ସେନା ପୁଞ୍ଛ ଜିଲ୍ଲାର Line of Control (LoC) ଗେଟ୍‌ରେ ଏକ ଆଧାର-ଆଧାରିତ ପ୍ରବେଶ ଏବଂ ପ୍ରସ୍ଥାନ ବ୍ୟବସ୍ଥା ଆରମ୍ଭ କରିଛି। ଏହାର ମୁଖ୍ୟ ଉଦ୍ଦେଶ୍ୟ ହେଉଛି ସୀମାରେ ଥିବା ବାଡ଼ର ଅନ୍ୟ ପଟେ ରହୁଥିବା ଲୋକମାନଙ୍କ ଯାତାୟାତକୁ ସହଜ କରିବା। ଏହି ନୂତନ ଡିଜିଟାଲ ବ୍ୟବସ୍ଥା ଲୋକମାନଙ୍କୁ ଶୀଘ୍ର ଓ ନିରାପଦ ଭାବରେ ଚିହ୍ନଟ କରିବାରେ ସାହାଯ୍ୟ କରିବ, ଯାହା ଫଳରେ ଅପେକ୍ଷା ସମୟ ବହୁତ କମିଯିବ। ଏହି ପଦକ୍ଷେପର ଲକ୍ଷ୍ୟ ହେଉଛି ସ୍ଥାନୀୟ ଲୋକମାନଙ୍କ ପାଇଁ ପ୍ରବେଶକୁ ସହଜ କରିବା, ଏହା ସହିତ କଠୋର ସୁରକ୍ଷା ବ୍ୟବସ୍ଥା ମଧ୍ୟ ସୁନିଶ୍ଚିତ କରିବା।

ସମ୍ବଲପୁର ଜିଲ୍ଲାର କୁଚିଣ୍ଡା ଅନ୍ତର୍ଗତ ଜରାବଗା ପଞ୍ଚାୟତର ସର୍ଗିଡିହି ଠାରେ ମୁଣ୍ଡା ଆଦିବାସୀମାନଙ୍କ ଉତ୍ସବ 'ମେ ଯାତ୍ରା' ୨୦୨୬ ମସିହାରେ ପାଳିତ ହେବ।

କୁଚିଣ୍ଡା ଉପଖଣ୍ଡରେ ପ୍ରେମ, ବିବାହର ପ୍ରତିଶ୍ରୁତି, ଶାରୀରିକ ସମ୍ପର୍କ ଏବଂ ଶେଷରେ ଧୋକାକୁ ନେଇ ଚର୍ଚ୍ଚା ଜୋର ଧରିଛି। ବିବାହର ପ୍ରତିଶ୍ରୁତି ଦେଇ ଜଣେ ଯୁବତୀଙ୍କ ସହ ଶାରୀରିକ ସମ୍ପର୍କ ରଖିବା ପରେ ସେ ୬ ମାସର ଗର୍ଭବତୀ ହୋଇଥିବା ବେଳେ ଯୁବକ ଜଣକ ବିବାହ କରିବାକୁ ମନା କରି ଦେଇଛନ୍ତି। ଏହି ଅଭିଯୋଗ ଆଧାରରେ ପୋଲିସ ସମ୍ପୃକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୂଚନା ଅନୁଯାୟୀ, ମହୁଲପାଲି ଥାନା ଅନ୍ତର୍ଗତ ବାବୁମାଲଟି ଗ୍ରାମର ନରେନ୍ଦ୍ର ପରୁଆ ଏବଂ ଜମନକିରା ଥାନା ଅନ୍ତର୍ଗତ ନୁଆଡ଼ିହି ଗ୍ରାମର ଜଣେ ଯୁବତୀଙ୍କ ମଧ୍ୟରେ ୨୦୨୩ ମସିହାରୁ ପ୍ରେମ ସମ୍ପର୍କ ଗଢ଼ି ଉଠିଥିଲା। ଯୁବତୀଙ୍କ ଅଭିଯୋଗ ଅନୁସାରେ, ନରେନ୍ଦ୍ର ତାଙ୍କୁ ବିବାହ କରିବାର ପ୍ରତିଶ୍ରୁତି ଦେଇ ଦୀର୍ଘଦିନ ଧରି ଶାରୀରିକ ସମ୍ପର୍କ ରଖି ଆସୁଥିଲେ, ଯାହା ଫଳରେ ଯୁବତୀ ବର୍ତ୍ତମାନ ୬ ମାସର ଗର୍ଭବତୀ ହୋଇଛନ୍ତି। ଗର୍ଭବତୀ ହେବା ପରେ ଯୁବତୀ ବିବାହ ପାଇଁ କହିବାରୁ ନରେନ୍ଦ୍ର ତାହାକୁ ପ୍ରତ୍ୟାଖ୍ୟାନ କରିଥିଲେ। ଏହାପରେ ଯୁବତୀ ଜମନକିରା ଥାନାରେ ଏକ ଲିଖିତ ଅଭିଯୋଗ ଦାଖଲ କରିଥିଲେ। ଅଭିଯୋଗକୁ ଭିତ୍ତି କରି ଜମନକିରା ପୋଲିସ ତଦନ୍ତ ଆରମ୍ଭ କରି ଅଭିଯୁକ୍ତ ନରେନ୍ଦ୍ର ପରୁଆଙ୍କୁ ଗିରଫ କରିଥିଲା ଏବଂ ଡାକ୍ତରୀ ପରୀକ୍ଷା ପରେ ତାଙ୍କୁ କୋର୍ଟ ଚାଲାଣ କରାଯାଇଛି।

ବରଗଡ଼ ଜିଲ୍ଲାର ବରପାଲି ବ୍ଲକ ଅନ୍ତର୍ଗତ ଲୋକକଳା ଗାଁ କୁମ୍ଭାରୀରେ ଯୁଗ ନିର୍ମାଣ ଗାୟତ୍ରୀ ପରିବାର ପକ୍ଷରୁ ବିଶ୍ୱ ତମାଖୁ ଦିବସ ପାଳନ କରାଯାଇଛି। ଏହି ଅବସରରେ ପାନ, ବିଡ଼ି, ସିଗାରେଟ, ଗଞ୍ଜେଇ, ମଦ ଓ ଅଫିମ ଆଦି ନିଶା ନିବାରଣ ପାଇଁ ବିଭିନ୍ନ ସ୍ଲୋଗାନ ଦିଆଯାଇଥିଲା। ନିଶା ନିବାରଣ ସମ୍ବନ୍ଧୀୟ ସ୍ଲୋଗାନ ଦେଇ ଗାୟତ୍ରୀ ପୀଠରୁ ଏକ ଶୋଭାଯାତ୍ରା ବାହାରି ଶ୍ରୀରାମ ନଗର ଦେଇ ଲକ୍ଷ୍ମୀ ନଗରରେ ପହଞ୍ଚିଥିଲା। ସେଠାରୁ ଯାମପଡ଼ା, କୃଷ୍ଣଗୁରୁ ପଡ଼ା, ଜଗନ୍ନାଥ ମନ୍ଦିର ଦେଇ ସହରାପଡ଼ାକୁ ଯାଇଥିଲେ। ପୁଣି ସହରାପଡ଼ାରୁ ଆକାଶ ପତି ଛକ, ଉପ୍ରା ସ୍କୁଲ ସମ୍ମୁଖ, ଶାସ୍ତ୍ରୀ ପଡ଼ା, ମଳିପଡ଼ା, ବନ୍ଧପଡ଼ା, ବାଗପଡ଼ା ଦେଇ କାଳେଶ୍ୱର ମନ୍ଦିର ସମ୍ମୁଖରୁ ଶୋଭାଯାତ୍ରା ନିଜ ପୀଠକୁ ପ୍ରତ୍ୟାବର୍ତ୍ତନ କରିଥିଲା। ଏହି କାର୍ଯ୍ୟକ୍ରମରେ ଗାୟତ୍ରୀ ପୀଠ ପୁରୋଧା ପ୍ରଶାନ୍ତ ସେଠ ନେତୃତ୍ୱ ନେଇଥିବା ବେଳେ, ଗାୟତ୍ରୀ ପରିବାର ବରଗଡ଼ ଜିଲ୍ଲା ସଂଯୋଜକ ଅଶ୍ୱିନୀ କୁମାର ସାହୁ, ଅବସରପ୍ରାପ୍ତ ଶିକ୍ଷକ ରାମଜୀ ପଧାନ, ପ୍ରଭାତ ଦୀପ, ବେହେରା ଗାୟତ୍ରୀ ପରିବାର ଚୈତନ୍ୟ ସାହୁ, ଗଣେଶ ପଟେଲ, ସମିତି ସଭ୍ୟା ମୌନା ସେଠ, ମିତମ୍ବିନୀ ପଧାନ, ଅଳକା ପଧାନ, କଳ୍ପନା, ମନ, ନବାଦ, ଜୟନ୍ତୀ, ଅଷ୍ଟମୀ, ଜନତ ଓ ପ୍ରେମଶିଳା ଆଦି ଅନେକ ମହିଳା ଓ ପୁରୁଷ ସାମିଲ ହୋଇ ଜନସଚେତନତା ସୃଷ୍ଟି କରିଥିଲେ।

ସୁବର୍ଣ୍ଣପୁର ଜିଲ୍ଲାରେ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (SIR) କାର୍ଯ୍ୟକ୍ରମ ବର୍ତ୍ତମାନ ଚାଲୁ ରହିଛି।

ସୁବର୍ଣ୍ଣପୁର ଜିଲ୍ଲାର ବାବୁପାଲି ପଞ୍ଚାୟତ ଅନ୍ତର୍ଗତ ଆଇଁଲାମୁଣ୍ଡା ଗ୍ରାମର ଅନେକ ବୃଦ୍ଧ ଓ ବୃଦ୍ଧା ଗତ ଦୁଇ ମାସ ହେଲା ବାର୍ଦ୍ଧକ୍ୟ ଭତ୍ତା ପାଇନଥିବା ଅଭିଯୋଗ କରିଛନ୍ତି।

ସମ୍ବଲପୁର ଜିଲ୍ଲାରେ ସ୍ୱତନ୍ତ୍ର ତୀବ୍ର ସଂଶୋଧନ (SIR) କାର୍ଯ୍ୟକ୍ରମ ଆରମ୍ଭ କରାଯାଇଛି। ଏହି ଅବସରରେ, ଜିଲ୍ଲାର ଲୋକଙ୍କୁ ନିବେଦନ କରାଯାଇଛି ଯେ ସେମାନେ BLOs ସହିତ ସହଯୋଗ କରନ୍ତୁ ଏବଂ ଏକ ସଠିକ୍ ଭୋଟର ତାଲିକା ପ୍ରସ୍ତୁତ କରିବା ପାଇଁ ସଠିକ୍ ତଥ୍ୟ ପ୍ରଦାନ କରନ୍ତୁ। ଭୋଟର ତାଲିକାରେ ନିଜ ନାମ ପଞ୍ଜୀକରଣ କରି ଗଣତନ୍ତ୍ରରେ ଜଣେ ସକ୍ରିୟ ଅଂଶଗ୍ରହଣକାରୀ ହେବାକୁ ଏହି କାର୍ଯ୍ୟକ୍ରମ ମାଧ୍ୟମରେ ଆହ୍ୱାନ କରାଯାଇଛି।

ସୁବର୍ଣ୍ଣପୁର ଜିଲ୍ଲା ସଦର ବ୍ଲକ ଅନ୍ତର୍ଗତ ଖାରି ଗ୍ରାମ ପଞ୍ଚାୟତର ତରାଇକେଲା ଗ୍ରାମରେ ବାସ କରୁଥିବା ନାରାୟଣ ସାହୁଙ୍କ ପରିବାର ପାଇଁ ଆବାସ ଯୋଜନା ଏକ ସାତ ସପନ ହୋଇ ରହିଛି। ବୃଦ୍ଧ ନାରାୟଣ ସାହୁ ନିଜ ସ୍ତ୍ରୀ ଏବଂ ଦୁଇ ପୁଅ ଝିଅଙ୍କୁ ନେଇ ଏକ ଛୋଟ ପରିବାର ଚଳାଉଛନ୍ତି, ଯାହା ସେ ରୋଜଗାର କରନ୍ତି ସେଥିରେ ହିଁ ସେମାନଙ୍କ ଗୁଜୁରାଣ ମେଣ୍ଟେ। ତାଙ୍କ ମାଟିଘରଟି ଏବେ ଭାଙ୍ଗିଗଲାଣି, ଯାହା ଫଳରେ ଦିନରେ ସୂର୍ଯ୍ୟ ଏବଂ ରାତିରେ ଚନ୍ଦ୍ର ଘର ଭିତରୁ ଦେଖାଯାଉଛି। ଏପରି ଦୁଃଖଦ ପରିସ୍ଥିତିରେ ରହୁଥିବା ଏହି ପରିବାର ପାଇଁ ଆବାସ ଯୋଜନାର ସହାୟତା ମିଳିପାରି ନାହିଁ, ଯାହା ସେମାନଙ୍କ ପାଇଁ କେବଳ ଏକ ଅପୂରଣୀୟ ସ୍ୱପ୍ନ ହୋଇ ରହିଛି।

Post by Ram Shankar Bhoi

ଜଣେ ନବ ବିବାହିତା ମହିଳା ମହାନଦୀକୁ ଡେଇଁ ପଡ଼ିଥିବା ସୂଚନା ମିଳିଛି। ମହିଳା ଜଣକ ନିଜ ସ୍ୱାମୀଙ୍କ ସହ ଏକ ମୋଟରସାଇକେଲରେ ଆସି ମହାନଦୀ ସେତୁ ଉପରୁ ନଦୀକୁ ଡେଇଁଥିଲେ। ତେବେ ସୌଭାଗ୍ୟବଶତଃ ସେ ଅଳ୍ପକେ ବର୍ତ୍ତି ଯାଇଛନ୍ତି।