सध्या जिल्ह्यात तीव्र उष्णतेची लाट असून तापमानाने उच्चांक गाठला आहे. अशा भीषण परिस्थितीत महावितरणकडून पोंभूर्णा तालुक्यातील जुनगावसह अनेक गावांमध्ये वारंवार आणि दीर्घकाळ वीजपुरवठा खंडित होत असल्याने नागरिकांना मोठ्या त्रासाला सामोरे जावे लागत आहे. प्रशासन उष्माघात टाळण्यासाठी नागरिकांना आवश्यक सूचना देत असतानाच, तासन्तास वीजपुरवठा बंद राहत असल्याने नागरिकांच्या आरोग्याचा गंभीर प्रश्न निर्माण झाला आहे. दिवसभर वाढलेल्या तापमानात पंखे, कुलर आणि पाणीपुरवठा व्यवस्था बंद पडत असल्यामुळे वृद्ध, लहान मुले, रुग्ण आणि महिलांना विशेषतः त्रास सहन करावा लागत आहे. गेल्या काही दिवसांपासून तालुक्यातील अनेक गावांमध्ये तीन ते सहा तासांपर्यंत वीज नसल्याच्या तक्रारी वाढल्या आहेत, ज्यामुळे दैनंदिन कामकाजावर परिणाम होत आहे. तसेच, पिण्याच्या पाण्याच्या मोटारी बंद पडल्याने अनेक भागांत पाणीपुरवठाही विस्कळीत झाला आहे. यामुळे नागरिकांनी महावितरणच्या कार्यपद्धतीवर तीव्र नाराजी व्यक्त केली आहे. त्यांनी या गंभीर उष्णतेच्या परिस्थितीत अखंडित वीजपुरवठा करण्याची मागणी केली असून, नियोजित देखभाल कामांची पूर्वसूचना देण्याची, बिघाड झाल्यास तत्काळ दुरुस्ती करण्याची आणि ग्रामीण भागात विशेष आपत्कालीन पथके तैनात करण्याची मागणीही केली आहे. सद्यस्थितीत वीजपुरवठा ही केवळ सुविधा नसून अत्यावश्यक सेवा बनली असल्याने, महावितरण प्रशासनाने परिस्थितीचे गांभीर्य ओळखून वीजपुरवठा सुरळीत ठेवण्यासाठी तातडीने प्रभावी उपाययोजना कराव्यात, अशी भावना नागरिकांमधून व्यक्त होत आहे.

Vainganga News Live Network

Press advisory पोंभुर्णा, चंद्रपूर, महाराष्ट्र•

10 hrs ago

सध्या जिल्ह्यात तीव्र उष्णतेची लाट असून तापमानाने उच्चांक गाठला आहे. अशा भीषण परिस्थितीत महावितरणकडून पोंभूर्णा तालुक्यातील जुनगावसह अनेक गावांमध्ये वारंवार आणि दीर्घकाळ वीजपुरवठा खंडित होत असल्याने नागरिकांना मोठ्या त्रासाला सामोरे जावे लागत आहे. प्रशासन उष्माघात टाळण्यासाठी नागरिकांना आवश्यक सूचना देत असतानाच, तासन्तास वीजपुरवठा बंद राहत असल्याने नागरिकांच्या आरोग्याचा गंभीर प्रश्न निर्माण झाला आहे. दिवसभर वाढलेल्या तापमानात पंखे, कुलर आणि पाणीपुरवठा व्यवस्था बंद पडत असल्यामुळे वृद्ध, लहान मुले, रुग्ण आणि महिलांना विशेषतः त्रास सहन करावा लागत आहे. गेल्या काही दिवसांपासून तालुक्यातील अनेक गावांमध्ये तीन ते सहा तासांपर्यंत वीज नसल्याच्या तक्रारी वाढल्या आहेत, ज्यामुळे दैनंदिन कामकाजावर परिणाम होत आहे. तसेच, पिण्याच्या पाण्याच्या मोटारी बंद पडल्याने अनेक भागांत पाणीपुरवठाही विस्कळीत झाला आहे. यामुळे नागरिकांनी महावितरणच्या कार्यपद्धतीवर तीव्र नाराजी व्यक्त केली आहे. त्यांनी या गंभीर उष्णतेच्या परिस्थितीत अखंडित वीजपुरवठा करण्याची मागणी केली असून, नियोजित देखभाल कामांची पूर्वसूचना देण्याची, बिघाड झाल्यास तत्काळ दुरुस्ती करण्याची आणि ग्रामीण भागात विशेष आपत्कालीन पथके तैनात करण्याची मागणीही केली आहे. सद्यस्थितीत वीजपुरवठा ही केवळ सुविधा नसून अत्यावश्यक सेवा बनली असल्याने, महावितरण प्रशासनाने परिस्थितीचे गांभीर्य ओळखून वीजपुरवठा सुरळीत ठेवण्यासाठी तातडीने प्रभावी उपाययोजना कराव्यात, अशी भावना नागरिकांमधून व्यक्त होत आहे.