परभणीतील प्रियदर्शनी इंदिरा गांधी स्टेडियम येथे १२वा जागतिक योग दिन मोठ्या उत्साहात साजरा करण्यात आला. योग ही केवळ व्यायाम पद्धती नसून निरोगी, संतुलित आणि आनंदी जीवन जगण्याची एक प्रभावी जीवनशैली आहे, असा संदेश यानिमित्ताने देण्यात आला. जिल्हाधिकारी संजयसिंह चव्हाण यांच्या प्रमुख उपस्थितीत अधिकारी, कर्मचारी, विद्यार्थी, योगसाधक आणि ज्येष्ठ नागरिकांनी सामूहिक योगाभ्यास करून आरोग्यदायी जीवनाचा संकल्प केला. जिल्हा प्रशासन आणि महानगरपालिका यांच्या संयुक्त विद्यमाने आयोजित या कार्यक्रमाला नागरिकांचा उत्स्फूर्त प्रतिसाद लाभला. या वर्षीच्या योग दिनाची संकल्पना 'निरोगी वृद्धत्वासाठी योग' अशी होती. कार्यक्रमाच्या प्रारंभी मानवत तालुक्यातील यशवाडी येथील मंदिर दुर्घटनेतील मृतांना दोन मिनिटे मौन पाळून श्रद्धांजली अर्पण करण्यात आली, त्यानंतर दीपप्रज्वलन व प्रतिमापूजन करून कार्यक्रमाची सुरुवात झाली. यावेळी महापालिका आयुक्त नितीन नार्वेकर, अप्पर पोलीस अधीक्षक तानाजी चिखले, निवासी उपजिल्हाधिकारी अनुराधा ढालकरी, जिल्हा क्रीडा अधिकारी गीता साखरे, शिक्षणाधिकारी संगीता बिर्गे, सहाय्यक आयुक्त गजानन जाधव यांच्यासह विविध विभागांचे अधिकारी व मान्यवर उपस्थित होते. प्रशिक्षकांच्या मार्गदर्शनाखाली उपस्थितांनी विविध योगासने, प्राणायाम आणि ध्यानसाधना केली. नियमित योगाभ्यासामुळे शारीरिक तंदुरुस्ती, मानसिक शांतता आणि सकारात्मक जीवनदृष्टी विकसित होते, असे यावेळी सांगण्यात आले. जिल्हाधिकारी संजयसिंह चव्हाण यांनी नागरिकांना दैनंदिन जीवनात योगाचा अंगीकार करण्याचे आवाहन केले. या कार्यक्रमादरम्यान प्रियदर्शनी इंदिरा गांधी क्रीडा संकुल परिसरात वृक्षारोपणही करण्यात आले. तसेच परभणी जिल्हा योग परिषदेच्या वतीने योगासन स्पर्धांचे आयोजन करण्यात आले होते, ज्यात विविध वयोगटांतील स्पर्धकांनी उत्साहाने सहभाग घेतला. विजेत्यांना मान्यवरांच्या हस्ते सन्मानचिन्हे व बक्षिसे प्रदान करण्यात आली. सावित्रीबाई फुले मुलींचे हायस्कूल, मराठवाडा हायस्कूल, बालविद्या मंदिर, गांधी विद्यालय आदी शाळांतील विद्यार्थी, योग प्रशिक्षक, क्रीडा शिक्षक आणि विविध योग संघटनांचे पदाधिकारी मोठ्या संख्येने उपस्थित होते. या यशस्वी आयोजनासाठी जिल्हा प्रशासन, महापालिका, पोलीस प्रशासन, शिक्षण विभाग, क्रीडा विभाग आणि जागतिक योग उत्सव समितीने विशेष परिश्रम घेतले.

Kapil Ashokrao Shinde

मानवत, परभणी, महाराष्ट्र•

1 hr ago

परभणीतील प्रियदर्शनी इंदिरा गांधी स्टेडियम येथे १२वा जागतिक योग दिन मोठ्या उत्साहात साजरा करण्यात आला. योग ही केवळ व्यायाम पद्धती नसून निरोगी, संतुलित आणि आनंदी जीवन जगण्याची एक प्रभावी जीवनशैली आहे, असा संदेश यानिमित्ताने देण्यात आला. जिल्हाधिकारी संजयसिंह चव्हाण यांच्या प्रमुख उपस्थितीत अधिकारी, कर्मचारी, विद्यार्थी, योगसाधक आणि ज्येष्ठ नागरिकांनी सामूहिक योगाभ्यास करून आरोग्यदायी जीवनाचा संकल्प केला. जिल्हा प्रशासन आणि महानगरपालिका यांच्या संयुक्त विद्यमाने आयोजित या कार्यक्रमाला नागरिकांचा उत्स्फूर्त प्रतिसाद लाभला. या वर्षीच्या योग दिनाची संकल्पना 'निरोगी वृद्धत्वासाठी योग' अशी होती. कार्यक्रमाच्या प्रारंभी मानवत तालुक्यातील यशवाडी येथील मंदिर दुर्घटनेतील मृतांना दोन मिनिटे मौन पाळून श्रद्धांजली अर्पण करण्यात आली, त्यानंतर दीपप्रज्वलन व प्रतिमापूजन करून कार्यक्रमाची सुरुवात झाली. यावेळी महापालिका आयुक्त नितीन नार्वेकर, अप्पर पोलीस अधीक्षक तानाजी चिखले, निवासी उपजिल्हाधिकारी अनुराधा ढालकरी, जिल्हा क्रीडा अधिकारी गीता साखरे, शिक्षणाधिकारी संगीता बिर्गे, सहाय्यक आयुक्त गजानन जाधव यांच्यासह विविध विभागांचे अधिकारी व मान्यवर उपस्थित होते. प्रशिक्षकांच्या मार्गदर्शनाखाली उपस्थितांनी विविध योगासने, प्राणायाम आणि ध्यानसाधना केली. नियमित योगाभ्यासामुळे शारीरिक तंदुरुस्ती, मानसिक शांतता आणि सकारात्मक जीवनदृष्टी विकसित होते, असे यावेळी सांगण्यात आले. जिल्हाधिकारी संजयसिंह चव्हाण यांनी नागरिकांना दैनंदिन जीवनात योगाचा अंगीकार करण्याचे आवाहन केले. या कार्यक्रमादरम्यान प्रियदर्शनी इंदिरा गांधी क्रीडा संकुल परिसरात वृक्षारोपणही करण्यात आले. तसेच परभणी जिल्हा योग परिषदेच्या वतीने योगासन स्पर्धांचे आयोजन करण्यात आले होते, ज्यात विविध वयोगटांतील स्पर्धकांनी उत्साहाने सहभाग घेतला. विजेत्यांना मान्यवरांच्या हस्ते सन्मानचिन्हे व बक्षिसे प्रदान करण्यात आली. सावित्रीबाई फुले मुलींचे हायस्कूल, मराठवाडा हायस्कूल, बालविद्या मंदिर, गांधी विद्यालय आदी शाळांतील विद्यार्थी, योग प्रशिक्षक, क्रीडा शिक्षक आणि विविध योग संघटनांचे पदाधिकारी मोठ्या संख्येने उपस्थित होते. या यशस्वी आयोजनासाठी जिल्हा प्रशासन, महापालिका, पोलीस प्रशासन, शिक्षण विभाग, क्रीडा विभाग आणि जागतिक योग उत्सव समितीने विशेष परिश्रम घेतले.