पिंपरी, २९ मे २०२६ रोजी फुगेवाडी येथील विषारी दारू सेवन केलेल्या रुग्णांना उपचारासाठी महापालिकेच्या यशवंतराव चव्हाण स्मृती (वायसीएम) रुग्णालयात दाखल करण्यात आले आहे. महापालिका आयुक्त डॉ. विजय सूर्यवंशी यांनी रुग्णालयाला भेट देऊन दाखल रुग्णांच्या प्रकृतीची विचारपूस केली. यावेळी त्यांनी रुग्णांवर आवश्यक असलेले सर्व वैद्यकीय उपचार मोफत उपलब्ध करून दिले जात असल्याची माहिती दिली आणि रुग्णांच्या नातेवाईकांशी संवाद साधून त्यांना धीर दिला. या भेटीदरम्यान उपमहापौर शर्मिला बाबर यांच्यासह आरोग्य वैद्यकीय अधिकारी डॉ. लक्ष्मण गोफणे, अतिरिक्त आरोग्य वैद्यकीय अधिकारी डॉ. अभयचंद्र दादेवार, वैद्यकीय अधीक्षक डॉ. उज्ज्वला अंदूरकर, ज्येष्ठ वैद्यकीय अधिकारी डॉ. शैलजा भावसार, मुख्य सुरक्षा अधिकारी उदय जरांडे, विशेष अधिकारी किरण गायकवाड, वरिष्ठ पोलिस निरीक्षक गोरख कुंभार आणि वायसीएम रुग्णालयाचे अधिकारी व कर्मचारी उपस्थित होते. आयुक्त डॉ. सूर्यवंशी यांनी उपचार व्यवस्थेचा आढावा घेत संबंधित अधिकाऱ्यांशी चर्चा केली आणि रुग्णांवर केल्या जाणाऱ्या उपचारांमध्ये कोणतीही कमतरता राहणार नाही याची दक्षता घेण्याचे निर्देश दिले. तसेच, रुग्णालय प्रशासनाने सतर्क राहून या प्रकरणातील रुग्णांना तात्काळ दाखल करून घेऊन आवश्यक सर्व उपचार करण्याच्या सूचनाही त्यांनी दिल्या. रुग्णांच्या नातेवाईकांशी बोलताना आयुक्त डॉ. विजय सूर्यवंशी यांनी महापालिकेच्या वतीने उत्तम वैद्यकीय उपचार दिले जात असल्याची माहिती दिली. महापालिकेचे वैद्यकीय पथक सातत्याने रुग्णांच्या प्रकृतीवर लक्ष ठेवून असून, लवकरात लवकर सुधारणा होण्यासाठी वैद्यकीय यंत्रणा कार्यान्वित ठेवण्यात आल्याचे त्यांनी सांगितले. त्यांनी नातेवाईकांना काळजी न करण्याचे आवाहन करत महापालिकेची वैद्यकीय यंत्रणा सर्वतोपरी प्रयत्न करत असल्याचे आश्वासन दिले. या प्रकरणी पिंपरी चिंचवड महानगरपालिकेचे आयुक्त डॉ. विजय सूर्यवंशी यांनी सांगितले की, “विषारी दारू प्रकरणातील दाखल सर्व रुग्णांवर तातडीने वैद्यकीय उपचार करण्यासाठी वायसीएम रुग्णालय प्रशासनाला आवश्यक त्या सर्व सुविधा मोफत उपलब्ध करून देण्याच्या तसेच परिस्थितीवर सतत लक्ष ठेवून सतर्क राहण्याच्या सूचना देण्यात आल्या आहेत.” आरोग्य वैद्यकीय अधिकारी डॉ. लक्ष्मण गोफणे यांनीही माहिती दिली की, “वायसीएम रुग्णालयात आपत्कालीन परिस्थिती हाताळण्यासाठी आवश्यक मनुष्यबळ, तज्ञ डॉक्टर आणि पुरेसा औषधसाठा उपलब्ध आहे. या प्रकरणातील दाखल रुग्णांवर वैद्यकीय उपचार सुरू असून, सध्या तीन रुग्ण रुग्णालयात उपचार घेत आहेत. त्यांच्या प्रकृतीवर रुग्णालय प्रशासन बारकाईने लक्ष ठेवून आहे. बाधित रुग्णांनी वेळेत वैद्यकीय उपचार करून घेणे अत्यंत आवश्यक असून, या बाधितांनी तात्काळ रुग्णालयात दाखल होऊन उपचार घ्यावेत, असे आवाहन करण्यात येत आहे.”

Shrinivas mane

Media company हवेली, पुणे, महाराष्ट्र•

6 hrs ago

पिंपरी, २९ मे २०२६ रोजी फुगेवाडी येथील विषारी दारू सेवन केलेल्या रुग्णांना उपचारासाठी महापालिकेच्या यशवंतराव चव्हाण स्मृती (वायसीएम) रुग्णालयात दाखल करण्यात आले आहे. महापालिका आयुक्त डॉ. विजय सूर्यवंशी यांनी रुग्णालयाला भेट देऊन दाखल रुग्णांच्या प्रकृतीची विचारपूस केली. यावेळी त्यांनी रुग्णांवर आवश्यक असलेले सर्व वैद्यकीय उपचार मोफत उपलब्ध करून दिले जात असल्याची माहिती दिली आणि रुग्णांच्या नातेवाईकांशी संवाद साधून त्यांना धीर दिला. या भेटीदरम्यान उपमहापौर शर्मिला बाबर यांच्यासह आरोग्य वैद्यकीय अधिकारी डॉ. लक्ष्मण गोफणे, अतिरिक्त आरोग्य वैद्यकीय अधिकारी डॉ. अभयचंद्र दादेवार, वैद्यकीय अधीक्षक डॉ. उज्ज्वला अंदूरकर, ज्येष्ठ वैद्यकीय अधिकारी डॉ. शैलजा भावसार, मुख्य सुरक्षा अधिकारी उदय जरांडे, विशेष अधिकारी किरण गायकवाड, वरिष्ठ पोलिस निरीक्षक गोरख कुंभार आणि वायसीएम रुग्णालयाचे अधिकारी व कर्मचारी उपस्थित होते. आयुक्त डॉ. सूर्यवंशी यांनी उपचार व्यवस्थेचा आढावा घेत संबंधित अधिकाऱ्यांशी चर्चा केली आणि रुग्णांवर केल्या जाणाऱ्या उपचारांमध्ये कोणतीही कमतरता राहणार नाही याची दक्षता घेण्याचे निर्देश दिले. तसेच, रुग्णालय प्रशासनाने सतर्क राहून या प्रकरणातील रुग्णांना तात्काळ दाखल करून घेऊन आवश्यक सर्व उपचार करण्याच्या सूचनाही त्यांनी दिल्या. रुग्णांच्या नातेवाईकांशी बोलताना आयुक्त डॉ. विजय सूर्यवंशी यांनी महापालिकेच्या वतीने उत्तम वैद्यकीय उपचार दिले जात असल्याची माहिती दिली. महापालिकेचे वैद्यकीय पथक सातत्याने रुग्णांच्या प्रकृतीवर लक्ष ठेवून असून, लवकरात लवकर सुधारणा होण्यासाठी वैद्यकीय यंत्रणा कार्यान्वित ठेवण्यात आल्याचे त्यांनी सांगितले. त्यांनी नातेवाईकांना काळजी न करण्याचे आवाहन करत महापालिकेची वैद्यकीय यंत्रणा सर्वतोपरी प्रयत्न करत असल्याचे आश्वासन दिले. या प्रकरणी पिंपरी चिंचवड महानगरपालिकेचे आयुक्त डॉ. विजय सूर्यवंशी यांनी सांगितले की, “विषारी दारू प्रकरणातील दाखल सर्व रुग्णांवर तातडीने वैद्यकीय उपचार करण्यासाठी वायसीएम रुग्णालय प्रशासनाला आवश्यक त्या सर्व सुविधा मोफत उपलब्ध करून देण्याच्या तसेच परिस्थितीवर सतत लक्ष ठेवून सतर्क राहण्याच्या सूचना देण्यात आल्या आहेत.” आरोग्य वैद्यकीय अधिकारी डॉ. लक्ष्मण गोफणे यांनीही माहिती दिली की, “वायसीएम रुग्णालयात आपत्कालीन परिस्थिती हाताळण्यासाठी आवश्यक मनुष्यबळ, तज्ञ डॉक्टर आणि पुरेसा औषधसाठा उपलब्ध आहे. या प्रकरणातील दाखल रुग्णांवर वैद्यकीय उपचार सुरू असून, सध्या तीन रुग्ण रुग्णालयात उपचार घेत आहेत. त्यांच्या प्रकृतीवर रुग्णालय प्रशासन बारकाईने लक्ष ठेवून आहे. बाधित रुग्णांनी वेळेत वैद्यकीय उपचार करून घेणे अत्यंत आवश्यक असून, या बाधितांनी तात्काळ रुग्णालयात दाखल होऊन उपचार घ्यावेत, असे आवाहन करण्यात येत आहे.”