मानोरा तालुक्यात वन्यप्राण्यांच्या वाढत्या उपद्रवामुळे शेतकऱ्यांना मोठ्या आर्थिक संकटाचा सामना करावा लागत असून, वन्यप्राण्यांच्या भीतीपोटी दरवर्षी पोहरादेवी सर्कलमध्ये अंदाजे २०० ते ३०० एकर शेती पडीत राहत असल्याचा गंभीर आरोप पोहरादेवी येथील शेतकरी रमेश महाराज यांनी केला आहे. सततच्या या उपद्रवामुळे शेती करणे अत्यंत कठीण झाले असून शेतकऱ्यांचे मोठे आर्थिक नुकसान होत आहे, ज्यामुळे येथील शेती व्यवसाय पूर्णपणे धोक्यात आला आहे. या समस्येवर तोडगा काढण्यासाठी रमेश महाराज यांनी तहसीलदारांना व जिल्हाधिकाऱ्यांना निवेदन देऊन तातडीने संयुक्त सर्वेक्षण करण्याची आणि शेतकऱ्यांना न्याय देण्याची मागणी केली आहे. शेतीच्या संरक्षणासाठी वन विभागाकडे यापूर्वी अनेकदा तारबंदी किंवा संरक्षक कुंपण उभारण्याची मागणी करण्यात आली होती, मात्र वारंवार निवेदने देऊनही प्रशासनाने कोणतीही ठोस कार्यवाही केली नसल्याचा आरोप त्यांनी केला आहे. महसूल व वन विभागाने संयुक्तपणे प्रत्यक्ष गावात पाहणी व सविस्तर सर्वेक्षण करून बाधित शेतकऱ्यांना आर्थिक मदत, संरक्षणात्मक कुंपण आणि इतर आवश्यक उपाययोजना तातडीने उपलब्ध करून द्याव्यात, अशी मागणी निवेदनातून करण्यात आली आहे. दरम्यान, प्रशासनाने या मागण्यांकडे दुर्लक्ष केल्यास २२ जुलै रोजी माहुली येथे रास्ता रोको आंदोलन करण्याचा इशारा रमेश महाराज यांनी दिला आहे. यामुळे या गंभीर प्रश्नावर आता प्रशासन काय भूमिका घेणार, याकडे परिसरातील सर्व शेतकऱ्यांचे लक्ष लागले आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

4 hrs ago

मानोरा तालुक्यात वन्यप्राण्यांच्या वाढत्या उपद्रवामुळे शेतकऱ्यांना मोठ्या आर्थिक संकटाचा सामना करावा लागत असून, वन्यप्राण्यांच्या भीतीपोटी दरवर्षी पोहरादेवी सर्कलमध्ये अंदाजे २०० ते ३०० एकर शेती पडीत राहत असल्याचा गंभीर आरोप पोहरादेवी येथील शेतकरी रमेश महाराज यांनी केला आहे. सततच्या या उपद्रवामुळे शेती करणे अत्यंत कठीण झाले असून शेतकऱ्यांचे मोठे आर्थिक नुकसान होत आहे, ज्यामुळे येथील शेती व्यवसाय पूर्णपणे धोक्यात आला आहे. या समस्येवर तोडगा काढण्यासाठी रमेश महाराज यांनी तहसीलदारांना व जिल्हाधिकाऱ्यांना निवेदन देऊन तातडीने संयुक्त सर्वेक्षण करण्याची आणि शेतकऱ्यांना न्याय देण्याची मागणी केली आहे. शेतीच्या संरक्षणासाठी वन विभागाकडे यापूर्वी अनेकदा तारबंदी किंवा संरक्षक कुंपण उभारण्याची मागणी करण्यात आली होती, मात्र वारंवार निवेदने देऊनही प्रशासनाने कोणतीही ठोस कार्यवाही केली नसल्याचा आरोप त्यांनी केला आहे. महसूल व वन विभागाने संयुक्तपणे प्रत्यक्ष गावात पाहणी व सविस्तर सर्वेक्षण करून बाधित शेतकऱ्यांना आर्थिक मदत, संरक्षणात्मक कुंपण आणि इतर आवश्यक उपाययोजना तातडीने उपलब्ध करून द्याव्यात, अशी मागणी निवेदनातून करण्यात आली आहे. दरम्यान, प्रशासनाने या मागण्यांकडे दुर्लक्ष केल्यास २२ जुलै रोजी माहुली येथे रास्ता रोको आंदोलन करण्याचा इशारा रमेश महाराज यांनी दिला आहे. यामुळे या गंभीर प्रश्नावर आता प्रशासन काय भूमिका घेणार, याकडे परिसरातील सर्व शेतकऱ्यांचे लक्ष लागले आहे.