துறைமுக வளர்ச்சியின் பெயரில் தூத்துக்குடி மீனவர்களின் வாழ்வாதாரத்தை அழிக்க அனுமதிக்க முடியாது என்று சட்ட உரிமைகள் கழகத்தின் நிறுவனத் தலைவர் வக்கீல் செல்வம் கிறிஸ்டோபர் தெரிவித்துள்ளார். கடற்பகுதியில் தலைமுறை தலைமுறையாக நாட்டுப்படகுகள் மற்றும் பைபர் படகுகள் மூலம் மீன்பிடித்து வரும் மீனவர்கள், பெரிய சரக்கு மற்றும் வணிகக் கப்பல்களின் கட்டுப்பாடற்ற இயக்கத்தால் கடுமையாகப் பாதிக்கப்பட்டு வருவதாக அவர் வேதனை தெரிவித்துள்ளார். பாரம்பரிய மீன்பிடிப் பகுதிகளில் பெரிய கப்பல்கள் செல்வதாலும், அங்கு நங்கூரமிட்டு நிற்பதாலும், பல லட்சம் ரூபாய் மதிப்புள்ள வலைகள், கயிறுகள் மற்றும் மிதவைகள் உள்ளிட்ட உபகரணங்கள் சேதமடைந்து மீனவக் குடும்பங்களின் வருமானம், குழந்தைகளின் கல்வி, மருத்துவச் செலவு மற்றும் அன்றாட வாழ்வு கடுமையாகப் பாதிக்கப்படுகிறது. மேலும், இந்த ராட்சத கப்பல்கள் சிறிய படகுகளின் அருகில் செல்வதால் படகுகள் கவிழும் விபத்துகளும், மீனவர்களின் உயிருக்கு நேரடி ஆபத்தும் ஏற்படுகின்றன. இப்பிரச்சனைக்குத் தீர்வாக, பாரம்பரிய மீன்பிடிப் பகுதிகளை அரசு உடனடியாக அதிகாரப்பூர்வமாக அறிவிக்க வேண்டும் மற்றும் சரக்குக் கப்பல்களுக்குத் தனியான கடல் வழித்தடத்தை அமைக்க வேண்டும் என்று சட்ட உரிமைகள் கழகம் பல்வேறு கோரிக்கைகளை முன்வைத்துள்ளது. மீன்பிடிப் பகுதிகளில் கப்பல்கள் நங்கூரமிடத் தடை விதிக்க வேண்டும், சேதமடைந்த உபகரணங்களுக்கு முழுமையான இழப்பீடு வழங்க வேண்டும், மற்றும் மீனவர்களுக்கென தனி புகார் பிரிவு அமைக்க வேண்டும் என்று வலியுறுத்தப்பட்டுள்ளது. இவற்றுடன், கப்பல்களின் இயக்கத்தை நவீன தொழில்நுட்பம் மூலம் கண்காணித்து மீனவர்களுக்கு முன்கூட்டியே எச்சரிக்கை செய்யும் அமைப்பை உருவாக்க வேண்டும் என்றும், மீனவர் சங்கங்கள், துறைமுக நிர்வாகம், மீன்வளத்துறை மற்றும் கடல்சார் காவல்துறை பங்கேற்கும் உயர் மட்ட ஆலோசனைக் கூட்டத்தை நடத்த வேண்டும் என்றும் வக்கீல் செல்வம் கிறிஸ்டோபர் கோரியுள்ளார். மத்திய மற்றும் மாநில அரசுகள் இதனை சாதாரண நிர்வாகப் பிரச்சனையாகக் கருதாமல், ஆயிரக்கணக்கான மீனவக் குடும்பங்களின் வாழ்வாதார மற்றும் மனித உரிமைப் பிரச்சனையாகக் கருதிச் சட்டப்பூர்வமாகப் பாதுகாக்க வேண்டும் என்று அவர் வலியுறுத்தியுள்ளார்.

N balu Nbalu

Journalist Thoothukkudi, Tuticorin•

9 hrs ago

துறைமுக வளர்ச்சியின் பெயரில் தூத்துக்குடி மீனவர்களின் வாழ்வாதாரத்தை அழிக்க அனுமதிக்க முடியாது என்று சட்ட உரிமைகள் கழகத்தின் நிறுவனத் தலைவர் வக்கீல் செல்வம் கிறிஸ்டோபர் தெரிவித்துள்ளார். கடற்பகுதியில் தலைமுறை தலைமுறையாக நாட்டுப்படகுகள் மற்றும் பைபர் படகுகள் மூலம் மீன்பிடித்து வரும் மீனவர்கள், பெரிய சரக்கு மற்றும் வணிகக் கப்பல்களின் கட்டுப்பாடற்ற இயக்கத்தால் கடுமையாகப் பாதிக்கப்பட்டு வருவதாக அவர் வேதனை தெரிவித்துள்ளார். பாரம்பரிய மீன்பிடிப் பகுதிகளில் பெரிய கப்பல்கள் செல்வதாலும், அங்கு நங்கூரமிட்டு நிற்பதாலும், பல லட்சம் ரூபாய் மதிப்புள்ள வலைகள், கயிறுகள் மற்றும் மிதவைகள் உள்ளிட்ட உபகரணங்கள் சேதமடைந்து மீனவக் குடும்பங்களின் வருமானம், குழந்தைகளின் கல்வி, மருத்துவச் செலவு மற்றும் அன்றாட வாழ்வு கடுமையாகப் பாதிக்கப்படுகிறது. மேலும், இந்த ராட்சத கப்பல்கள் சிறிய படகுகளின் அருகில் செல்வதால் படகுகள் கவிழும் விபத்துகளும், மீனவர்களின் உயிருக்கு நேரடி ஆபத்தும் ஏற்படுகின்றன. இப்பிரச்சனைக்குத் தீர்வாக, பாரம்பரிய மீன்பிடிப் பகுதிகளை அரசு உடனடியாக அதிகாரப்பூர்வமாக அறிவிக்க வேண்டும் மற்றும் சரக்குக் கப்பல்களுக்குத் தனியான கடல் வழித்தடத்தை அமைக்க வேண்டும் என்று சட்ட உரிமைகள் கழகம் பல்வேறு கோரிக்கைகளை முன்வைத்துள்ளது. மீன்பிடிப் பகுதிகளில் கப்பல்கள் நங்கூரமிடத் தடை விதிக்க வேண்டும், சேதமடைந்த உபகரணங்களுக்கு முழுமையான இழப்பீடு வழங்க வேண்டும், மற்றும் மீனவர்களுக்கென தனி புகார் பிரிவு அமைக்க வேண்டும் என்று வலியுறுத்தப்பட்டுள்ளது. இவற்றுடன், கப்பல்களின் இயக்கத்தை நவீன தொழில்நுட்பம் மூலம் கண்காணித்து மீனவர்களுக்கு முன்கூட்டியே எச்சரிக்கை செய்யும் அமைப்பை உருவாக்க வேண்டும் என்றும், மீனவர் சங்கங்கள், துறைமுக நிர்வாகம், மீன்வளத்துறை மற்றும் கடல்சார் காவல்துறை பங்கேற்கும் உயர் மட்ட ஆலோசனைக் கூட்டத்தை நடத்த வேண்டும் என்றும் வக்கீல் செல்வம் கிறிஸ்டோபர் கோரியுள்ளார். மத்திய மற்றும் மாநில அரசுகள் இதனை சாதாரண நிர்வாகப் பிரச்சனையாகக் கருதாமல், ஆயிரக்கணக்கான மீனவக் குடும்பங்களின் வாழ்வாதார மற்றும் மனித உரிமைப் பிரச்சனையாகக் கருதிச் சட்டப்பூர்வமாகப் பாதுகாக்க வேண்டும் என்று அவர் வலியுறுத்தியுள்ளார்.