नाशिक येथील महाराष्ट्र आरोग्य विज्ञान विद्यापीठात आंतरराष्ट्रीय योग दिनानिमित्त योग वर्गाचे आयोजन करून हा दिवस मोठ्या उत्साहात साजरा करण्यात आला. या योग वर्गात विद्यापीठाचे अधिकारी, कर्मचारी, तसेच विद्यार्थी व शिक्षक मोठ्या संख्येने उपस्थित होते. यावेळी शैक्षणिक कक्षाच्या अधिष्ठाता डॉ. स्वाती जाधव यांनी व्यक्तिमत्त्व केवळ शारीरिक गुणांवर अवलंबून नसून मानसिक, बौद्धिक आणि भावनिक गुण महत्त्वाचे असतात यावर भर दिला. त्यांच्या मते, योग अभ्यासाने शारीरिक तसेच मानसिक आजारांपासून संरक्षण मिळते आणि आरोग्यदायी व रोगमुक्त जीवनासाठी प्रत्येकाने योगाभ्यास व प्राणायाम करणे आवश्यक आहे. आयुष विभागाच्या प्रमुख डॉ. गीतांजली कार्ले यांनी योगामुळे शरीर लवचीक होते आणि मान तसेच पाठदुखीचे आजार कमी करण्यासाठी शास्त्रीय पद्धतीचा योगाभ्यास फायदेशीर असल्याचे सांगितले. जनसंपर्क अधिकारी डॉ. स्वप्नील तोरणे यांनी सध्याच्या वेगवान जगात माणूस स्वतःलाच मागे टाकत असताना योग हा स्वतःकडे परत जाण्याचा एक शांत, सुंदर आणि सजग प्रवास बनतो, असे सांगत नियमित योगाभ्यासाचे अनेक शारीरिक आणि मानसिक फायदे स्पष्ट केले. आंतरराष्ट्रीय योग दिनाच्या निमित्ताने, विद्यापीठाच्या आयुष विभागातर्फे १५ ते १८ जून २०२६ या कालावधीत एक ऑनलाइन योग शिबिराचे देखील आयोजन करण्यात आले होते. या शिबिरात २७५ पेक्षा अधिक महाविद्यालयांमधील विद्यार्थी व शिक्षकांनी उत्स्फूर्त सहभाग नोंदवला. जनसंपर्क अधिकारी डॉ. स्वप्नील तोरणे यांनी कार्यक्रमाची प्रस्तावना केली. विद्यापीठातर्फे आयोजित एक आठवड्याच्या प्रशिक्षण वर्गात योग प्रशिक्षक श्री. मीना ठक्कर यांच्या मार्गदर्शनाखाली दंडस्थितीतील, बैठकस्थितीतील आणि शयनस्थितीतील आसनांचा सराव करून घेण्यात आला, तर डॉ. स्वाती जाधव यांनी कपालभाती व प्राणायाम यांसारख्या योगप्रकारातील क्रिया उपस्थित अधिकारी, कर्मचारी व विद्यार्थी यांच्याकडून करून घेतल्या. या प्रसंगी विद्यापीठातील अधिकारी, कर्मचारी व विद्यार्थ्यांसाठी सूर्यनमस्कार स्पर्धेचेही आयोजन करण्यात आले होते. या स्पर्धेत कु. नेहा कातड, श्री. संभाजी गायकवाड आणि श्रीमती ज्योती खांडे यांनी पारितोषिके पटकावली. डॉ. प्रदीप आवळे व डॉ. ज्योती गवळी यांनी या स्पर्धेचे परीक्षण केले. डॉ. अनुश्री नेटके, मेघा बोरसे, सागर कुलकर्णी, आदेश सांगळे आणि लोकेश गांगुर्डे यांनी या कार्यक्रमाच्या यशस्वी आयोजनासाठी विशेष परिश्रम घेतले.

सुमन नागनाथ अलमलकर

Local News Reporter शिरूर-अनंतपाळ, लातूर, महाराष्ट्र•

1 hr ago

नाशिक येथील महाराष्ट्र आरोग्य विज्ञान विद्यापीठात आंतरराष्ट्रीय योग दिनानिमित्त योग वर्गाचे आयोजन करून हा दिवस मोठ्या उत्साहात साजरा करण्यात आला. या योग वर्गात विद्यापीठाचे अधिकारी, कर्मचारी, तसेच विद्यार्थी व शिक्षक मोठ्या संख्येने उपस्थित होते. यावेळी शैक्षणिक कक्षाच्या अधिष्ठाता डॉ. स्वाती जाधव यांनी व्यक्तिमत्त्व केवळ शारीरिक गुणांवर अवलंबून नसून मानसिक, बौद्धिक आणि भावनिक गुण महत्त्वाचे असतात यावर भर दिला. त्यांच्या मते, योग अभ्यासाने शारीरिक तसेच मानसिक आजारांपासून संरक्षण मिळते आणि आरोग्यदायी व रोगमुक्त जीवनासाठी प्रत्येकाने योगाभ्यास व प्राणायाम करणे आवश्यक आहे. आयुष विभागाच्या प्रमुख डॉ. गीतांजली कार्ले यांनी योगामुळे शरीर लवचीक होते आणि मान तसेच पाठदुखीचे आजार कमी करण्यासाठी शास्त्रीय पद्धतीचा योगाभ्यास फायदेशीर असल्याचे सांगितले. जनसंपर्क अधिकारी डॉ. स्वप्नील तोरणे यांनी सध्याच्या वेगवान जगात माणूस स्वतःलाच मागे टाकत असताना योग हा स्वतःकडे परत जाण्याचा एक शांत, सुंदर आणि सजग प्रवास बनतो, असे सांगत नियमित योगाभ्यासाचे अनेक शारीरिक आणि मानसिक फायदे स्पष्ट केले. आंतरराष्ट्रीय योग दिनाच्या

निमित्ताने, विद्यापीठाच्या आयुष विभागातर्फे १५ ते १८ जून २०२६ या कालावधीत एक ऑनलाइन योग शिबिराचे देखील आयोजन करण्यात आले होते. या शिबिरात २७५ पेक्षा अधिक महाविद्यालयांमधील विद्यार्थी व शिक्षकांनी उत्स्फूर्त सहभाग नोंदवला. जनसंपर्क अधिकारी डॉ. स्वप्नील तोरणे यांनी कार्यक्रमाची प्रस्तावना केली. विद्यापीठातर्फे आयोजित एक आठवड्याच्या प्रशिक्षण वर्गात योग प्रशिक्षक श्री. मीना ठक्कर यांच्या मार्गदर्शनाखाली दंडस्थितीतील, बैठकस्थितीतील आणि शयनस्थितीतील आसनांचा सराव करून घेण्यात आला, तर डॉ. स्वाती जाधव यांनी कपालभाती व प्राणायाम यांसारख्या योगप्रकारातील क्रिया उपस्थित अधिकारी, कर्मचारी व विद्यार्थी यांच्याकडून करून घेतल्या. या प्रसंगी विद्यापीठातील अधिकारी, कर्मचारी व विद्यार्थ्यांसाठी सूर्यनमस्कार स्पर्धेचेही आयोजन करण्यात आले होते. या स्पर्धेत कु. नेहा कातड, श्री. संभाजी गायकवाड आणि श्रीमती ज्योती खांडे यांनी पारितोषिके पटकावली. डॉ. प्रदीप आवळे व डॉ. ज्योती गवळी यांनी या स्पर्धेचे परीक्षण केले. डॉ. अनुश्री नेटके, मेघा बोरसे, सागर कुलकर्णी, आदेश सांगळे आणि लोकेश गांगुर्डे यांनी या कार्यक्रमाच्या यशस्वी आयोजनासाठी विशेष परिश्रम घेतले.