्तवली जात आहे.

पिंपरी-चिंचवडमध्ये वारकरी संप्रदायावरील वक्तव्यावरून राजकीय वातावरण चांगलेच तापले आहे. राष्ट्रवादीच्या नेत्यावर झालेल्या शाईफेकीला भाजपा आमदार महेश लांडगे यांनी जाहीर पाठिंबा दिला. वारकरी संप्रदायावर टीका करून धार्मिक तेढ निर्माण करणे सहन केले जाणार नाही, असा इशारा लांडगेंनी दिला.