ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନା ସିନ୍ଧିଭାଡ଼ି ଗାଁରେ ଶୌଚାଳୟ ନିର୍ମାଣକୁ ନେଇ ଦୁଇ ଭାଇଙ୍କ ମଧ୍ୟରେ କଥା କଟାକଟି ହୋଇଥିଲା, ଯାହା ପରେ ବଡ଼ଭାଇ ଦେବଚରନ ବେହେରା ଏକ ରଫା ସାହାଯ୍ୟରେ ସାନଭାଇ ପିତାମ୍ବର ବେହେରାଙ୍କ ମୁଣ୍ଡକୁ ଆକ୍ରମଣ କରି ଗୁରୁତର କରିଛନ୍ତି। ସାନଭାଇ ପିତାମ୍ବରଙ୍କ ଘର ସମ୍ମୁଖରେ ବଡ଼ଭାଇ ଦେବଚରନ ଶୌଚାଳୟ ନିର୍ମାଣ କରୁଥିବାରୁ ପିତାମ୍ବର ଏହାକୁ ମନା କରିଥିଲେ। ଏହାକୁ ନେଇ ଦୁଇ ଭାଇଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇବା ପରେ ଦେବଚରନ ଏକ ରଫା ସାହାଯ୍ୟରେ ସାନଭାଇଙ୍କ ମୁଣ୍ଡକୁ ଆକ୍ରମଣ କରିଥିଲେ। ଏହି ଆକ୍ରମଣ ଯୋଗୁଁ ସାନଭାଇ ପିତାମ୍ବର ରକ୍ତାକ୍ତ ହୋଇ ପଡ଼ିଥିବା ବେଳେ ତାଙ୍କ ସ୍ତ୍ରୀ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆମ୍ବୁଲାନ୍ସ ଯୋଗେ କଣ୍ଟାବାଞ୍ଜି ଡାକ୍ତରଖାନାକୁ ଚିକିତ୍ସା ପାଇଁ ଆଣିଥିଲେ। ସେଠାରେ ଡାକ୍ତର ତାଙ୍କର ପ୍ରାଥମିକ ଚିକିତ୍ସା କରିବା ସହ ମୁଣ୍ଡ ଭିତରେ ଥିବା ହାଡ଼ ଭାଙ୍ଗି ଯାଇଥିବାରୁ ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବା ପ୍ରକାଶ କରିଛନ୍ତି। ଏହାପରେ ତାଙ୍କୁ ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଅନ୍ୟପଟେ, ବଙ୍ଗୋମୁଣ୍ଡା ପୋଲିସ ନିକଟରେ ଆକ୍ରମଣକାରୀ ବଡ଼ଭାଇକୁ ଗିରଫ କରିବା ପାଇଁ ଗ୍ରାମବାସୀ ଦାବି କରିଛନ୍ତି।

HULESWAR HANS

Local News Reporter କଣ୍ଟାବାଞ୍ଜି, ବଲାଙ୍ଗୀର, ଓଡ଼ିଶା•

7 hrs ago

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନା ସିନ୍ଧିଭାଡ଼ି ଗାଁରେ ଶୌଚାଳୟ ନିର୍ମାଣକୁ ନେଇ ଦୁଇ ଭାଇଙ୍କ ମଧ୍ୟରେ କଥା କଟାକଟି ହୋଇଥିଲା, ଯାହା ପରେ ବଡ଼ଭାଇ ଦେବଚରନ ବେହେରା ଏକ ରଫା ସାହାଯ୍ୟରେ ସାନଭାଇ ପିତାମ୍ବର ବେହେରାଙ୍କ ମୁଣ୍ଡକୁ ଆକ୍ରମଣ କରି ଗୁରୁତର କରିଛନ୍ତି। ସାନଭାଇ ପିତାମ୍ବରଙ୍କ ଘର ସମ୍ମୁଖରେ ବଡ଼ଭାଇ ଦେବଚରନ ଶୌଚାଳୟ ନିର୍ମାଣ କରୁଥିବାରୁ ପିତାମ୍ବର ଏହାକୁ ମନା କରିଥିଲେ। ଏହାକୁ ନେଇ ଦୁଇ ଭାଇଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇବା ପରେ ଦେବଚରନ ଏକ ରଫା ସାହାଯ୍ୟରେ ସାନଭାଇଙ୍କ ମୁଣ୍ଡକୁ ଆକ୍ରମଣ କରିଥିଲେ। ଏହି ଆକ୍ରମଣ ଯୋଗୁଁ ସାନଭାଇ ପିତାମ୍ବର ରକ୍ତାକ୍ତ ହୋଇ ପଡ଼ିଥିବା ବେଳେ ତାଙ୍କ ସ୍ତ୍ରୀ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆମ୍ବୁଲାନ୍ସ ଯୋଗେ କଣ୍ଟାବାଞ୍ଜି ଡାକ୍ତରଖାନାକୁ ଚିକିତ୍ସା ପାଇଁ ଆଣିଥିଲେ। ସେଠାରେ ଡାକ୍ତର ତାଙ୍କର ପ୍ରାଥମିକ ଚିକିତ୍ସା କରିବା ସହ ମୁଣ୍ଡ ଭିତରେ ଥିବା ହାଡ଼ ଭାଙ୍ଗି ଯାଇଥିବାରୁ ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବା ପ୍ରକାଶ କରିଛନ୍ତି। ଏହାପରେ ତାଙ୍କୁ ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଅନ୍ୟପଟେ, ବଙ୍ଗୋମୁଣ୍ଡା ପୋଲିସ ନିକଟରେ ଆକ୍ରମଣକାରୀ ବଡ଼ଭାଇକୁ ଗିରଫ କରିବା ପାଇଁ ଗ୍ରାମବାସୀ ଦାବି କରିଛନ୍ତି।