சென்னையில் நீட் தேர்வுக்கு எதிராகப் போராடிய மாணவர்கள் மீது காவல் துறையினர் அராஜகத் தாக்குதல் நடத்தியுள்ளனர் என மார்க்சிஸ்ட் மாநிலச் செயலாளர் பெ.சண்முகம் கடும் கண்டனம் தெரிவித்துள்ளார். அவரது அறிக்கையின்படி, ஒன்றிய பாஜக அரசின் நீட் தேர்வு முறைகேடுகளைக் கண்டித்தும், தமிழகத்தில் நீட் தேர்வுத் தற்கொலைகளுக்கு முற்றுப்புள்ளி வைக்கும் வகையிலும் நீட் தேர்வை ரத்து செய்யக் கோரியும் இந்திய மாணவர் சங்கத்தின் சார்பில் நேற்று போராட்டம் நடைபெற்றது. போராட்டத்தில் ஈடுபட்ட மாணவர்களை ஒன்றுசேர விடாமல் அங்கங்கே கைது செய்த தமிழக காவல்துறையினர், காட்டுமிராண்டித்தனமாகத் தாக்கியுள்ளனர். இந்தக் கொடூரத் தாக்குதலில் ஒரு மாணவரின் தோள்பட்டை இறங்கியுள்ளது. இதைவிட அநாகரிகமாக, மாணவிகளை ஆண் காவலர்கள் தகாத முறையில் ஆடையைப் பிடித்து இழுத்தும், தள்ளியும், அடித்தும் கைது செய்துள்ளனர். மேலும், சட்டத்திற்குப் புறம்பாகக் காவலர்கள் தங்களது சீருடையில் பெயர் வில்லைகளை அணியாமல் தங்களின் அடையாளத்தை மறைத்து அராஜகத்தில் ஈடுபட்டதாக மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு குற்றம்சாட்டியுள்ளது. காவல்துறையினரின் இந்த நடவடிக்கைகள் ஜனநாயக உரிமைகளை மிதிப்பதாகவும், இந்திய சட்டங்கள் (பி.என்.எஸ்.) மற்றும் தேசிய மனித உரிமை ஆணைய வழிகாட்டுதல்கள் படி குற்றங்களாகவும், அரசமைப்பு சட்ட உரிமைகள் மற்றும் கண்ணியத்துக்கு எதிரானதாகவும் அமைந்துள்ளன. எனவே, நியாயமான கோரிக்கைகளுக்காகப் போராடிய மாணவர்கள் மீது வன்முறையை ஏவித் தாக்குதலில் ஈடுபட்ட காவலர்கள் மீது உரிய நடவடிக்கை எடுக்க வேண்டும் என்றும், மாணவியர்களைத் தகாத முறையில் நடத்திய ஆண் காவலர்கள் மீது உடனடியாக வழக்குப் பதிவு செய்து சட்ட ரீதியான நடவடிக்கைகளை மேற்கொள்ள வேண்டும் என்றும், ஜனநாயக ரீதியிலான போராட்டங்களுக்கு உரிய முறையில் அனுமதி வழங்கிட வேண்டும் என்றும் மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தமிழக அரசை வலியுறுத்தியுள்ளது.

Pratap Chander(Namadhu Arasu)

Photographer மாம்பலம், சென்னை, தமிழ்நாடு•

3 hrs ago

சென்னையில் நீட் தேர்வுக்கு எதிராகப் போராடிய மாணவர்கள் மீது காவல் துறையினர் அராஜகத் தாக்குதல் நடத்தியுள்ளனர் என மார்க்சிஸ்ட் மாநிலச் செயலாளர் பெ.சண்முகம் கடும் கண்டனம் தெரிவித்துள்ளார். அவரது அறிக்கையின்படி, ஒன்றிய பாஜக அரசின் நீட் தேர்வு முறைகேடுகளைக் கண்டித்தும், தமிழகத்தில் நீட் தேர்வுத் தற்கொலைகளுக்கு முற்றுப்புள்ளி வைக்கும் வகையிலும் நீட் தேர்வை ரத்து செய்யக் கோரியும் இந்திய மாணவர் சங்கத்தின் சார்பில் நேற்று போராட்டம் நடைபெற்றது. போராட்டத்தில் ஈடுபட்ட மாணவர்களை ஒன்றுசேர விடாமல் அங்கங்கே கைது செய்த தமிழக காவல்துறையினர், காட்டுமிராண்டித்தனமாகத் தாக்கியுள்ளனர். இந்தக் கொடூரத் தாக்குதலில் ஒரு மாணவரின் தோள்பட்டை இறங்கியுள்ளது. இதைவிட அநாகரிகமாக, மாணவிகளை ஆண் காவலர்கள் தகாத முறையில் ஆடையைப் பிடித்து இழுத்தும், தள்ளியும், அடித்தும் கைது செய்துள்ளனர். மேலும், சட்டத்திற்குப் புறம்பாகக் காவலர்கள் தங்களது சீருடையில் பெயர் வில்லைகளை அணியாமல் தங்களின் அடையாளத்தை மறைத்து அராஜகத்தில் ஈடுபட்டதாக மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு குற்றம்சாட்டியுள்ளது. காவல்துறையினரின் இந்த நடவடிக்கைகள் ஜனநாயக உரிமைகளை மிதிப்பதாகவும், இந்திய சட்டங்கள் (பி.என்.எஸ்.) மற்றும் தேசிய மனித உரிமை ஆணைய வழிகாட்டுதல்கள் படி குற்றங்களாகவும், அரசமைப்பு சட்ட உரிமைகள் மற்றும் கண்ணியத்துக்கு எதிரானதாகவும் அமைந்துள்ளன. எனவே, நியாயமான கோரிக்கைகளுக்காகப் போராடிய மாணவர்கள் மீது வன்முறையை ஏவித் தாக்குதலில் ஈடுபட்ட காவலர்கள் மீது உரிய நடவடிக்கை எடுக்க வேண்டும் என்றும், மாணவியர்களைத் தகாத முறையில் நடத்திய ஆண் காவலர்கள் மீது உடனடியாக வழக்குப் பதிவு செய்து சட்ட ரீதியான நடவடிக்கைகளை மேற்கொள்ள வேண்டும் என்றும், ஜனநாயக ரீதியிலான போராட்டங்களுக்கு உரிய முறையில் அனுமதி வழங்கிட வேண்டும் என்றும் மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தமிழக அரசை வலியுறுத்தியுள்ளது.