અરવલ્લી જિલ્લાના ધનસુરા તાલુકાના અંબાસર ગામે ગત 11 જૂન, 2026ની રાત્રે એક પરિણીતાએ ગામના જ લાલસિંહ બાબુસિંહ પરમાર સામે ઘરમાં ઘુસી આબરૂ લેવાનો પ્રયાસ કરવા અને જાનથી મારી નાખવાની ધમકી આપવાનો સનસનીખેજ આક્ષેપ કર્યો છે. આ મામલે પોલીસ ફરિયાદ નોંધાતા ચકચાર મચી ગઈ છે. ફરિયાદ મુજબ, ઘટના સમયે મહિલાના પતિ બહાર ગયા હતા અને તે પોતાની નાની દીકરી સાથે ઘરના પાછળના રૂમમાં હતી. તે દરમિયાન આરોપી લાલસિંહ બાબુસિંહ પરમારે ઘરની પાછળની દીવાલ કૂદીને ઘરમાં પ્રવેશ કર્યો હતો. મહિલાનો આરોપ છે કે આરોપીએ પાછળથી પકડીને તેનું મોઢું દબાવી દીધું હતું અને છાતી પર હાથ ફેરવી આબરૂ લેવાનો પ્રયાસ કર્યો હતો. આ સાથે, તેણે બુમાબુમ કરવાથી જાનથી મારી નાખવાની ધમકી પણ આપી હતી. મહિલાએ બુમાબુમ કરતા ઘરની બહાર હાજર સાસુ-સસરા અને પતિ દોડી આવ્યા હતા. પરિવારના સભ્યોને જોઈને આરોપી આગળના દરવાજેથી ફરાર થઈ ગયો હોવાનું ફરિયાદમાં જણાવાયું છે. આ બનાવ બાદ સામાજિક સ્તરે સમાધાનના પ્રયાસો થયા હતા, પરંતુ કોઈ નિરાકરણ ન આવતા મહિલાએ પોતાના પતિ અને સસરા સાથે પોલીસનો સંપર્ક કર્યો હતો. પોલીસે આ ફરિયાદના આધારે અંબાસર ગામના લાલસિંહ બાબુસિંહ પરમાર વિરુદ્ધ ગુનો નોંધી વધુ તપાસ હાથ ધરી છે.

Patel Hitendra M

મોડાસા, અરવલ્લી, ગુજરાત•

1 hr ago

અરવલ્લી જિલ્લાના ધનસુરા તાલુકાના અંબાસર ગામે ગત 11 જૂન, 2026ની રાત્રે એક પરિણીતાએ ગામના જ લાલસિંહ બાબુસિંહ પરમાર સામે ઘરમાં ઘુસી આબરૂ લેવાનો પ્રયાસ કરવા અને જાનથી મારી નાખવાની ધમકી આપવાનો સનસનીખેજ આક્ષેપ કર્યો છે. આ મામલે પોલીસ ફરિયાદ નોંધાતા ચકચાર મચી ગઈ છે. ફરિયાદ મુજબ, ઘટના સમયે મહિલાના પતિ બહાર ગયા હતા અને તે પોતાની નાની દીકરી સાથે ઘરના પાછળના રૂમમાં હતી. તે દરમિયાન આરોપી લાલસિંહ બાબુસિંહ પરમારે ઘરની પાછળની દીવાલ કૂદીને ઘરમાં પ્રવેશ કર્યો હતો. મહિલાનો આરોપ છે કે આરોપીએ પાછળથી પકડીને તેનું મોઢું દબાવી દીધું હતું અને છાતી પર હાથ ફેરવી આબરૂ લેવાનો પ્રયાસ કર્યો હતો. આ સાથે, તેણે બુમાબુમ કરવાથી જાનથી મારી નાખવાની ધમકી પણ આપી હતી. મહિલાએ બુમાબુમ કરતા ઘરની બહાર હાજર સાસુ-સસરા અને પતિ દોડી આવ્યા હતા. પરિવારના સભ્યોને જોઈને આરોપી આગળના દરવાજેથી ફરાર થઈ ગયો હોવાનું ફરિયાદમાં જણાવાયું છે. આ બનાવ બાદ સામાજિક સ્તરે સમાધાનના પ્રયાસો થયા હતા, પરંતુ કોઈ નિરાકરણ ન આવતા મહિલાએ પોતાના પતિ અને સસરા સાથે પોલીસનો સંપર્ક કર્યો હતો. પોલીસે આ ફરિયાદના આધારે અંબાસર ગામના લાલસિંહ બાબુસિંહ પરમાર વિરુદ્ધ ગુનો નોંધી વધુ તપાસ હાથ ધરી છે.