અમદાવાદ શહેરના વ્યાસવાડી ચાર રસ્તા પર એક જોરદાર અકસ્માત થયો હતો. આ ઘટનામાં એક બાઈકચાલક ઘાયલ થયો હોવાના સમાચાર છે.

વડોદરાના વાઘોડિયા ચોકડી ખાતે દિવસદહાડે બાઈક સવાર અજાણ્યા શખ્સોએ એક કારનો પીછો કરીને ૩૭ વર્ષીય આશિષ મદનલાલ બાકોલિયા પર ધડાધડ ફાયરિંગ કર્યું હતું. આ ગોળીબારમાં આશિષ બાકોલિયાને ખભામાં ગોળી વાગતાં તેમને ગંભીર ઈજા થઈ હતી. તેમને તાત્કાલિક સારવાર માટે પહેલા એસએસજી હોસ્પિટલ અને ત્યારબાદ એક ખાનગી હોસ્પિટલમાં ખસેડવામાં આવ્યા હતા. આ ઘટનાને કારણે સમગ્ર વિસ્તારમાં ભયનો માહોલ છવાઈ ગયો છે. ફાયરિંગ કર્યા બાદ હુમલાખોરો ઘટનાસ્થળેથી ફરાર થઈ ગયા હતા. બનાવની જાણ થતાં જ શહેર-ગ્રામ્ય પોલીસ અને એફએસએલની ટીમ તાત્કાલિક સ્થળ પર પહોંચી હતી અને તપાસનો ધમધમાટ શરૂ કર્યો હતો. પોલીસ હાલ સીસીટીવી ફૂટેજ અને અન્ય ટેક્નિકલ પુરાવાના આધારે આ ફાયરિંગ પાછળનું ચોક્કસ કારણ શોધવા અને હુમલાખોરોને પકડવા માટે કાર્યવાહી કરી રહી છે.

Post by Rohit kirtanbhai

ભારતીય જનતા પાર્ટી દ્વારા પંડિત દીનદયાળ ઉપાધ્યાય પ્રશિક્ષણ મહાઅભિયાન-૨૦૨૬ અંતર્ગત બોચાસણ સ્થિત શ્રી બી.એ.પી.એસ સ્વામિનારાયણ મંદિર ખાતે એક વિશેષ પ્રશિક્ષણ વર્ગનું આયોજન કરવામાં આવ્યું હતું. શનિવારે આંકલાવ તાલુકાના આ સત્રમાં સોજીત્રા વિધાનસભાના ધારાસભ્ય શ્રી વિપુલભાઈ પટેલ વિશેષ રૂપે ઉપસ્થિત રહ્યા હતા. પોતાના સંબોધનમાં ધારાસભ્યશ્રીએ કેન્દ્રની મોદી સરકાર અને ગુજરાત સરકારની લોકાભિમુખ નીતિઓ તેમજ વિવિધ વિકાસલક્ષી કામોની ઉપલબ્ધિઓ વિશે વિગતવાર માહિતી આપી હતી. તેમણે કાર્યકર્તાઓને સરકારની યોજનાઓ જન-જન સુધી પહોંચાડવા માટે આહવાન પણ કર્યું હતું. આ પ્રશિક્ષણ વર્ગમાં સાંસદ શ્રી મિતેષભાઈ પટેલ, તાલુકા સંગઠનના પ્રમુખશ્રી સહિત પક્ષના અપેક્ષિત હોદ્દેદારો અને કાર્યકર્તાઓ મોટી સંખ્યામાં હાજર રહ્યા હતા.

ગરૂડેશ્વરમાં શરત ભંગના કિસ્સામાં પાંચ જેટલા સરકારી અધિકારીઓના મકાનો પર "દાદાનું બુલડોઝર" ફરી વળ્યું છે. આ કાર્યવાહી વહેલી સવારે ચુસ્ત બંદોબસ્ત વચ્ચે વહીવટી તંત્ર દ્વારા હાથ ધરવામાં આવી હતી, જેને એક મોટી કાર્યવાહી તરીકે જોવામાં આવી રહી છે. સામાન્ય જનતાના મકાનો પર કાર્યવાહી થયા બાદ હવે અધિકારીઓના બંગલાઓ પર બુલડોઝર ફળી વળ્યું છે. અધિકારીઓના મકાનો પર શરત ભંગના મામલે જ આ પગલું લેવામાં આવ્યું છે, જેમાં ફરી એકવાર "દાદાનું બુલડોઝર" ચાલ્યું છે.

અંકલેશ્વર ઔદ્યોગિક વિસ્તાર માટે એક ઐતિહાસિક નિર્ણય લેવામાં આવ્યો છે, જેના ભાગરૂપે ઇન્ટર-CETP એફ્લ્યુએન્ટ ટ્રાન્સફર સંબંધિત મહત્વપૂર્ણ નીતિગત ફેરફારોની જાહેરાત કરવામાં આવી છે. લઘુ ઉદ્યોગ ભારતી – ભરૂચ ચેપ્ટર દ્વારા સતત કરવામાં આવેલી રજૂઆતો અને પ્રયાસોના પરિણામે આ મહત્વપૂર્ણ ફેરફારો શક્ય બન્યા છે. આ નિર્ણયથી MSME ઉદ્યોગોને મોટી રાહત મળશે, CETP વચ્ચે એફ્લ્યુએન્ટ ટ્રાન્સફર માટે સ્પષ્ટ માર્ગદર્શિકા પ્રાપ્ત થશે, અને વહીવટી પ્રક્રિયામાં સરળીકરણ આવશે. આ ઉપરાંત, ડ્યુઅલ ડિસ્ચાર્જ પર નિયંત્રણ આવશે અને ZLD યુનિટ્સ માટે વિશેષ જોગવાઈઓ કરવામાં આવી છે, જે 'ઈઝ ઓફ ડુઈંગ બિઝનેસ' ને પ્રોત્સાહન આપશે. આ નીતિગત ફેરફારો પર્યાવરણની સુરક્ષા સાથે ઉદ્યોગોના વિકાસને ગતિ આપશે, જેનાથી અંકલેશ્વર ઔદ્યોગિક વસાહતને મોટો લાભ થશે. વાર્ષિક અંદાજે 4.25 લાખ ટન CO₂ ઉત્સર્જનમાં ઘટાડો થશે, જે 1.93 કરોડ વૃક્ષોના વાવેતર જેટલી પર્યાવરણીય અસર સમાન છે. દૈનિક આશરે 300 ટેન્કર ટ્રિપ્સની પણ બચત થશે. લઘુ ઉદ્યોગ ભારતીના પ્રયાસો અને સરકાર તેમજ પ્રદૂષણ નિયંત્રણ તંત્રના હકારાત્મક અભિગમને ઉદ્યોગ જગતે ખૂબ આવકાર્યો છે.

સ્ટેચ્યુ ઑફ યુનિટીના પરિસરમાં દર મહિનાના બીજા અને ચોથા શનિવારે પ્રવાસીઓ માટે વિશેષ આયોજન કરવામાં આવે છે. આનાથી પ્રવાસીઓને ગુજરાતની વિવિધતાસભર આદિવાસી પરંપરા, લોકકલા અને નૃત્યોનો નજીકથી અનુભવ મળે છે, જેથી તેઓ સ્થાનિક સંસ્કૃતિને વધુ સારી રીતે જાણી શકે. આ પ્રયાસો દ્વારા, આદિવાસી કલાકારોને તેમની કલાના પ્રદર્શન માટે એક સશક્ત અને વ્યવસ્થિત પ્લેટફોર્મ પૂરું પાડવામાં આવે છે, જે તેમને રોજગારી પણ પૂરી પાડે છે. SOU દ્વારા આવા પ્રયાસો સતત કરવામાં આવે છે, જે રાજ્ય સરકારના 'વિકાસ ભી, વિરાસત ભી' (વિકાસ પણ અને વારસો પણ) ના સંકલ્પને પણ સાકાર કરે છે.

અમદાવાદના રાણીપ વિસ્તારમાં બુટલેગરોના સતત ત્રાસથી મહિલાઓ હવે રણચંડી બની ગઈ છે. બુટલેગરો દ્વારા થતી હેરાનગતિથી તંગ આવીને મહિલાઓએ આક્રોશ વ્યક્ત કર્યો છે અને તેમની સામે મજબૂતીથી ઊભી રહી છે.

વડોદરા શહેરમાં વરસાદી કાસની ચાલી રહેલી કામગીરીને લઈને કોન્ટ્રાક્ટરો અને નગરપાલિકા પર ગંભીર સવાલો ઉઠાવવામાં આવ્યા છે. આક્ષેપ છે કે વડોદરા શહેર નગરપાલિકા દ્વારા કોન્ટ્રાક્ટરોને કરાર આપી દેવામાં આવ્યા હોવા છતાં, કોન્ટ્રાક્ટરો 'મસ્ત મલાઈ ખાઈને બેસી ગયા' છે અને તેમણે વડોદરા શહેરના નાગરિકોના જીવ જોખમમાં મૂકી દીધા છે. શહેરના વાઘોડિયા રોડ પર પરિવાર ચાર રસ્તાથી સવિતા હોસ્પિટલ સુધી, તેમજ વૃંદાવન ચાર રસ્તા અને ડભોઈ રીંગ રોડ પર મોટા ભુવાઓ પડ્યા છે. આ બેદરકારીભરી સ્થિતિ માટે નગરપાલિકા કે કોન્ટ્રાક્ટરોમાંથી કોણ જવાબદાર છે, તેવો પ્રશ્ન ઉઠાવવામાં આવ્યો છે.