जालना येथे बकरी ईदच्या पार्श्वभूमीवर कत्तलीसाठी निर्दयीपणे डांबून ठेवलेल्या २० गोवंशीय जनावरांची कादीम जालना पोलिसांनी सुटका केली आहे. जुन्या जालन्यातील मोरंडी मोहल्ला भागात मंगळवारी रात्री उशिरा धाडसी छापा टाकून ही कारवाई करण्यात आली. या मोहिमेत पोलिसांनी सुमारे ६ लाख ९५ हजार रुपये किमतीचा मुद्देमाल जप्त केला असून, दोन जणांविरुद्ध गुन्हा दाखल करण्यात आला आहे. पोलिसांना मिळालेल्या खात्रीशीर माहितीनुसार, मोरंडी मोहल्ला येथील मुजम्मील व गफार कुरेशी यांच्या वाड्यात विनापरवाना मोठ्या प्रमाणात गोवंशीय जनावरे कत्तलीसाठी निर्दयीपणे कोंडून ठेवण्यात आली होती. या माहितीच्या आधारे, पोलीस निरीक्षक श्री. जनार्दन शेवाळे यांच्या नेतृत्वाखालील पथकाने २६ मे २०२६ रोजी रात्री दीड वाजण्याच्या सुमारास पंचांसह संबंधित ठिकाणी छापा टाकला. या छाप्यात ७ गो-हे, ज्यांची अंदाजे किंमत १ लाख ७५ हजार रुपये (प्रत्येकी २५ हजार रुपये), आणि १३ बैल, ज्यांची अंदाजे किंमत ५ लाख २० हजार रुपये (प्रत्येकी ४० हजार रुपये) असे एकूण २० गोवंशीय जनावरे मिळून आली. या प्रकरणी शेख जुबेर शेख फिरोज आणि ग्यासोद्दीन कमरोद्दीन कुरेशी, दोन्ही मोरंडी मोहल्ला, जुना जालना येथील रहिवासी, यांच्यावर कादीम जालना पोलीस ठाण्यात गु.र.नं. २७८/२०२६ नुसार प्राणी संरक्षण अधिनियम कलम ५(अ), ९ आणि प्राण्यांना छळ प्रतिबंधक अधिनियम कलम ११(१) अंतर्गत गुन्हा नोंदवण्यात आला आहे. ही यशस्वी कारवाई जालना पोलीस अधीक्षक मा. श्री. तेघबीर सिंह संधू, अप्पर पोलीस अधीक्षक मा. श्री. विक्रम साळी आणि उपविभागीय पोलीस अधिकारी मा. श्री. अनंत कुलकर्णी यांच्या मार्गदर्शनाखाली पोलीस निरीक्षक जे.बी. शेवाळे, सपोनि अविनाश गडाख, सपोनि अमित मस्के व त्यांच्या पथकाने पार पाडली. या गुन्ह्याचा पुढील तपास महिला पोलीस हेडकॉन्स्टेबल प्रतिभा पांडुरे करत आहेत.

विशेष तपास न्युज

पिंपरी चिंचवड, पुणे, महाराष्ट्र•

10 hrs ago

जालना येथे बकरी ईदच्या पार्श्वभूमीवर कत्तलीसाठी निर्दयीपणे डांबून ठेवलेल्या २० गोवंशीय जनावरांची कादीम जालना पोलिसांनी सुटका केली आहे. जुन्या जालन्यातील मोरंडी मोहल्ला भागात मंगळवारी रात्री उशिरा धाडसी छापा टाकून ही कारवाई करण्यात आली. या मोहिमेत पोलिसांनी सुमारे ६ लाख ९५ हजार रुपये किमतीचा मुद्देमाल जप्त केला असून, दोन जणांविरुद्ध गुन्हा दाखल करण्यात आला आहे. पोलिसांना मिळालेल्या खात्रीशीर माहितीनुसार, मोरंडी मोहल्ला येथील मुजम्मील व गफार कुरेशी यांच्या वाड्यात विनापरवाना मोठ्या प्रमाणात गोवंशीय जनावरे कत्तलीसाठी निर्दयीपणे कोंडून ठेवण्यात आली होती. या माहितीच्या आधारे, पोलीस निरीक्षक श्री. जनार्दन शेवाळे यांच्या नेतृत्वाखालील पथकाने २६ मे २०२६ रोजी रात्री दीड वाजण्याच्या सुमारास पंचांसह संबंधित ठिकाणी छापा टाकला. या छाप्यात ७ गो-हे, ज्यांची अंदाजे किंमत १ लाख ७५ हजार रुपये (प्रत्येकी २५ हजार रुपये), आणि १३ बैल, ज्यांची अंदाजे किंमत ५ लाख २० हजार रुपये (प्रत्येकी ४० हजार रुपये) असे एकूण २० गोवंशीय जनावरे मिळून आली. या प्रकरणी शेख जुबेर शेख फिरोज आणि ग्यासोद्दीन कमरोद्दीन कुरेशी, दोन्ही मोरंडी मोहल्ला, जुना जालना येथील रहिवासी, यांच्यावर कादीम जालना पोलीस ठाण्यात गु.र.नं. २७८/२०२६ नुसार प्राणी संरक्षण अधिनियम कलम ५(अ), ९ आणि प्राण्यांना छळ प्रतिबंधक अधिनियम कलम ११(१) अंतर्गत गुन्हा नोंदवण्यात आला आहे. ही यशस्वी कारवाई जालना पोलीस अधीक्षक मा. श्री. तेघबीर सिंह संधू, अप्पर पोलीस अधीक्षक मा. श्री. विक्रम साळी आणि उपविभागीय पोलीस अधिकारी मा. श्री. अनंत कुलकर्णी यांच्या मार्गदर्शनाखाली पोलीस निरीक्षक जे.बी. शेवाळे, सपोनि अविनाश गडाख, सपोनि अमित मस्के व त्यांच्या पथकाने पार पाडली. या गुन्ह्याचा पुढील तपास महिला पोलीस हेडकॉन्स्टेबल प्रतिभा पांडुरे करत आहेत.