आज छत्रपती संभाजीनगर शहरातील गांधेली परिसरातून पालकमंत्री संजय शिरसाठ रस्त्याने जात असताना त्यांच्यासमोरच मोटारसायकलवरील तीन तरुणांचा अपघात झाला. अपघात पाहताच पालकमंत्र्यांनी तात्काळ घटनास्थळी थांबून जखमी तरुणांची विचारपूस केली. वेळ न दवडता, पालकमंत्र्यांनी या जखमी तरुणांना आपल्या स्वतःच्या वाहनातून रुग्णालयात पोहोचवून उपचारासाठी दाखल केले. पालकमंत्र्यांनी दाखवलेल्या या तत्परतेमुळे अपघातग्रस्त तरुणांना वेळेत वैद्यकीय मदत मिळाली.

छत्रपती संभाजीनगर गुन्हे शाखा पोलिसांनी बकरी ईदच्या पार्श्वभूमीवर गोवंश तस्करांविरोधात जिल्हाभरात कारवाई करत विविध गुन्हे दाखल केले आहेत. ही मोहीम जिल्ह्यातील सर्व भागांत राबवण्यात आली.

महाराष्ट्रामध्ये पेट्रोल-डिझेलच्या टंचाईमुळे परभणी जिल्ह्यातील एका पंपावर डिझेल भरण्यावरून तुंबळ हाणामारी झाली. शेतकऱ्यांना शेतीकामांसाठी डिझेल मिळवण्यासाठी तासन्तास रांगेत उभे राहावे लागत असताना, वाळू माफियांना मात्र ते सहज उपलब्ध होत असल्याने राज्यात संतापाचे वातावरण आहे.

महाराष्ट्रामध्ये डिझेल टंचाईने शेतकरी मेटाकुटीला आले आहेत. शेतीच्या कामांसाठी डिझेल मिळत नसल्याने परभणीच्या मानवत आणि नंदुरबारच्या शहादा येथे पेट्रोल पंपांवर तुंबळ हाणामारीच्या घटना घडल्या.

चंद्रपूर जिल्ह्यात गेल्या काही दिवसांपासून दहशत माजवून चार महिलांचा जीव घेणारी टी-२ वाघीण अखेर वनविभागाच्या विशेष पथकाने यशस्वीरित्या जेरबंद केली आहे. शनिवारी रात्री (२३ मे) सुमारे ७.१५ वाजता सिंदेवाही तालुक्यातील पवनपार तलाव परिसरातील (वनक्षेत्र क्र. २८२) ट्रॅन्क्युलायझर डार्टच्या सहाय्याने तिला बेशुद्ध करण्यात आले. रात्री ८ वाजेपर्यंत ही संपूर्ण कारवाई यशस्वीपणे पूर्ण झाली. वनविभागाने अवघ्या दोन दिवसांत ट्रॅप कॅमेरे, सीसीटीव्ही, पायी गस्त आणि डार्ट गनचा वापर करून ही मोठी मोहीम फत्ते केली. सुमारे १४ वर्षांची ही प्रौढ वाघीण असल्याचे समोर आले आहे. विशेष म्हणजे, जेरबंद करताना तिच्यासोबत कोणतेही बछडे आढळून आले नाहीत, मात्र संभाव्य बछड्यांच्या शोधासाठी वनविभागाकडून स्वतंत्र मोहीम सुरू करण्यात आली आहे. पकडण्यात आलेल्या वाघिणीला पुढील उपचार व देखरेखीसाठी नागपूर येथील गोरेवाडा वन्यजीव बचाव केंद्रात हलवण्यात आले आहे. चंद्रपूर जिल्ह्यात मानवी व वाघ यांच्यातील वाढत्या संघर्षामुळे निर्माण झालेल्या भीतीवर या कारवाईने मोठा दिलासा मिळाला असून, परिसरातील ग्रामस्थांनी समाधान व्यक्त केले आहे.

नाशिक जिल्ह्याच्या मालेगावात जोरदार वादळी वाऱ्यासह पावसाने हजेरी लावली.

बीड येथे अतिक्रमणाच्या नावाखाली भाजी फेकून देण्यात आलेल्या एका वृद्ध दलित भाजी विक्रेत्या महिलेची ऑल इंडिया पँथर सेनेचे दीपक केदार यांनी तिच्या घरी जाऊन विचारपूस केली. पीडित महिलेची परिस्थिती अत्यंत बिकट असून, तिला अद्याप घरकुल योजना किंवा ज्येष्ठ नागरिक पेन्शन योजना यापैकी कोणतीही मदत मिळालेली नाही. उदरनिर्वाहासाठी भाजी विकणे हाच तिचा एकमेव व्यवसाय होता, परंतु तो देखील आता उद्ध्वस्त झाला आहे. महिलेचा मुलगा आणि सून दोघेही मुके असून ते पुण्यामध्ये रोजगारासाठी जातात, तर वृद्ध आई एकटी घरी राहते. घरातील गरिबी आणि विदारक परिस्थिती पाहून निःशब्द झाल्याचे केदार यांनी म्हटले आहे. या गंभीर स्थितीत नगरपालिकेने तिला तात्काळ घरकुल द्यावे, तसेच तिचा पगार सुरू करावा, यासाठी ऑल इंडिया पँथर सेना प्रयत्न करणार असल्याचे त्यांनी सांगितले.

फुलंब्री नगरपंचायत कार्यालयासमोर घरकुल लाभार्थ्यांचे सुरू असलेले आमरण उपोषण लेखी पत्र मिळाल्यानंतर मागे घेण्यात आले आहे. लाभार्थ्यांनी आपली मागणी पूर्ण होण्यासाठी हे उपोषण सुरू केले होते, जे आता लेखी पत्रामुळे स्थगित झाले.

औरंगाबाद जिल्ह्यातील सावळदबारा येथील पेट्रोल पंपावर इंधन भरण्यासाठी नागरिकांनी प्रचंड गर्दी केली होती. इंधन तुटवड्याच्या अफवा पसरल्यामुळे वाहनांच्या लांबच लांब रांगा लागल्याने काही काळ वाहतूक विस्कळीत झाली.

बीड शहरात एका दलित युवकाची क्रूरपणे हत्या करण्यात आली असून त्याच्या शरीरावर अनेक जखमा आढळल्या आहेत. या घटनेने बीड शहर हादरले आहे. विशेष म्हणजे, संतोष देशमुख हत्याकांडाप्रमाणेच या प्रकरणातही अद्यापपर्यंत आरोपींना अटक करण्यात आलेली नाही, तसेच शिवाजीनगर पोलीस ठाण्यातही अद्याप गुन्हा दाखल झालेला नाही. ऑल इंडिया पॅंथर सेनेने या दलित युवकाच्या कुटुंबाला न्याय मिळेपर्यंत त्यांच्या पाठीशी ठामपणे उभे राहण्याची घोषणा केली आहे. माध्यमांशी बोलताना दीपक केदारी यांनी ही माहिती दिली. त्यांनी पीडित कुटुंबाची भेट घेऊन त्यांना धीर दिला आहे.