विमानतळासाठी जमीनी न देण्यावर शेतकरी ठाम; खासदार किरसानांशी संवाद विमानतळासाठी जमीनी न देण्यावर शेतकरी ठाम; खासदार किरसानांशी संवाद प्रतिनिधी हिरापूर ता. जि. गडचिरोली गडचिरोली: (दि १०) हिरापूर येथे गडचिरोली-चिमूर लोकसभा क्षेत्राचे लोकप्रिय खासदार डॉ. नामदेव किरसान तसेच जिल्हाध्यक्ष, जिल्हा काँग्रेस कमिटी गडचिरोली महेंद्र ब्राह्मणवाडे यांनी भेट देऊन शेतकरी बांधवांशी सविस्तर संवाद साधला. यावेळी परिसरातील शेतकऱ्यांनी विमानतळ किंवा इतर कोणत्याही प्रकल्पाकरिता आपल्या शेतजमिनी द्यायच्या नसल्याची ठाम भूमिका मांडली. कोणत्याही प्रकारचे प्राथमिक अथवा इतर सर्वे करण्यात येऊ नयेत, अशी मागणी ग्रामस्थांनी केली. असे असतानाही प्रशासनाकडून पोलीस यंत्रणा व इतर माध्यमांचा दबाव आणून प्रस्तावित शेत अधिग्रहणासाठी सर्वेक्षण करण्याचा प्रयत्न सुरू असल्याबाबत गावकऱ्यांनी तीव्र नाराजी व्यक्त केली. अनेक शेतकऱ्यांनी शेती हेच आपल्या उदरनिर्वाहाचे एकमेव साधन असल्याचे सांगत अधिग्रहणामुळे भविष्यात निर्माण होणाऱ्या अडचणी व भीती व्यक्त केली. खासदार डॉ. नामदेव किरसान यांनी शेतकऱ्यांच्या भावना समजून घेत त्यांच्या समस्या शांतपणे ऐकून घेतल्या व शासन स्तरावर या प्रश्नाचा योग्य पाठपुरावा करण्याचे आश्वासन दिले. शेतकरी बांधवांच्या न्याय व हक्कासाठी काँग्रेस पक्ष खंबीरपणे त्यांच्या पाठीशी उभा राहील. शेतकऱ्यांवर अन्याय होऊ दिला जाणार नाही तसेच त्यांच्या हक्कासाठी आवश्यक तेवढा संघर्ष करण्यात येईल, असा विश्वास खासदार डॉ. नामदेव किरसान आणि जिल्हाध्यक्ष महेंद्र ब्राह्मणवाडे यांनी व्यक्त केला. यावेळी परिसरातील शेतकरी बांधव, काँग्रेस पक्षाचे पदाधिकारी व कार्यकर्ते मोठ्या संख्येने उपस्थित होते.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

3 hrs ago

विमानतळासाठी जमीनी न देण्यावर शेतकरी ठाम; खासदार किरसानांशी संवाद विमानतळासाठी जमीनी न देण्यावर शेतकरी ठाम; खासदार किरसानांशी संवाद प्रतिनिधी हिरापूर ता. जि. गडचिरोली गडचिरोली: (दि १०) हिरापूर येथे गडचिरोली-चिमूर लोकसभा क्षेत्राचे लोकप्रिय खासदार डॉ. नामदेव किरसान तसेच जिल्हाध्यक्ष, जिल्हा काँग्रेस कमिटी गडचिरोली महेंद्र ब्राह्मणवाडे यांनी भेट देऊन शेतकरी बांधवांशी सविस्तर संवाद साधला. यावेळी परिसरातील शेतकऱ्यांनी विमानतळ किंवा इतर कोणत्याही प्रकल्पाकरिता आपल्या शेतजमिनी द्यायच्या नसल्याची ठाम भूमिका मांडली. कोणत्याही प्रकारचे प्राथमिक अथवा इतर सर्वे करण्यात येऊ नयेत, अशी मागणी ग्रामस्थांनी केली. असे असतानाही प्रशासनाकडून पोलीस यंत्रणा व इतर माध्यमांचा दबाव आणून प्रस्तावित शेत अधिग्रहणासाठी सर्वेक्षण करण्याचा प्रयत्न सुरू असल्याबाबत गावकऱ्यांनी तीव्र नाराजी व्यक्त केली. अनेक शेतकऱ्यांनी शेती हेच आपल्या उदरनिर्वाहाचे एकमेव साधन असल्याचे सांगत अधिग्रहणामुळे भविष्यात निर्माण होणाऱ्या अडचणी व भीती व्यक्त केली. खासदार डॉ. नामदेव किरसान यांनी शेतकऱ्यांच्या भावना समजून घेत त्यांच्या समस्या शांतपणे ऐकून घेतल्या व शासन स्तरावर या प्रश्नाचा योग्य पाठपुरावा करण्याचे आश्वासन दिले. शेतकरी बांधवांच्या न्याय व हक्कासाठी काँग्रेस पक्ष खंबीरपणे त्यांच्या पाठीशी उभा राहील. शेतकऱ्यांवर अन्याय होऊ दिला जाणार नाही तसेच त्यांच्या हक्कासाठी आवश्यक तेवढा संघर्ष करण्यात येईल, असा विश्वास खासदार डॉ. नामदेव किरसान आणि जिल्हाध्यक्ष महेंद्र ब्राह्मणवाडे यांनी व्यक्त केला. यावेळी परिसरातील शेतकरी बांधव, काँग्रेस पक्षाचे पदाधिकारी व कार्यकर्ते मोठ्या संख्येने उपस्थित होते.