திருப்பூர் மாவட்டம் ஊத்துக்குளி அருகே காக்காபள்ளம் என்ற இடத்தில் காரும் டீசல் டேங்கர் லாரியும் நேருக்கு நேர் மோதிக்கொண்ட பயங்கர விபத்தில், குழந்தைகள் மற்றும் பெண்கள் உட்பட ஒரே குடும்பத்தைச் சேர்ந்த 6 பேர் சம்பவ இடத்திலேயே உடல் நசுங்கி பரிதாபமாக உயிரிழந்தனர். சேலம் சாமிநாதபுரம் பகுதியைச் சேர்ந்த ஹேமா, தனது கணவர் முகிலன், தந்தை ஈஸ்வரன், தாய் திருமகள், பாட்டி சிவகாமி மற்றும் குழந்தைகள் ஸ்ரீநித்து, கனிஷ் ஆகியோருடன் பல்லடத்தில் நடைபெற்ற உறவினரின் துக்க நிகழ்ச்சியில் பங்கேற்றுவிட்டு மீண்டும் தங்களது காரில் ஊத்துக்குளி வழியாக திரும்பிக்கொண்டிருந்தார். அப்போது விஜயமங்கலத்தில் இருந்து ஊத்துக்குளி நோக்கி அதிவேகமாக வந்த டீசல் டேங்கர் லாரி ஒன்று, எதிர்பாராதவிதமாக இவர்களது காரின் மீது நேருக்கு நேர் பயங்கரமாக மோதியதில் கார் முற்றிலும் அப்பளம்போல் நொறுங்கியது. இந்த கொடூர விபத்தில் காரில் பயணித்த முகிலன், ஈஸ்வரன், திருமகள், சிவகாமி மற்றும் குழந்தைகள் ஸ்ரீநித்து, கனிஷ் ஆகிய 6 பேரும் சம்பவ இடத்திலேயே உயிரிழந்தனர். மேலும், படுகாயங்களுடன் உயிருக்குப் போராடிக் கொண்டிருந்த ஹேமா மீட்கப்பட்டு, சிகிச்சைக்காக அருகில் உள்ள மருத்துவமனைக்கு அனுப்பப்பட்டு, பின்னர் மேல் சிகிச்சைக்காக அரசு மருத்துவமனைக்கு மாற்றப்பட்டார். விபத்து நடந்தவுடன் லாரி ஓட்டுநர் சம்பவ இடத்திலிருந்து தப்பியோடிவிட்ட நிலையில், சம்பவ இடத்திற்கு விரைந்து வந்த ஊத்துக்குளி போலீசார் உயிரிழந்தவர்களின் உடல்களை மீட்டுப் பிரேத பரிசோதனைக்காக திருப்பூர் அரசு மருத்துவமனைக்கு அனுப்பி வைத்தனர். இச்சம்பவம் குறித்து போலீசார் வழக்குப் பதிவு செய்து தப்பியோடிய ஓட்டுநரைத் தீவிரமாகத் தேடி வரும் நிலையில், ஒரே குடும்பத்தைச் சேர்ந்த 6 பேர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

பிரபாகரன்

திருப்பூர் வடக்கு, திருப்பூர், தமிழ்நாடு•

2 hrs ago

திருப்பூர் மாவட்டம் ஊத்துக்குளி அருகே காக்காபள்ளம் என்ற இடத்தில் காரும் டீசல் டேங்கர் லாரியும் நேருக்கு நேர் மோதிக்கொண்ட பயங்கர விபத்தில், குழந்தைகள் மற்றும் பெண்கள் உட்பட ஒரே குடும்பத்தைச் சேர்ந்த 6 பேர் சம்பவ இடத்திலேயே உடல் நசுங்கி பரிதாபமாக உயிரிழந்தனர். சேலம் சாமிநாதபுரம் பகுதியைச் சேர்ந்த ஹேமா, தனது கணவர் முகிலன், தந்தை ஈஸ்வரன், தாய் திருமகள், பாட்டி சிவகாமி மற்றும் குழந்தைகள் ஸ்ரீநித்து, கனிஷ் ஆகியோருடன் பல்லடத்தில் நடைபெற்ற உறவினரின் துக்க நிகழ்ச்சியில் பங்கேற்றுவிட்டு மீண்டும் தங்களது காரில் ஊத்துக்குளி வழியாக திரும்பிக்கொண்டிருந்தார். அப்போது விஜயமங்கலத்தில் இருந்து ஊத்துக்குளி நோக்கி அதிவேகமாக வந்த டீசல் டேங்கர் லாரி ஒன்று, எதிர்பாராதவிதமாக இவர்களது காரின் மீது நேருக்கு நேர் பயங்கரமாக மோதியதில் கார் முற்றிலும் அப்பளம்போல்

நொறுங்கியது. இந்த கொடூர விபத்தில் காரில் பயணித்த முகிலன், ஈஸ்வரன், திருமகள், சிவகாமி மற்றும் குழந்தைகள் ஸ்ரீநித்து, கனிஷ் ஆகிய 6 பேரும் சம்பவ இடத்திலேயே உயிரிழந்தனர். மேலும், படுகாயங்களுடன் உயிருக்குப் போராடிக் கொண்டிருந்த ஹேமா மீட்கப்பட்டு, சிகிச்சைக்காக அருகில் உள்ள மருத்துவமனைக்கு அனுப்பப்பட்டு, பின்னர் மேல் சிகிச்சைக்காக அரசு மருத்துவமனைக்கு மாற்றப்பட்டார். விபத்து நடந்தவுடன் லாரி ஓட்டுநர் சம்பவ இடத்திலிருந்து தப்பியோடிவிட்ட நிலையில், சம்பவ இடத்திற்கு விரைந்து வந்த ஊத்துக்குளி போலீசார் உயிரிழந்தவர்களின் உடல்களை மீட்டுப் பிரேத பரிசோதனைக்காக திருப்பூர் அரசு மருத்துவமனைக்கு அனுப்பி வைத்தனர். இச்சம்பவம் குறித்து போலீசார் வழக்குப் பதிவு செய்து தப்பியோடிய ஓட்டுநரைத் தீவிரமாகத் தேடி வரும் நிலையில், ஒரே குடும்பத்தைச் சேர்ந்த 6 பேர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.