கிருஷ்ணகிரி மாவட்ட ஆட்சித் தலைவர் தினேஷ்குமார் அவர்களின் உத்தரவின் பேரில், மாவட்டத்தில் பொது விநியோகத் திட்டத்தில் உள்ள குறைகளை களைந்து, மக்களின் கோரிக்கைகளை உடனுக்குடன் நிவர்த்தி செய்யும் வகையில் சிறப்பு குறைதீர்க்கும் கூட்டம் நடைபெற்றது. குடும்ப அட்டைகளில் பெயர் திருத்தம், பெயர் சேர்த்தல், பெயர் நீக்கம் மற்றும் முகவரி மாற்றம் போன்ற மக்களின் கோரிக்கைகளுக்கு தீர்வு காணும் நோக்கில், மஜித்கொல்லஹள்ளி, சுண்டக்காய்பட்டி உள்ளிட்ட 8 கிராமங்களில் இந்த சிறப்பு கூட்டங்கள் அந்தந்த வட்ட வழங்கல் அலுவலர்களால் நடத்தப்பட்டன. இதில் பொதுமக்கள் தங்களது குறைகள் குறித்து மனுக்களை அளித்து உடனடி தீர்வு பெற்றனர். பர்கூர் ஒன்றியத்திற்கு உட்பட்ட மஜித்கொல்லஹள்ளியில் வட்ட வழங்கல் அலுவலர் வே.லதா தலைமையில் நடைபெற்ற சிறப்பு கூட்டத்தில், சமூக நுகர்வோர் நல பாதுகாப்பு சங்க மாநில பொதுச் செயலாளர் டாக்டர் சந்திரமோகன் பங்கேற்றார். அப்போது அவர் பொதுமக்களிடம் பேசுகையில், நியாய விலை கடைகளில் வழங்கப்படும் அரிசி, பருப்பு, எண்ணெய் உள்ளிட்ட பொருட்களின் தரத்தை ஆராய்ந்து, அதில் ஏதேனும் குறைபாடுகள் இருந்தால் சம்பந்தப்பட்ட துறை அதிகாரிகளிடம் உடனடியாக புகார் அளிக்க வேண்டும் என்று வலியுறுத்தினார். இந்த நிகழ்வில் தனி வருவாய் ஆய்வாளர் மாதவன், நியாய விலை கடை விற்பனையாளர் தம்பிதுரை, வட்ட பொறியாளர் விக்னேஷ், சமூக நுகர்வோர் சங்க மாநில இணைச்செயலாளர் சையத் அஸ்ஹர் மற்றும் ஏராளமான பொதுமக்கள் கலந்து கொண்டனர்.

செல்வம்

பத்திரிகையாளர் Krishnagiri, Tamil Nadu•

1 hr ago

கிருஷ்ணகிரி மாவட்ட ஆட்சித் தலைவர் தினேஷ்குமார் அவர்களின் உத்தரவின் பேரில், மாவட்டத்தில் பொது விநியோகத் திட்டத்தில் உள்ள குறைகளை களைந்து, மக்களின் கோரிக்கைகளை உடனுக்குடன் நிவர்த்தி செய்யும் வகையில் சிறப்பு குறைதீர்க்கும் கூட்டம் நடைபெற்றது. குடும்ப அட்டைகளில் பெயர் திருத்தம், பெயர் சேர்த்தல், பெயர் நீக்கம் மற்றும் முகவரி மாற்றம் போன்ற மக்களின் கோரிக்கைகளுக்கு தீர்வு காணும் நோக்கில், மஜித்கொல்லஹள்ளி, சுண்டக்காய்பட்டி உள்ளிட்ட 8 கிராமங்களில் இந்த சிறப்பு கூட்டங்கள் அந்தந்த வட்ட வழங்கல் அலுவலர்களால் நடத்தப்பட்டன. இதில் பொதுமக்கள் தங்களது குறைகள் குறித்து மனுக்களை அளித்து உடனடி தீர்வு பெற்றனர். பர்கூர் ஒன்றியத்திற்கு உட்பட்ட மஜித்கொல்லஹள்ளியில் வட்ட வழங்கல் அலுவலர் வே.லதா தலைமையில் நடைபெற்ற சிறப்பு கூட்டத்தில், சமூக நுகர்வோர் நல பாதுகாப்பு சங்க மாநில பொதுச் செயலாளர் டாக்டர் சந்திரமோகன் பங்கேற்றார். அப்போது அவர் பொதுமக்களிடம் பேசுகையில், நியாய விலை கடைகளில் வழங்கப்படும் அரிசி, பருப்பு, எண்ணெய் உள்ளிட்ட பொருட்களின் தரத்தை ஆராய்ந்து, அதில் ஏதேனும் குறைபாடுகள் இருந்தால் சம்பந்தப்பட்ட துறை அதிகாரிகளிடம் உடனடியாக புகார் அளிக்க வேண்டும் என்று வலியுறுத்தினார். இந்த நிகழ்வில் தனி வருவாய் ஆய்வாளர் மாதவன், நியாய விலை கடை விற்பனையாளர் தம்பிதுரை, வட்ட பொறியாளர் விக்னேஷ், சமூக நுகர்வோர் சங்க மாநில இணைச்செயலாளர் சையத் அஸ்ஹர் மற்றும் ஏராளமான பொதுமக்கள் கலந்து கொண்டனர்.