नंदुरबार तालुका विधायक समिती संचलित बाळासाहेब ठाकरे माध्यमिक विद्यालय, शेजवा येथे जागतिक योग दिन मोठ्या उत्साहात साजरा करण्यात आला. या कार्यक्रमाच्या अध्यक्षस्थानी शाळेचे मुख्याध्यापक दत्तू पाटील होते, ज्यांनी विद्यार्थ्यांना निरोगी आणि तंदुरुस्त शरीरासाठी योग व प्राणायाम अत्यंत महत्त्वाचे असल्याचे सांगत ते दररोज व नियमितपणे करण्याविषयी सविस्तर माहिती दिली. कार्यक्रमाचे प्रास्ताविक क्रीडाशिक्षक विजय पवार यांनी केले, ज्यात त्यांनी योगा व प्राणायामामुळे ताण-तणाव दूर होत असल्याचे आणि संतुलित आहाराची आवश्यकता असल्याचे नमूद केले. शाळेचे कलाशिक्षक आनंदराव पवार यांनी योगा व प्राणायामाची विविध आसने प्रात्यक्षिकाद्वारे करून दाखवली व विद्यार्थ्यांकडून ती करून घेतली. त्यांनी योगप्रार्थनेने सुरुवात करून सूक्ष्म व्यायाम प्रकारांमध्ये मानेचे, कमरेचे व गुडघ्याचे व्यायाम घेतले. यानंतर ताडासन, वृक्षासन, पादहस्तासन, अर्धचक्रासन, त्रिकोनासन यांसारखी उभ्या स्थितीतील आसने; दंडासन, भद्रासन, वज्रासन, अर्धउष्ट्रासन, शशांकसन, उत्तनमंडूकासन, वक्रासन यांसारखी बैठक स्थितीतील आसने; मकरासन, भुजंगासन, शलाशासन ही पोटावर झोपून करावयाची आसने; तसेच सेतुबंधासन, उत्तनपादासन, अर्धहलासन, पवनमुक्तासन, शवासन ही पाठीवर झोपून करावयाची आसने शिकवण्यात आली. या आसन प्रकारांनंतर कपालभाती प्राणायाम, ध्यानस्थिती आणि शांतीपाठ घेण्यात आला. योगाचा समारोप शपथ घेऊन करण्यात आला. यावेळी शाळेतील उपशिक्षक दिपक वळवी, रामानंद बागले, हारूणखाॅं शिकलीगर, संजय बोरसे, संदीप गायकवाड, श्रीमती संगीता गोखले आणि कनिष्ठ लिपिक नेहा शर्मा यांनीही योगा व प्राणायामामध्ये सक्रिय सहभाग नोंदवला. कार्यक्रमाच्या यशस्वीतेसाठी शाळेचे शिपाई संजय वसावे आणि दिनेश पवार यांनी परिश्रम घेतले.

Sapta nagari News

Talode, Nandurbar•

1 hr ago

नंदुरबार तालुका विधायक समिती संचलित बाळासाहेब ठाकरे माध्यमिक विद्यालय, शेजवा येथे जागतिक योग दिन मोठ्या उत्साहात साजरा करण्यात आला. या कार्यक्रमाच्या अध्यक्षस्थानी शाळेचे मुख्याध्यापक दत्तू पाटील होते, ज्यांनी विद्यार्थ्यांना निरोगी आणि तंदुरुस्त शरीरासाठी योग व प्राणायाम अत्यंत महत्त्वाचे असल्याचे सांगत ते दररोज व नियमितपणे करण्याविषयी सविस्तर माहिती दिली. कार्यक्रमाचे प्रास्ताविक क्रीडाशिक्षक

विजय पवार यांनी केले, ज्यात त्यांनी योगा व प्राणायामामुळे ताण-तणाव दूर होत असल्याचे आणि संतुलित आहाराची आवश्यकता असल्याचे नमूद केले. शाळेचे कलाशिक्षक आनंदराव पवार यांनी योगा व प्राणायामाची विविध आसने प्रात्यक्षिकाद्वारे करून दाखवली व विद्यार्थ्यांकडून ती करून घेतली. त्यांनी योगप्रार्थनेने सुरुवात करून सूक्ष्म व्यायाम प्रकारांमध्ये मानेचे, कमरेचे व गुडघ्याचे व्यायाम

घेतले. यानंतर ताडासन, वृक्षासन, पादहस्तासन, अर्धचक्रासन, त्रिकोनासन यांसारखी उभ्या स्थितीतील आसने; दंडासन, भद्रासन, वज्रासन, अर्धउष्ट्रासन, शशांकसन, उत्तनमंडूकासन, वक्रासन यांसारखी बैठक स्थितीतील आसने; मकरासन, भुजंगासन, शलाशासन ही पोटावर झोपून करावयाची आसने; तसेच सेतुबंधासन, उत्तनपादासन, अर्धहलासन, पवनमुक्तासन, शवासन ही पाठीवर झोपून करावयाची आसने शिकवण्यात आली. या आसन प्रकारांनंतर कपालभाती प्राणायाम, ध्यानस्थिती आणि

शांतीपाठ घेण्यात आला. योगाचा समारोप शपथ घेऊन करण्यात आला. यावेळी शाळेतील उपशिक्षक दिपक वळवी, रामानंद बागले, हारूणखाॅं शिकलीगर, संजय बोरसे, संदीप गायकवाड, श्रीमती संगीता गोखले आणि कनिष्ठ लिपिक नेहा शर्मा यांनीही योगा व प्राणायामामध्ये सक्रिय सहभाग नोंदवला. कार्यक्रमाच्या यशस्वीतेसाठी शाळेचे शिपाई संजय वसावे आणि दिनेश पवार यांनी परिश्रम घेतले.