চতিয়াৰ উদয়পুৰ গাঁৱৰ ৰাইজে বিধায়ক পদ্ম হাজৰিকাক সাক্ষাৎ কৰি গাওঁখনৰ সমস্যাসমূহ অৱগত কৰে। বিধায়কে ৰাইজৰ অভাৱ-অভিযোগসমূহ গুৰুত্ব সহকাৰে লৈ সকলো সমাধানৰ আশ্বাস প্ৰদান কৰে।

আজি অনুষ্ঠিত হ’বলগীয়া বিধানসভা অধিৱেশনৰ বাবে অখিল গগৈয়ে প্রস্তুতি চলাইছে। তেওঁ অধিৱেশনত অংশগ্ৰহণৰ বাবে নিজকে সাজু কৰি তুলিছে।

লখিমপুৰৰ হাতীগড়ীয়া গাঁৱত ধৰ্মকান্ত নামৰ এগৰাকী মাতাল লোকে উৎপাত কৰাত ৰাইজ অতিষ্ঠ হৈ পৰে। পৰিস্থিতি চম্ভালিব নোৱাৰি ৰাইজে তেওঁক বান্ধি আৰক্ষীক চমজাই দিয়ে।

বিহাৰৰ উপ-মুখ্যমন্ত্ৰীয়ে জহানাবাদ জিলাৰ পুনহদা পঞ্চায়তত ৪২.৯৮ কোটি টকাৰ জলসিঞ্চন প্ৰকল্পৰ কাম আৰম্ভ কৰিলে। এই যোজনাৰ অধীনত প্ৰায় ৩৬০ হেক্টৰ ভূমিত পানী যোগান ধৰা হ'ব। ইয়াৰ দ্বাৰা পুনহদা, পণ্ডিতপুৰকে ধৰি কেইবাখনো গাঁৱৰ কৃষক উপকৃত হ'ব।

আজি ৰঙিয়াৰ কনিহাত কামৰূপ জিলা জ্যেষ্ঠ নাগৰিক সন্মিলনৰ নৱম দ্বি-বাৰ্ষিক অধিৱেশন অনুষ্ঠিত কৰা হয়। বড়িগোগ আঞ্চলিক জ্যেষ্ঠ নাগৰিক সন্মিলনৰ সৌজন্যত স্থানীয় তৰুণ সঙ্ঘ প্ৰেক্ষাগৃহত দিনযোৰা কাৰ্যসূচীৰে এই অধিৱেশন অনুষ্ঠিত হয়। কাৰ্যসূচী অনুসৰি পুৱা অৱসৰী অধ্যক্ষ সুৰেশ চন্দ্ৰ ভট্টাচাৰ্য, বড়িগোগ গাওঁ পঞ্চায়তৰ সভাপতি দীপাংকৰ শৰ্মা প্ৰমুখ্যে কেইবাগৰাকীও বিশিষ্ট ব্যক্তিয়ে বন্তি প্ৰজ্বলন কৰে। ইয়াৰ পিছতে কামৰূপ জিলা জ্যেষ্ঠ নাগৰিক সন্মিলনৰ সভাপতি নৰেন্দ্ৰ নৰ্মাই পতাকা উত্তোলন কৰে। এই কাৰ্যসূচীত অৱসৰী আৰক্ষী অধীক্ষক হেমন্ত কুমাৰ ভট্টাচাৰ্য আৰু আদৰণি সমিতিৰ কাৰ্যকৰী সভাপতি দীজেন্দ্ৰ মোহন শৰ্মা সহ আন কেইবাগৰাকীও বিশিষ্ট ব্যক্তিয়ে সহযোগ কৰে। সন্মিলনৰ কাৰ্যকৰী সভাপতি ৰমেন চৌধুৰীয়ে স্মৃতি তৰ্পণ কৰে। প্ৰতিনিধি পঞ্জীয়ন আৰু গছপুলি ৰোপণ কাৰ্যসূচী ৰূপায়নৰ অন্তত প্ৰতিনিধি সভা অনুষ্ঠিত কৰা হয়। বিয়লি কামৰূপ জিলা জ্যেষ্ঠ নাগৰিক সন্মিলনৰ সাধাৰণ সম্পাদক বীৰেন্দ্ৰ নাথ শৰ্মাৰ আদৰণি ভাষণৰে মুকলি অধিৱেশন শুভাৰম্ভ কৰা হয়। একেখন মঞ্চতে অধিৱেশন উপলক্ষে প্ৰকাশিত স্মৃতিগ্ৰন্থ 'অপৰাহ্ন' উন্মোচন কৰা হয়। এই অধিৱেশনত কামৰূপ জিলাৰ অন্তৰ্গত বিভিন্ন শাখা সমিতিৰ বিষয়ববীয়াসকল আৰু সদস্যসকলে উপস্থিত থাকি সৌষ্ঠৱ বৃদ্ধি কৰে।

ঈদ-উল-আজহা উপলক্ষে দক্ষিণ গাঁও শ্বাহী জামা মছজিদে এক বিশেষ আহ্বান জনাইছে। মছজিদ কৰ্তৃপক্ষই কৈছে যে পৱিত্ৰ ঈদ-উল-আজহাৰ বলিদানৰ দিনা কোনো ধৰণৰ অবৈধ জন্তুৰ বলিদান নকৰিব। তেওঁলোকে স্পষ্টকৈ কৈছে যে কেৱল চৰকাৰৰ দ্বাৰা অনুমতিপ্ৰাপ্ত জন্তুৰহে বলিদান কৰা উচিত।

পলাশবাৰীৰ বজৰাপাৰাত মাজনিশা দুখন মটৰচাইকেলৰ মুখামুখি সংঘৰ্ষত এক ভয়ংকৰ পথ দুৰ্ঘটনা সংঘটিত হৈছে। এই দুৰ্ঘটনাত থিতাতে তিনিজন যুৱকৰ মৃত্যু হয়। পিছত গুৱাহাটী চিকিৎসা মহাবিদ্যালয় হাস্পতালত আন এজন যুৱকৰ মৃত্যু হোৱাত মুঠ মৃতকৰ সংখ্যা ৪ জনলৈ বৃদ্ধি পায়।

মুখ্যমন্ত্ৰী হিমন্ত বিশ্ব শৰ্মাই জনতাৰ সৈতে হোৱা প্ৰতিটো বাৰ্তালাপকে তেওঁৰ বাবে বিশেষ বুলি অভিহিত কৰিছে।

উজনি অসমৰ যোৰহাটত প্ৰথমবাৰৰ বাবে ৰাজ্যিক ভিত্তিত আন্তঃক্লাব ৱাটাৰ প'ল প্ৰতিযোগিতাৰ আয়োজন কৰা হৈছে। ৪০সংখ্যক প্ৰতিষ্ঠা দিৱসৰ লগত সংগতি ৰাখি অনুষ্ঠিত এই প্ৰতিযোগিতাত বিভিন্ন জিলাৰ ১০টা দলে অংশগ্ৰহণ কৰিছে, যাৰ ভিতৰত তিনিটা ছোৱালীৰ দল আৰু সাতটা ল'ৰাৰ দল আছিল। এই প্ৰতিযোগিতাৰ সময়ত ১৭গৰাকী প্ৰতিষ্ঠাপক সদস্যক সম্বৰ্ধনা জনোৱা হয়।

বৃহত্তৰ শিৱসাগৰ নাগৰিক মঞ্চৰ উদ্যোগত আৰু শিৱসাগৰবাসীৰ সহযোগত শিৱসাগৰৰ ৰংপুৰজ্যোতি ক্লাৱত এখনি ৰাজহুৱা সভা অনুষ্ঠিত হয়। এই সভাৰ মূল উদ্দেশ্য আছিল শিৱসাগৰ সমষ্টিৰ পৰা জিলা আয়ুক্তৰ কাৰ্যালয় স্থানান্তৰ কৰাৰ চিন্তাৰ প্ৰতিবাদ জনোৱা আৰু প্ৰস্তাৱিত বিজ্ঞান যাদুঘৰ শিৱসাগৰতে স্থাপনৰ দাবী উত্থাপন কৰা। সভাত শিৱসাগৰৰ বহু সমাজ সচেতন ব্যক্তিয়ে অংশগ্ৰহণ কৰি নিজ নিজ ভাষণত আয়ুক্ত কাৰ্যালয় আৰু প্ৰস্তাৱিত বিজ্ঞান যাদুঘৰ স্থানান্তৰিত কৰিবলৈ লোৱা চিন্তাৰ তীব্ৰ বিৰোধিতা কৰে। দুটা বিষয়ৰ ওপৰত বিস্তৃত আলোচনা অনুষ্ঠিত হোৱাৰ পাছত ৰাজহুৱা সভাই কেইবাটাও গুৰুত্বপূৰ্ণ প্ৰস্তাৱ গ্ৰহণ কৰে। সভাত সৰ্বসন্মত সিদ্ধান্ত লোৱা হয় যে, কোনো কাৰণতে শিৱসাগৰ সমষ্টিৰ পৰা আয়ুক্ত কাৰ্যালয় স্থানান্তৰ কৰিবলৈ দিয়া নহ'ব। ইয়াৰ উপৰিও, শিৱসাগৰত স্থাপন হ'বলগীয়া বিজ্ঞান যাদুঘৰ যাতে শিৱসাগৰ সমষ্টিৰ পৰা আন ঠাইলৈ স্থানান্তৰ নকৰে, তাৰ বাবে বিধায়ক মহোদয়ক বিহিত ব্যৱস্থা গ্ৰহণ কৰিবলৈ এখন পত্ৰ প্ৰেৰণ কৰাৰ সিদ্ধান্তও সভাত গ্ৰহণ কৰা হয়।