ଗଞ୍ଜାମ ଜିଲ୍ଲା ଭଞ୍ଜନଗର ପୋଲିସ ଗଞ୍ଜେଇ ଚୋରା ଚାଲାଣ ଅଭିଯୋଗରେ ତିନି ଜଣଙ୍କୁ ଗିରଫ କରିଛି। ପୋଲିସ ସେମାନଙ୍କ ନିକଟରୁ ୧୦୨ କେଜି ଗଞ୍ଜେଇ, ନଗଦ ୨୨ ଶହ ଟଙ୍କା ଏବଂ ଗୋଟିଏ ଟୟୋଟା ଇନୋଭା କ୍ରିଷ୍ଟା ଗାଡି ଜବତ କରିଛି। ଗିରଫ ହୋଇଥିବା ଅଭିଯୁକ୍ତମାନେ ହେଲେ ପିତବାସ ମହାନ୍ତି, ଲକ୍ଷ୍ମଣ ଦାସ ଏବଂ ଧ୍ରୁବ ଦଳ ମଲ୍ଲିକ। ଏହି ଘଟଣାରେ ଭଞ୍ଜନଗର ଥାନାରେ ୬୧୪/୨୬ ନମ୍ବରରେ ଏକ ମାମଲା ରୁଜୁ କରାଯାଇଛି। ଏଏସପି ରଞ୍ଜନ କୁମାର ଦେ ଏକ ଖବରଦାତା ସମ୍ମିଳନୀରେ ଏହି ସୂଚନା ଦେଇଥିବା ବେଳେ ଆଇଆଇସି ଜୀବନାନନ୍ଦ ଜେନା ମଧ୍ୟ ଉପସ୍ଥିତ ଥିଲେ। ଗିରଫ ଅଭିଯୁକ୍ତମାନଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି। ସୂଚନାନୁସାରେ, ଭଞ୍ଜନଗର ଥାନାର ଏସଆଇ ଲକ୍ଷ୍ମୀଧର ମହାନ୍ତି ସୋମବାର ଦୁର୍ଗାପ୍ରସାଦ ରାସ୍ତାରେ ନିଜର କର୍ତ୍ତବ୍ୟ କରୁଥିଲେ। ସେହି ସମୟରେ କନ୍ଧମାଳ ଜିଲ୍ଲାରୁ ବ୍ରହ୍ମପୁର ଅଭିମୁଖେ ଏକ ଟୟୋଟୋ ଇନୋଭା ଗାଡିରେ ଯାଉଥିବା ଏହି ତିନି ଅଭିଯୁକ୍ତ ପୋଲିସ ଗାଡ଼ିକୁ ଦେଖି ଦ୍ରୁତ ଗତିରେ ପଳାଇବାକୁ ଚେଷ୍ଟା କରିଥିଲେ। ପୋଲିସକୁ ସନ୍ଦେହ ହେବାରୁ ସେମାନେ ଗାଡ଼ିକୁ ପିଛା କରି ଦୁର୍ଗାପ୍ରସାଦ ନିକଟରେ ଅଟକାଇବାରେ ସଫଳ ହୋଇଥିଲେ। ପରେ ଯାଞ୍ଚ କରିବାରୁ ଗାଡ଼ି ଭିତରୁ ବିପୁଳ ପରିମାଣର ଗଞ୍ଜେଇ ମିଳିଥିଲା।

Pitabas dash

Asika, Ganjam•

6 hrs ago

ଗଞ୍ଜାମ ଜିଲ୍ଲା ଭଞ୍ଜନଗର ପୋଲିସ ଗଞ୍ଜେଇ ଚୋରା ଚାଲାଣ ଅଭିଯୋଗରେ ତିନି ଜଣଙ୍କୁ ଗିରଫ କରିଛି। ପୋଲିସ ସେମାନଙ୍କ ନିକଟରୁ ୧୦୨ କେଜି ଗଞ୍ଜେଇ, ନଗଦ ୨୨ ଶହ ଟଙ୍କା ଏବଂ ଗୋଟିଏ ଟୟୋଟା ଇନୋଭା କ୍ରିଷ୍ଟା ଗାଡି ଜବତ କରିଛି। ଗିରଫ ହୋଇଥିବା ଅଭିଯୁକ୍ତମାନେ ହେଲେ ପିତବାସ ମହାନ୍ତି, ଲକ୍ଷ୍ମଣ ଦାସ ଏବଂ ଧ୍ରୁବ ଦଳ ମଲ୍ଲିକ। ଏହି ଘଟଣାରେ ଭଞ୍ଜନଗର ଥାନାରେ ୬୧୪/୨୬ ନମ୍ବରରେ ଏକ ମାମଲା ରୁଜୁ କରାଯାଇଛି। ଏଏସପି ରଞ୍ଜନ କୁମାର ଦେ ଏକ ଖବରଦାତା ସମ୍ମିଳନୀରେ ଏହି ସୂଚନା ଦେଇଥିବା ବେଳେ ଆଇଆଇସି ଜୀବନାନନ୍ଦ ଜେନା ମଧ୍ୟ ଉପସ୍ଥିତ ଥିଲେ। ଗିରଫ ଅଭିଯୁକ୍ତମାନଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି। ସୂଚନାନୁସାରେ, ଭଞ୍ଜନଗର ଥାନାର ଏସଆଇ ଲକ୍ଷ୍ମୀଧର ମହାନ୍ତି ସୋମବାର ଦୁର୍ଗାପ୍ରସାଦ ରାସ୍ତାରେ ନିଜର କର୍ତ୍ତବ୍ୟ କରୁଥିଲେ। ସେହି ସମୟରେ କନ୍ଧମାଳ ଜିଲ୍ଲାରୁ ବ୍ରହ୍ମପୁର ଅଭିମୁଖେ ଏକ ଟୟୋଟୋ ଇନୋଭା ଗାଡିରେ ଯାଉଥିବା ଏହି ତିନି ଅଭିଯୁକ୍ତ ପୋଲିସ ଗାଡ଼ିକୁ ଦେଖି ଦ୍ରୁତ ଗତିରେ ପଳାଇବାକୁ ଚେଷ୍ଟା କରିଥିଲେ। ପୋଲିସକୁ ସନ୍ଦେହ ହେବାରୁ ସେମାନେ ଗାଡ଼ିକୁ ପିଛା କରି ଦୁର୍ଗାପ୍ରସାଦ ନିକଟରେ ଅଟକାଇବାରେ ସଫଳ ହୋଇଥିଲେ। ପରେ ଯାଞ୍ଚ କରିବାରୁ ଗାଡ଼ି ଭିତରୁ ବିପୁଳ ପରିମାଣର ଗଞ୍ଜେଇ ମିଳିଥିଲା।