घानोड येथील सहसराम डोंगरवार यांचे मरणोत्तर नेत्रदान *  डोंगरवार परिवारातील हे दुसरे नेत्रदान साकोली घानोड येथील रहिवासी सहसराम तानबा डोंगरवार यांचे दि.२४ जानेवारी २०२६ रोजी वयाच्या ६० व्या वर्षी हृदयविकाराच्या धक्क्याने निधन झाले. त्यांच्या मृत्यूपूर्व इच्छेनुसार त्यांच्या कुटुंबियांनी अतिशय दु:खी अवस्थेत देखील मरणोत्तर नेत्रदानाचा निर्णय घेतला व नेत्रदानाची प्रक्रिया पार पाडली. त्यासाठी मृत्यूनंतर लगेच भंडारा येथील इंद्राक्षी आय केअर सेंटरशी संपर्क साधण्यात आला. तेथील डाॅ. सुचित्रा श्रीपाद, वैशाली बागडे, दिपक क्षिरसागर यांच्या चमूने अजिबात वेळ न दवडता घानोड गाठून नेत्रदानाची प्रक्रिया पार पाडली. व्यक्तीच्या मृत्यूनंतर निदान नेत्ररूपाने माणूस जिवंत राहू शकतो तसेच नेत्रदानामुळे कोणत्यातरी जीवनाचा प्रकाश हरवलेल्या दृष्टीहीन व्यक्तीच्या जीवनात प्रकाश निर्माण होवू शकतो  मानवी शरीराचा महत्वाचा अवयव असलेले  डोळे मृत्यूनंतरही ६ तास पर्यंत जिवंत असतात. ते जाळण्यापेक्षा त्यांचे दान केल्यास दृष्टीहिनांना दृष्टी प्राप्त होते ही जाणीव असल्यामुळे मृतक सहसराम डोंगरवार यांच्या परिवाराने हा स्तुत्य निर्णय घेवून त्याची प्रत्यक्ष अंमलबजावणी केली.  यासाठी त्यांची आई यशोदा डोंगरवार, पत्नी पुष्पा उर्फ लीला डोंगरवार, मुलगा प्रदीप डोंगरवार, सून हीना डोंगरवार, भाऊ सुरेश डोंगरवार, नरेश डोंगरवार, बहिण शिशुकला मुंगमोडे तसेच कुटुंबातील कृषी विज्ञान केंद्राच्या वरिष्ठ शास्त्रज्ञ डाॅ.उषा डोंगरवार काशीवार, डाॅ. अरविंद डोंगरवार, धनंजय डोंगरवार, डाॅ.सोनाली लांबट, डाॅ.मारोती बोरकर आदींनी सहकार्य केले. नेत्रदान केल्याबद्दल डोंगरवार कुटुंबियांचे सर्वत्र कौतुक केले जात आहे. घानोड येथील डोंगरवार परिवारातील हे दुसरे नेत्रदान आहे. यापूर्वी इंदुमती रामचंद्र डोंगरवार यांचे नेत्रदान या परिवारने केले होते. सहसराम डोंगरवार यांच्या पार्थिवावर त्याच दिवशी दुपारी २ वाजता घानोड येथील स्मशान भूमीत अंत्यसंस्कार करण्यात आले.

पत्रकार

Journalist साकोली, भंडारा, महाराष्ट्र•

4 hrs ago

घानोड येथील सहसराम डोंगरवार यांचे मरणोत्तर नेत्रदान *  डोंगरवार परिवारातील हे दुसरे नेत्रदान साकोली घानोड येथील रहिवासी सहसराम तानबा डोंगरवार यांचे दि.२४ जानेवारी २०२६ रोजी वयाच्या ६० व्या वर्षी हृदयविकाराच्या धक्क्याने निधन झाले. त्यांच्या मृत्यूपूर्व इच्छेनुसार त्यांच्या कुटुंबियांनी अतिशय दु:खी अवस्थेत देखील मरणोत्तर नेत्रदानाचा निर्णय घेतला व नेत्रदानाची प्रक्रिया पार पाडली. त्यासाठी मृत्यूनंतर लगेच भंडारा येथील इंद्राक्षी आय केअर सेंटरशी संपर्क साधण्यात आला. तेथील डाॅ. सुचित्रा श्रीपाद, वैशाली बागडे, दिपक क्षिरसागर यांच्या चमूने अजिबात वेळ न दवडता घानोड गाठून नेत्रदानाची प्रक्रिया पार पाडली. व्यक्तीच्या मृत्यूनंतर निदान नेत्ररूपाने माणूस जिवंत राहू शकतो तसेच नेत्रदानामुळे कोणत्यातरी जीवनाचा प्रकाश हरवलेल्या दृष्टीहीन व्यक्तीच्या जीवनात प्रकाश निर्माण होवू शकतो  मानवी शरीराचा महत्वाचा अवयव असलेले  डोळे मृत्यूनंतरही ६ तास पर्यंत जिवंत असतात. ते जाळण्यापेक्षा त्यांचे दान केल्यास दृष्टीहिनांना दृष्टी प्राप्त होते ही जाणीव असल्यामुळे मृतक सहसराम डोंगरवार यांच्या परिवाराने हा स्तुत्य निर्णय घेवून त्याची प्रत्यक्ष अंमलबजावणी केली.  यासाठी त्यांची आई यशोदा डोंगरवार, पत्नी पुष्पा उर्फ लीला डोंगरवार, मुलगा प्रदीप डोंगरवार, सून हीना डोंगरवार, भाऊ सुरेश डोंगरवार, नरेश डोंगरवार, बहिण शिशुकला मुंगमोडे तसेच कुटुंबातील कृषी विज्ञान केंद्राच्या वरिष्ठ शास्त्रज्ञ डाॅ.उषा डोंगरवार काशीवार, डाॅ. अरविंद डोंगरवार, धनंजय डोंगरवार, डाॅ.सोनाली लांबट, डाॅ.मारोती बोरकर आदींनी सहकार्य केले. नेत्रदान केल्याबद्दल डोंगरवार कुटुंबियांचे सर्वत्र कौतुक केले जात आहे. घानोड येथील डोंगरवार परिवारातील हे दुसरे नेत्रदान आहे. यापूर्वी इंदुमती रामचंद्र डोंगरवार यांचे नेत्रदान या परिवारने केले होते. सहसराम डोंगरवार यांच्या पार्थिवावर त्याच दिवशी दुपारी २ वाजता घानोड येथील स्मशान भूमीत अंत्यसंस्कार करण्यात आले.