इंग्रजी भाषा ही जागतिक ज्ञानाची गुरुकिल्ली आहे - डॉ. रामप्रसाद लखोटिया *इंग्रजी भाषा ही जागतिक ज्ञानाची गुरुकिल्ली – डॉ. रामप्रसाद लखोटिया* उदगीर : आजच्या जागतिकीकरणाच्या युगात जगाशी प्रभावीपणे संवाद साधण्यासाठी इंग्रजी हीच प्रमुख भाषा असून तीच जागतिक ज्ञानाची गुरुकिल्ली बनली आहे, असे मत महाराष्ट्र एज्युकेशन सोसायटीचे सचिव तथा कार्यक्रमाचे अध्यक्ष डॉ. रामप्रसाद लखोटिया यांनी व्यक्त केले. महाराष्ट्र उदयगिरी महाविद्यालयातील इंग्रजी विभागाच्या वतीने बी.ए. तृतीय वर्ष व एम.ए. द्वितीय वर्षाच्या विद्यार्थ्यांसाठी निरोप समारंभाचे आयोजन करण्यात आले होते. कार्यक्रमाच्या अध्यक्षस्थानी डॉ. रामप्रसाद लखोटिया होते. प्रमुख पाहुणे म्हणून ग्रंथपाल डॉ. एल. बी. पेन्सलवार उपस्थित होते. व्यासपीठावर इंग्रजी विभाग प्रमुख प्रा. डॉ. संजीव सूर्यवंशी, प्रा. राजा मुदूडगे, प्रा. प्रविण अंबेसंगे, प्रा. व्ही. डी. काकनाळे, प्रा. ए. सी. बिरादार आदी उपस्थित होते. कार्यक्रमाचे प्रास्ताविक व पाहुण्यांचा परिचय प्रा. डॉ. संजीव सूर्यवंशी यांनी करून दिला तसेच इंग्रजी विभागामार्फत ‘कम्युनिकेशन अँड स्पोकन इंग्लिश’ या उपक्रमांतर्गत नियमित वर्ग तसेच प्रमाणपत्र अभ्यासक्रम राबविण्यात येतो. या संधीचा विद्यार्थ्यांनी लाभ घेऊन आपल्या भविष्यासाठी भक्कम पायाभरणी करावी, अशी माहिती सांगितली. यावेळी मार्गदर्शन करताना प्रमुख पाहुणे ग्रंथपाल डॉ. एल. बी. पेन्सलवार म्हणाले, विद्यार्थ्यांना उच्च शिक्षण आणि जागतिक स्तरावर प्रगती साधण्यासाठी इंग्रजी भाषेचे ज्ञान अत्यंत आवश्यक आहे. विद्यार्थ्यांनी आत्मविश्वासाने इंग्रजी आत्मसात करून उपलब्ध संधींचा लाभ घ्यावा. यावेळी लिटररी असोसिएशनच्या वतीने भित्तीपत्रक स्पर्धेचे आयोजन करण्यात आले होते. या स्पर्धेत बी.ए. द्वितीय वर्षातील कु. ऋतुजा कप्ते व कु. आसावरी अपसिंगेकर यांनी प्रथम क्रमांक मिळविला. क्षीरसागर अभिजीत व विशाल कांबळे यांनी द्वितीय क्रमांक पटकावला. मान्यवरांच्या हस्ते विजेत्या विद्यार्थ्यांचा सत्कार करण्यात आला. अध्यक्षीय समारोपात डॉ. लखोटिया यांनी विद्यार्थ्यांना पदवी शिक्षणाच्या सुरुवातीपासूनच इंग्रजी भाषेवर लक्ष केंद्रित करण्याचा सल्ला दिला. प्रथम, द्वितीय आणि तृतीय वर्षात सातत्याने परिश्रम घेऊन या भाषेवर प्रभुत्व मिळविल्यास शैक्षणिक व व्यावसायिक क्षेत्रात यश मिळविणे अधिक सुलभ होते, असे त्यांनी नमूद केले. कार्यक्रमाचे सूत्रसंचालन प्रा. डॉ. विजयालक्ष्मी प्रसन्ने यांनी केले, तर आभार प्रा. शिवनंदा रोडगे यांनी मानले. कार्यक्रमास प्रा. प्रवीण अंबेसंगे, प्रा. बालाजीप्रसाद घाळे, प्रा. विजयालक्ष्मी प्रसन्ने, प्रा. शिवनंदा रोडगे, प्रा. शादूल शेख यांच्यासह मोठ्या संख्येने विद्यार्थी-विद्यार्थिनी उपस्थित होते.

Laxman Ugile

उदगीर, लातूर, महाराष्ट्र•

2 hrs ago

इंग्रजी भाषा ही जागतिक ज्ञानाची गुरुकिल्ली आहे - डॉ. रामप्रसाद लखोटिया *इंग्रजी भाषा ही जागतिक ज्ञानाची गुरुकिल्ली – डॉ. रामप्रसाद लखोटिया* उदगीर : आजच्या जागतिकीकरणाच्या युगात जगाशी प्रभावीपणे संवाद साधण्यासाठी इंग्रजी हीच प्रमुख भाषा असून तीच जागतिक ज्ञानाची गुरुकिल्ली बनली आहे, असे मत महाराष्ट्र एज्युकेशन सोसायटीचे सचिव तथा कार्यक्रमाचे अध्यक्ष डॉ. रामप्रसाद लखोटिया यांनी व्यक्त केले. महाराष्ट्र उदयगिरी महाविद्यालयातील इंग्रजी विभागाच्या वतीने बी.ए. तृतीय वर्ष व एम.ए. द्वितीय वर्षाच्या विद्यार्थ्यांसाठी निरोप समारंभाचे आयोजन करण्यात आले होते. कार्यक्रमाच्या अध्यक्षस्थानी डॉ. रामप्रसाद लखोटिया होते. प्रमुख पाहुणे म्हणून ग्रंथपाल डॉ. एल. बी. पेन्सलवार उपस्थित होते. व्यासपीठावर इंग्रजी विभाग प्रमुख प्रा. डॉ. संजीव सूर्यवंशी, प्रा. राजा मुदूडगे, प्रा. प्रविण अंबेसंगे, प्रा. व्ही. डी. काकनाळे, प्रा. ए. सी. बिरादार आदी उपस्थित होते. कार्यक्रमाचे प्रास्ताविक व पाहुण्यांचा परिचय प्रा. डॉ. संजीव सूर्यवंशी यांनी करून दिला तसेच इंग्रजी विभागामार्फत ‘कम्युनिकेशन अँड स्पोकन इंग्लिश’ या उपक्रमांतर्गत नियमित वर्ग तसेच प्रमाणपत्र अभ्यासक्रम राबविण्यात येतो. या संधीचा विद्यार्थ्यांनी लाभ घेऊन आपल्या भविष्यासाठी भक्कम पायाभरणी करावी, अशी माहिती सांगितली. यावेळी मार्गदर्शन करताना प्रमुख पाहुणे ग्रंथपाल डॉ. एल. बी. पेन्सलवार म्हणाले, विद्यार्थ्यांना उच्च शिक्षण आणि जागतिक स्तरावर प्रगती साधण्यासाठी इंग्रजी भाषेचे ज्ञान अत्यंत आवश्यक आहे. विद्यार्थ्यांनी आत्मविश्वासाने इंग्रजी आत्मसात करून उपलब्ध संधींचा लाभ घ्यावा. यावेळी लिटररी असोसिएशनच्या वतीने भित्तीपत्रक स्पर्धेचे आयोजन करण्यात आले होते. या स्पर्धेत बी.ए. द्वितीय वर्षातील कु. ऋतुजा कप्ते व कु. आसावरी अपसिंगेकर यांनी प्रथम क्रमांक मिळविला. क्षीरसागर अभिजीत व विशाल कांबळे यांनी द्वितीय क्रमांक पटकावला. मान्यवरांच्या हस्ते विजेत्या विद्यार्थ्यांचा सत्कार करण्यात आला. अध्यक्षीय समारोपात डॉ. लखोटिया यांनी विद्यार्थ्यांना पदवी शिक्षणाच्या सुरुवातीपासूनच इंग्रजी भाषेवर लक्ष केंद्रित करण्याचा सल्ला दिला. प्रथम, द्वितीय आणि तृतीय वर्षात सातत्याने परिश्रम घेऊन या भाषेवर प्रभुत्व मिळविल्यास शैक्षणिक व व्यावसायिक क्षेत्रात यश मिळविणे अधिक सुलभ होते, असे त्यांनी नमूद केले. कार्यक्रमाचे सूत्रसंचालन प्रा. डॉ. विजयालक्ष्मी प्रसन्ने यांनी केले, तर आभार प्रा. शिवनंदा रोडगे यांनी मानले. कार्यक्रमास प्रा. प्रवीण अंबेसंगे, प्रा. बालाजीप्रसाद घाळे, प्रा. विजयालक्ष्मी प्रसन्ने, प्रा. शिवनंदा रोडगे, प्रा. शादूल शेख यांच्यासह मोठ्या संख्येने विद्यार्थी-विद्यार्थिनी उपस्थित होते.