कोल्हापूर येथील इंदिरानगर सेवा वस्तीमधील स्वराज्य हॉल येथे जायंट्स ग्रुप ऑफ रंकाळा चौपाटी आणि ड्रीम टीम फाउंडेशन यांच्या संयुक्त विद्यमाने शैक्षणिक साहित्य वाटप कार्यक्रम उत्साहात पार पडला. सामाजिक बांधिलकी जपत सेवावस्तीतील ५० विद्यार्थ्यांना शिक्षणासाठी प्रोत्साहित करण्याच्या उद्देशाने प्रत्येकी सहा वह्यांचे वाटप करण्यात आले. या उपक्रमाची सुरुवात स्पेशल ऑफिसर श्री. सुरेश खांडेकर यांच्या हस्ते दीपप्रज्वलन आणि जायंट्स प्रार्थनेने झाली, तर राष्ट्रसेविका समितीच्या सौ. विजयाताई शिरगोपीकर यांनी विद्यार्थ्यांकडून पाढे, संस्कारगीते व बडबडगीते सादर करून घेतली. विद्यार्थ्यांच्या या आत्मविश्वासपूर्ण सादरीकरणाला उपस्थितांनी उत्स्फूर्त दाद दिली. या प्रसंगी स्पेशल ऑफिसर श्री. सुरेश खांडेकर यांनी विद्यार्थ्यांना शिक्षणाचे महत्त्व, चांगले संस्कार आणि यश मिळवण्यासाठी आवश्यक असलेल्या सातत्यपूर्ण प्रयत्नांविषयी मार्गदर्शन केले. जायंट्स ग्रुपचे अध्यक्ष श्री. तानाजी पाटील यांनी शिस्त, मेहनत आणि सकारात्मक विचारांच्या बळावर प्रत्येक विद्यार्थी आपले ध्येय गाठू शकतो, असा विश्वास व्यक्त केला. ड्रीम टीम फाउंडेशनच्या वतीने अर्पिता दत्तात्रय राऊत, श्रुती प्रमोद चौगुले, श्रेया प्रमोद चौगुले आणि आँचल विनोद कटारे यांनी संस्थेच्या कार्याचा आढावा घेत शिक्षणासोबतच सामाजिक जाणीवही महत्त्वाची असल्याचे सांगितले. या कार्यक्रमाला जायंट्स ग्रुप ऑफ रंकाळा चौपाटीच्या संस्थापिका व समन्वयक सौ. बबीताताई जाधव, कार्यवाह सौ. कमलताई पाटील, श्री. डावरे आणि सौ. वैशाली कांबळे यांच्यासह अनेक मान्यवर उपस्थित होते. या संपूर्ण कार्यक्रमाचे संयोजन सौ. शुभदा मोहन कामत यांनी केले. सेवावस्तीतील विद्यार्थ्यांना शैक्षणिक साहित्य, मार्गदर्शन किंवा इतर स्वरूपात मदत करण्याची इच्छा असणाऱ्या सामाजिक बांधिलकी जपणाऱ्या नागरिकांनी त्यांच्याशी संपर्क साधावा, असे आवाहन यावेळी करण्यात आले. शिक्षण हीच समाजपरिवर्तनाची खरी ताकद असल्याचा संदेश देणारा हा उपक्रम उपस्थितांच्या कौतुकास पात्र ठरला.

E city news network

Local News Reporter करवीर, कोल्हापूर, महाराष्ट्र•

5 hrs ago

कोल्हापूर येथील इंदिरानगर सेवा वस्तीमधील स्वराज्य हॉल येथे जायंट्स ग्रुप ऑफ रंकाळा चौपाटी आणि ड्रीम टीम फाउंडेशन यांच्या संयुक्त विद्यमाने शैक्षणिक साहित्य वाटप कार्यक्रम उत्साहात पार पडला. सामाजिक बांधिलकी जपत सेवावस्तीतील ५० विद्यार्थ्यांना शिक्षणासाठी प्रोत्साहित करण्याच्या उद्देशाने प्रत्येकी सहा वह्यांचे वाटप करण्यात आले. या उपक्रमाची सुरुवात स्पेशल ऑफिसर श्री. सुरेश खांडेकर यांच्या हस्ते दीपप्रज्वलन आणि जायंट्स प्रार्थनेने झाली, तर राष्ट्रसेविका समितीच्या सौ. विजयाताई शिरगोपीकर यांनी विद्यार्थ्यांकडून पाढे, संस्कारगीते व बडबडगीते सादर करून घेतली. विद्यार्थ्यांच्या या आत्मविश्वासपूर्ण सादरीकरणाला उपस्थितांनी उत्स्फूर्त दाद दिली. या प्रसंगी स्पेशल ऑफिसर श्री. सुरेश खांडेकर यांनी विद्यार्थ्यांना शिक्षणाचे महत्त्व, चांगले संस्कार आणि यश मिळवण्यासाठी आवश्यक असलेल्या सातत्यपूर्ण प्रयत्नांविषयी मार्गदर्शन केले. जायंट्स ग्रुपचे अध्यक्ष श्री. तानाजी पाटील यांनी शिस्त, मेहनत आणि सकारात्मक विचारांच्या बळावर प्रत्येक विद्यार्थी आपले ध्येय गाठू शकतो, असा विश्वास व्यक्त केला. ड्रीम टीम फाउंडेशनच्या वतीने अर्पिता दत्तात्रय राऊत, श्रुती प्रमोद चौगुले, श्रेया प्रमोद चौगुले आणि आँचल विनोद कटारे यांनी संस्थेच्या कार्याचा आढावा घेत शिक्षणासोबतच सामाजिक जाणीवही महत्त्वाची असल्याचे सांगितले. या कार्यक्रमाला जायंट्स ग्रुप ऑफ रंकाळा चौपाटीच्या संस्थापिका व समन्वयक सौ. बबीताताई जाधव, कार्यवाह सौ. कमलताई पाटील, श्री. डावरे आणि सौ. वैशाली कांबळे यांच्यासह अनेक मान्यवर उपस्थित होते. या संपूर्ण कार्यक्रमाचे संयोजन सौ. शुभदा मोहन कामत यांनी केले. सेवावस्तीतील विद्यार्थ्यांना शैक्षणिक साहित्य, मार्गदर्शन किंवा इतर स्वरूपात मदत करण्याची इच्छा असणाऱ्या सामाजिक बांधिलकी जपणाऱ्या नागरिकांनी त्यांच्याशी संपर्क साधावा, असे आवाहन यावेळी करण्यात आले. शिक्षण हीच समाजपरिवर्तनाची खरी ताकद असल्याचा संदेश देणारा हा उपक्रम उपस्थितांच्या कौतुकास पात्र ठरला.