लोकसभा सभापती ओम बिर्ला यांनी रविवारी (दि. १२) नाशिकच्या त्र्यंबकेश्वर येथे जाऊन त्र्यंबकराजाचे दर्शन घेतले. त्यांनी मंदिराच्या सभामंडपात पूजा आणि अभिषेक केला. या दर्शनापूर्वी त्यांनी कुशावर्त तीर्थावर जाऊन गंगाभेट केली आणि त्यानंतर ते मंदिरात दाखल झाले. याप्रसंगी त्यांच्यासोबत नगराध्यक्षा त्रिवेणी तुंगार, मंदिर विश्वस्त रूपाली भुतडा, उपनगराध्यक्षा वेदिका पाटणकर यांच्यासह स्थानिक नगरसेवक उपस्थित होते. या दौऱ्याच्या पार्श्वभूमीवर त्र्यंबकेश्वर मंदिर आणि कुशावर्त तीर्थ परिसरात पोलिसांचा मोठा बंदोबस्त तैनात करण्यात आला होता. सध्या नाशिक-त्र्यंबक रस्त्याचे काम सुरू असल्यामुळे या रस्त्याच्या एका बाजूनेच दुहेरी वाहतूक सुरू आहे. त्यातच लोकसभा सभापतींच्या वाहनांचा ताफा याच रस्त्यावरून ये-जा करणार असल्याने, दर्शनासाठी आलेले भाविक आणि नियमित प्रवास करणाऱ्या नागरिकांना मोठ्या अडचणींचा सामना करावा लागला. तसेच त्र्यंबकेश्वर शहरातील इतर रस्ते खोदून ठेवलेले असताना, वाहतुकीसाठी उपलब्ध असलेल्या एकमेव रस्त्यावर पोलीस बंदोबस्तामुळे स्थानिक नागरिकांना प्रचंड त्रास सहन करावा लागला.

Dadasaheb Gaikwad

Nashik, Maharashtra•

1 hr ago

लोकसभा सभापती ओम बिर्ला यांनी रविवारी (दि. १२) नाशिकच्या त्र्यंबकेश्वर येथे जाऊन त्र्यंबकराजाचे दर्शन घेतले. त्यांनी मंदिराच्या सभामंडपात पूजा आणि अभिषेक केला. या दर्शनापूर्वी त्यांनी कुशावर्त तीर्थावर जाऊन गंगाभेट केली आणि त्यानंतर ते मंदिरात दाखल झाले. याप्रसंगी त्यांच्यासोबत नगराध्यक्षा त्रिवेणी तुंगार, मंदिर विश्वस्त रूपाली भुतडा, उपनगराध्यक्षा वेदिका पाटणकर यांच्यासह स्थानिक नगरसेवक उपस्थित होते. या दौऱ्याच्या पार्श्वभूमीवर त्र्यंबकेश्वर मंदिर आणि कुशावर्त तीर्थ परिसरात पोलिसांचा मोठा बंदोबस्त तैनात करण्यात आला होता. सध्या नाशिक-त्र्यंबक रस्त्याचे काम सुरू असल्यामुळे या रस्त्याच्या एका बाजूनेच दुहेरी वाहतूक सुरू आहे. त्यातच लोकसभा सभापतींच्या वाहनांचा ताफा याच रस्त्यावरून ये-जा करणार असल्याने, दर्शनासाठी आलेले भाविक आणि नियमित प्रवास करणाऱ्या नागरिकांना मोठ्या अडचणींचा सामना करावा लागला. तसेच त्र्यंबकेश्वर शहरातील इतर रस्ते खोदून ठेवलेले असताना, वाहतुकीसाठी उपलब्ध असलेल्या एकमेव रस्त्यावर पोलीस बंदोबस्तामुळे स्थानिक नागरिकांना प्रचंड त्रास सहन करावा लागला.