लातूर जिल्ह्यातील अहमदपूर उपविभागाचे पोलीस अधिकारी डीवायएसपी अरविंद रायबोले यांनी अवैध धंद्यांवर कठोर कारवाई करत एक धडाकेबाज कामगिरी केली आहे. त्यांनी अहमदपूर उपविभागात अवैध धंद्याची साखळी तोडण्याचे काम हाती घेतले असून, यापूर्वीही अवैध दारू वाहतूक, वाळू वाहतूक आणि साठवणुकीवर कारवाई करत कोट्यवधी रुपयांचा मुद्देमाल जप्त केला आहे. अवैध धंद्यांचे समूळ उच्चाटन करण्याची त्यांनी प्रतिज्ञा घेतल्याची चर्चा असून, त्यांना 'गुन्हेगारांचे कर्दनकाळ' म्हणून ओळखले जात आहे. याच मोहिमेअंतर्गत, डीवायएसपी अरविंद रायबोले यांच्या थेट आदेशावरून, ३० मे रोजी दुपारी सव्वातीन वाजता मौजे उजना येथील शेत शिवारात सुरू असलेल्या एका मोठ्या जुगार अड्ड्यावर पोलिसांच्या विशेष पथकाने धाडसी छापा टाकला. खंडाळी गावाजवळ गुप्त बातमीदाराकडून मिळालेल्या माहितीच्या आधारे, पथकातील पोलीस कॉन्स्टेबल राहुल लक्ष्मण कांबळे, पोलीस हवालदार अभिमन्यू रेचेवाड आणि पोलीस नायक धरमपाल गुट्टे यांनी खाजगी वाहनाने पेट्रोलिंग करत ही माहिती पडताळून पाहिली. मौजे उजना येथील आनंद रमेश मोटरवार यांच्या शेतातील चिंचेच्या झाडाखाली मोकळ्या जागेत पैशांवर तिर्रट नावाचा जुगार खेळला जात असल्याची माहिती मिळाल्यावर, पोलिसांनी तात्काळ दोन पंचांना बोलावून दुपारी तीन ते सव्वातीन वाजण्याच्या दरम्यान छापा टाकला. या छाप्यात पोलिसांनी जुगार खेळणाऱ्या नऊ आरोपींना रंगेहात अटक केली. यात उजना येथील बालाजी निवृत्ती मासुळे, शेख दस्तगीर वजीर साहब, शेख चांद फरीद साहब, दिलीप अण्णाराव परतवाघ, उद्धव एकनाथ बारवाड, शेख नयुम लालू साहब, शेख मेहबूब मस्तान यांचा समावेश आहे. तसेच, गंगाहीप्परगा येथील गंगाधर ज्ञानोबा गायकवाड आणि कंधार तालुक्यातील कुरळा येथील संतोष संभाजी मुस्कावड या दोन बाहेरगावातील आरोपींनाही अटक करण्यात आले. पोलिसांनी घटनास्थळावरून जुगाराचे साहित्य, रोख रक्कम, मोबाईल फोन, चार मोटारसायकली (एक होंडा युनिकॉर्न, तीन होंडा शाईन) आणि एक बोलेरो जीप असा एकूण १२ लाख ४५ हजार ३२० रुपयांचा मुद्देमाल जप्त केला. यामध्ये आरोपींच्या अंगझडतीतून मिळालेले अँड्रॉइड मोबाईल आणि रोख रक्कम देखील आहे. पोलीस हवालदार अभिमन्यू रेचवडे यांनी जप्त पंचनामा करून सर्व मुद्देमाल तपासकामी ताब्यात घेतला आहे. सर्व आरोपींना इतर पोलीस कर्मचाऱ्यांच्या मदतीने पोलीस ठाण्यात हजर करण्यात आले असून, पोलीस कॉन्स्टेबल राहुल लक्ष्मण कांबळे यांच्या फिर्यादीवरून सर्व नऊ आरोपींविरुद्ध महाराष्ट्र जुगार प्रतिबंधक अधिनियम अंतर्गत कलम १२ (अ) प्रमाणे गुन्हा दाखल करण्यात आला आहे. डीवायएसपी अरविंद रायबोले यांच्या मार्गदर्शनाखाली त्यांच्या विशेष पथकाने केलेल्या या धडक कारवाईमुळे अहमदपूर परिसरातील अवैध धंदे चालवणाऱ्यांचे धाबे दणाणले असल्याची चर्चा आता संपूर्ण उपविभागात सुरू आहे.

Laxman Ugile

उदगीर, लातूर, महाराष्ट्र•

2 hrs ago

लातूर जिल्ह्यातील अहमदपूर उपविभागाचे पोलीस अधिकारी डीवायएसपी अरविंद रायबोले यांनी अवैध धंद्यांवर कठोर कारवाई करत एक धडाकेबाज कामगिरी केली आहे. त्यांनी अहमदपूर उपविभागात अवैध धंद्याची साखळी तोडण्याचे काम हाती घेतले असून, यापूर्वीही अवैध दारू वाहतूक, वाळू वाहतूक आणि साठवणुकीवर कारवाई करत कोट्यवधी रुपयांचा मुद्देमाल जप्त केला आहे. अवैध धंद्यांचे समूळ उच्चाटन करण्याची त्यांनी प्रतिज्ञा घेतल्याची चर्चा असून, त्यांना 'गुन्हेगारांचे कर्दनकाळ' म्हणून ओळखले जात आहे. याच मोहिमेअंतर्गत, डीवायएसपी अरविंद रायबोले यांच्या थेट आदेशावरून, ३० मे रोजी दुपारी सव्वातीन वाजता मौजे उजना येथील शेत शिवारात सुरू असलेल्या एका मोठ्या जुगार अड्ड्यावर पोलिसांच्या विशेष पथकाने धाडसी छापा टाकला. खंडाळी गावाजवळ गुप्त बातमीदाराकडून मिळालेल्या माहितीच्या आधारे, पथकातील पोलीस कॉन्स्टेबल राहुल लक्ष्मण कांबळे, पोलीस हवालदार अभिमन्यू रेचेवाड आणि पोलीस नायक धरमपाल गुट्टे यांनी खाजगी वाहनाने पेट्रोलिंग करत ही माहिती पडताळून पाहिली. मौजे उजना येथील आनंद रमेश मोटरवार यांच्या शेतातील चिंचेच्या झाडाखाली मोकळ्या जागेत पैशांवर तिर्रट नावाचा जुगार खेळला जात असल्याची माहिती मिळाल्यावर, पोलिसांनी तात्काळ दोन पंचांना बोलावून दुपारी तीन ते सव्वातीन वाजण्याच्या दरम्यान छापा टाकला. या छाप्यात पोलिसांनी जुगार खेळणाऱ्या नऊ आरोपींना रंगेहात अटक केली.

यात उजना येथील बालाजी निवृत्ती मासुळे, शेख दस्तगीर वजीर साहब, शेख चांद फरीद साहब, दिलीप अण्णाराव परतवाघ, उद्धव एकनाथ बारवाड, शेख नयुम लालू साहब, शेख मेहबूब मस्तान यांचा समावेश आहे. तसेच, गंगाहीप्परगा येथील गंगाधर ज्ञानोबा गायकवाड आणि कंधार तालुक्यातील कुरळा येथील संतोष संभाजी मुस्कावड या दोन बाहेरगावातील आरोपींनाही अटक करण्यात आले. पोलिसांनी घटनास्थळावरून जुगाराचे साहित्य, रोख रक्कम, मोबाईल फोन, चार मोटारसायकली (एक होंडा युनिकॉर्न, तीन होंडा शाईन) आणि एक बोलेरो जीप असा एकूण १२ लाख ४५ हजार ३२० रुपयांचा मुद्देमाल जप्त केला. यामध्ये आरोपींच्या अंगझडतीतून मिळालेले अँड्रॉइड मोबाईल आणि रोख रक्कम देखील आहे. पोलीस हवालदार अभिमन्यू रेचवडे यांनी जप्त पंचनामा करून सर्व मुद्देमाल तपासकामी ताब्यात घेतला आहे. सर्व आरोपींना इतर पोलीस कर्मचाऱ्यांच्या मदतीने पोलीस ठाण्यात हजर करण्यात आले असून, पोलीस कॉन्स्टेबल राहुल लक्ष्मण कांबळे यांच्या फिर्यादीवरून सर्व नऊ आरोपींविरुद्ध महाराष्ट्र जुगार प्रतिबंधक अधिनियम अंतर्गत कलम १२ (अ) प्रमाणे गुन्हा दाखल करण्यात आला आहे. डीवायएसपी अरविंद रायबोले यांच्या मार्गदर्शनाखाली त्यांच्या विशेष पथकाने केलेल्या या धडक कारवाईमुळे अहमदपूर परिसरातील अवैध धंदे चालवणाऱ्यांचे धाबे दणाणले असल्याची चर्चा आता संपूर्ण उपविभागात सुरू आहे.