છોટાઉદેપુર જિલ્લામાં ‘વોઇસલાઇન’ નામનું એક સાપ્તાહિક ન્યૂઝ પેપર પ્રકાશિત થાય છે.

છોટાઉદેપુર તાલુકાના ઓડ ગામે MGVCLની લાલિયાવાડી અને ગુનાહિત બેદરકારીને કારણે એક કમકમાટીભરી ઘટના બની છે, જ્યાં ૮ વર્ષના બાળક સાહીલ રાઠવાનું જીવંત વીજ વાયરની ઝપેટમાં આવી જવાથી મોત નીપજ્યું છે. વરસાદ અને પવનના કારણે ખેતરમાં તૂટી પડેલો વીજ વાયર બાળક માટે જીવલેણ સાબિત થયો. સાહીલ દુકાનેથી સેવ-મમરા લઈને પરત ફરી રહ્યો હતો ત્યારે વીજ કંપનીની આ ઘોર બેદરકારી તેને ભરખી ગઈ. ગ્રામજનોમાં આ ઘટનાને લઈને ભારે રોષ ફાટી નીકળ્યો છે, કારણ કે તેમના આક્ષેપ મુજબ, લાઈનમેન અને હેલ્પરને વારંવાર જાણ કરવામાં આવી હોવા છતાં તંત્ર ઘોર નિદ્રામાં રહ્યું. ઝોઝ પોલીસે આ મામલે અમોત નોંધી વધુ તપાસ હાથ ધરી છે.

આંતરરાષ્ટ્રીય યોગ દિવસની ઉજવણી માટે ઉત્તર પ્રદેશના મેરઠમાં યોજાનાર સત્ર પહેલાં યોગ મેટ લૂંટવા લોકોની પડાપડી થઈ હતી.

વડોદરા ગ્રામ્ય જિલ્લા પેરોલ-ફર્લો સ્કવોડે સજા વોરંટના સંબંધમાં નાસતા-ફરતા એક આરોપીને શોધી કાઢ્યો છે. આ આરોપી સજા વોરંટના કેસમાં ફરાર ચાલી રહ્યો હતો, જેને વડોદરા જિલ્લાની પેરોલ-ફર્લો સ્કવોડ દ્વારા શોધી કાઢવામાં આવ્યો છે.

વડોદરા ગ્રામ્ય પોલીસે કરજણ અને વલણ પોલીસ સ્ટેશનની હદ વિસ્તારમાંથી વિવિધ ગુનાઓના કામે કબજે કરેલા વિદેશી દારૂના મુદ્દામાલનો નાશ કર્યો છે. આ કાર્યવાહી અંતર્ગત, નાની-મોટી કુલ 24,210 વિદેશી દારૂની બોટલોનો નાશ કરવામાં આવ્યો હતો, જેની કુલ અંદાજિત કિંમત રૂ. 1,23,18,303/- જેટલી થવા પામે છે.

આજે, 21 જૂનના રોજ, પાંચમા શીખ ગુરુ, શ્રી ગુરુ અર્જન દેવજીની શહીદીની યાદમાં ઠંડા દૂધ અને ઠંડા શરબતનું વિતરણ કરવામાં આવ્યું. ગુરુ અર્જન દેવજીએ ધર્મ, સત્ય અને માનવતાની રક્ષા માટે પોતાના પ્રાણોનું બલિદાન આપ્યું હતું, અને તેમની આ શહીદીની સ્મૃતિમાં આ સેવા કાર્ય યોજાયું હતું. આ પવિત્ર અવસરે, દેશભરના ગુરુદ્વારાઓમાં વિશેષ પ્રાર્થનાઓ, કીર્તન અને સેવા કાર્યોનું આયોજન કરવામાં આવે છે. ગરમીના સમયમાં, રાહદારીઓ અને જરૂરિયાતમંદોને ઠંડા દૂધ અને શરબતનું વિતરણ કરીને માનવ સેવા અને પરોપકારનો સંદેશ આપવામાં આવે છે. આ કાર્ય શ્રી ગુરુ અર્જન દેવજીના બલિદાન અને શીખ ધર્મના સિદ્ધાંતોને યાદ અપાવે છે. આ શુભ દિને, 'શ્રી ગુરુ અર્જન દેવજી અમર રહો' અને 'વાહેગુરુ જી કા ખાલસા, વાહેગુરુ જી કી ફતેહ' જેવા ઉદ્ઘોષો સાથે શ્રદ્ધાંજલિ અર્પણ કરવામાં આવી.

છોટાઉદેપુર જિલ્લાના કાનાવાંટ ગામના રિઝર્વ્ડ ફોરેસ્ટ (R.F.) વિસ્તારમાં વન વિભાગ દ્વારા સ્થાનિક ગ્રામજનોને કોઈ જાણ કર્યા વિના કામગીરી શરૂ કરવામાં આવતાં ખેડૂતોમાં ભારે રોષ ભભૂકી ઉઠ્યો છે. ગ્રામજનો વન વિભાગ પર વન અધિકાર અધિનિયમ-2006નું ઉલ્લંઘન કરવાનો ગંભીર આરોપ લગાવી રહ્યા છે, જેના કારણે તેમની જમીન જોખમમાં મુકાઈ હોવાનો ભય છે. આ મામલે ખેડૂતોએ જિલ્લા કલેક્ટરને આવેદન પત્ર સુપરત કર્યું છે અને ચેતવણી આપી છે કે જો તેમને ન્યાય નહીં મળે તો તેઓ ઉગ્ર આંદોલન કરશે.

પૂજા પાર્ક ગાર્ડનમાં યોગનો એક ભવ્ય મહાકુંભ યોજાયો હતો. આ કાર્યક્રમમાં હજારોની સંખ્યામાં લોકો ઉપસ્થિત રહ્યા હતા, જ્યાં તેમને ‘સ્વસ્થ વૃદ્ધાવસ્થા માટે યોગ’નો મહત્વપૂર્ણ સંદેશ પ્રાપ્ત થયો.

વડોદરા શહેરમાં યોજાનારી રી-NEET પરીક્ષાને ધ્યાનમાં રાખીને તંત્ર સંપૂર્ણ એલર્ટ મોડ પર છે. આ પરીક્ષામાં 6 હજારથી વધુ વિદ્યાર્થીઓ ભાગ લેશે, જે શહેરના 20 જુદા જુદા પરીક્ષા કેન્દ્રો પર પરીક્ષા આપશે. પરીક્ષા સુચારુ રૂપે અને સુરક્ષિત માહોલમાં સંપન્ન થાય તે સુનિશ્ચિત કરવા માટે, પોલીસ અને પ્રશાસન દ્વારા સઘન અને કડક સુરક્ષા વ્યવસ્થા ગોઠવવામાં આવી છે.

વડોદરા શહેરના રાવપુરા વિસ્તારમાં એક ઊભેલી કારમાં શોર્ટ સર્કિટ થવાના કારણે આગ લાગવાની ઘટના બની હતી. સદનસીબે, આ બનાવમાં કોઈ જાનહાની થઈ ન હોવાનું સામે આવ્યું છે.