112 वर फोन करून एका महिलेचे प्राण वाचवले, पोलिसांनी तत्परतेने प्रतिसाद दिल्यामुळे दुर्घटना टळली डायल 112 वर मिळालेल्या फोनला तत्काळ प्रतिसाद; महिलेचे प्राण वाचले. लातूर (प्रतिनिधी) कौटुंबिक वादातून टोकाचे पाऊल उचलण्याच्या मनःस्थितीत असलेल्या एका महिलेचे प्राण डायल 112 वर मिळालेल्या फोनमुळे पोलिसांच्या तत्पर कारवाईने वाचले. पोलिसांनी तातडीने घटनास्थळी धाव घेत संबंधित महिलेला सुरक्षित ताब्यात घेत तिचे समुपदेशन करून तिच्या नातेवाईकांच्या ताब्यात दिले. संबंधित महिला कौटुंबिक कारणावरून झालेल्या वादामुळे बनशेळकी धरण परिसरात आत्महत्या करण्याचा प्रयत्न करीत असल्याची माहिती डायल 112 वर प्राप्त झाली. माहिती मिळताच पोलीस ठाणे उदगीर ग्रामीण येथील कर्तव्यावरील पोलीस अंमलदार फारूख शेख यांनी कोणताही विलंब न करता घटनास्थळी धाव घेतली. त्यावेळी सदर महिला टोकाचे पाऊल उचलण्याच्या तयारीत असल्याचे निदर्शनास आले. पोलिसांनी तातडीने तिला सुरक्षित ताब्यात घेतले. घटनेची माहिती मिळाल्यानंतर महिलेचे पती व भाऊ घटनास्थळी दाखल झाले. त्यानंतर महिलेला पोलीस ठाण्यात आणून तिचे समुपदेशन करण्यात आले. कौटुंबिक परिस्थिती, मानसिक तणाव आणि निर्माण झालेल्या गैरसमजुतींबाबत तिच्याशी संवाद साधत आत्महत्येसारखे टोकाचे पाऊल न उचलण्या बाबत समज देण्यात आली. सदर महिला गेल्या काही दिवसांपासून आजारी होती. प्रकृती अस्वस्थ असतानाही पतीने तिची विचारपूस केली नसल्याच्या कारणावरून तिला राग आला होता. त्यातून भावनिक होऊन तिने टोकाचे पाऊल उचलण्याचा प्रयत्न केला असल्याचे तिच्या सविस्तर जबाबातून समोर आले. पोलिसांनी तिचा सविस्तर जबाब नोंदवून आवश्यक ती कार्यवाही केली आणि अखेर तिला तिच्या भावाच्या सुरक्षित ताब्यात देण्यात आले. पोलीस अधीक्षक अमोल तांबे यांच्या सूचनांची प्रभावी अंमलबजावणी. पोलीस अधीक्षक अमोल तांबे यांनी डायल 112 वर मदतीसाठी प्राप्त होणाऱ्या प्रत्येक फोन कॉलची गांभीर्याने दखल घेऊन त्याची शहानिशा करण्याच्या सूचना सर्व पोलीस ठाण्यांचे प्रभारी अधिकारी तसेच डायल 112 ड्युटीवरील अधिकारी व अंमलदारांना दिल्या आहेत. केवळ फोनवर माहिती घेऊन थांबण्याऐवजी प्रत्यक्ष घटनास्थळी पोहोचून परिस्थितीची माहिती घेणे, आवश्यक ती मदत करणे, प्रकरणाचा पाठपुरावा करणे आणि त्याची योग्य पद्धतीने निर्गती करणे, यावर त्यांनी विशेष भर दिला आहे. याच सूचनांची प्रभावी अंमलबजावणी करत डायल 112 वर प्राप्त झालेल्या माहितीवर कर्तव्यावरील पोलीस अंमलदाराने तातडीने घटनास्थळी पोहोचून परिस्थिती हाताळली. पोलिसांच्या या तत्पर प्रतिसादामुळे एका महिलेचे अमूल्य प्राण वाचले, हे पुन्हा एकदा अधोरेखित झाले आहे. डायल 112 ही केवळ आपत्कालीन मदतीची सेवा नसून, संकटाच्या प्रसंगी नागरिकांच्या मदतीला धावून जाणारी विश्वासाची यंत्रणा आहे. नागरिकांनी कोणत्याही व्यक्तीच्या जीवितास धोका असल्याचे निदर्शनास आल्यास तात्काळ डायल 112 वर माहिती द्यावी, असे आवाहन लातूर जिल्हा पोलिसांकडून करण्यात आले आहे.

Laxman Ugile

उदगीर, लातूर, महाराष्ट्र•

1 day ago

112 वर फोन करून एका महिलेचे प्राण वाचवले, पोलिसांनी तत्परतेने प्रतिसाद दिल्यामुळे दुर्घटना टळली डायल 112 वर मिळालेल्या फोनला तत्काळ प्रतिसाद; महिलेचे प्राण वाचले. लातूर (प्रतिनिधी) कौटुंबिक वादातून टोकाचे पाऊल उचलण्याच्या मनःस्थितीत असलेल्या एका महिलेचे प्राण डायल 112 वर मिळालेल्या फोनमुळे पोलिसांच्या तत्पर कारवाईने वाचले. पोलिसांनी तातडीने घटनास्थळी धाव घेत संबंधित महिलेला सुरक्षित ताब्यात घेत तिचे समुपदेशन करून तिच्या नातेवाईकांच्या ताब्यात दिले. संबंधित महिला कौटुंबिक कारणावरून झालेल्या वादामुळे बनशेळकी धरण परिसरात आत्महत्या करण्याचा प्रयत्न करीत असल्याची माहिती डायल 112 वर प्राप्त झाली. माहिती मिळताच पोलीस ठाणे उदगीर ग्रामीण येथील कर्तव्यावरील पोलीस अंमलदार फारूख शेख यांनी कोणताही विलंब न करता घटनास्थळी धाव घेतली. त्यावेळी सदर महिला टोकाचे पाऊल उचलण्याच्या तयारीत असल्याचे निदर्शनास आले. पोलिसांनी तातडीने तिला सुरक्षित ताब्यात घेतले. घटनेची माहिती मिळाल्यानंतर महिलेचे पती व भाऊ घटनास्थळी दाखल झाले. त्यानंतर महिलेला पोलीस ठाण्यात आणून तिचे समुपदेशन करण्यात आले. कौटुंबिक परिस्थिती, मानसिक तणाव आणि निर्माण झालेल्या गैरसमजुतींबाबत तिच्याशी संवाद साधत आत्महत्येसारखे टोकाचे पाऊल न उचलण्या बाबत समज देण्यात आली. सदर महिला गेल्या काही दिवसांपासून आजारी होती. प्रकृती अस्वस्थ असतानाही पतीने तिची विचारपूस केली नसल्याच्या कारणावरून तिला राग आला होता. त्यातून भावनिक होऊन तिने टोकाचे पाऊल उचलण्याचा प्रयत्न केला असल्याचे तिच्या सविस्तर जबाबातून समोर आले. पोलिसांनी तिचा सविस्तर जबाब नोंदवून आवश्यक ती कार्यवाही केली आणि अखेर तिला तिच्या भावाच्या सुरक्षित ताब्यात देण्यात आले. पोलीस अधीक्षक अमोल तांबे यांच्या सूचनांची प्रभावी अंमलबजावणी. पोलीस अधीक्षक अमोल तांबे यांनी डायल 112 वर मदतीसाठी प्राप्त होणाऱ्या प्रत्येक फोन कॉलची गांभीर्याने दखल घेऊन त्याची शहानिशा करण्याच्या सूचना सर्व पोलीस ठाण्यांचे प्रभारी अधिकारी तसेच डायल 112 ड्युटीवरील अधिकारी व अंमलदारांना दिल्या आहेत. केवळ फोनवर माहिती घेऊन थांबण्याऐवजी प्रत्यक्ष घटनास्थळी पोहोचून परिस्थितीची माहिती घेणे, आवश्यक ती मदत करणे, प्रकरणाचा पाठपुरावा करणे आणि त्याची योग्य पद्धतीने निर्गती करणे, यावर त्यांनी विशेष भर दिला आहे. याच सूचनांची प्रभावी अंमलबजावणी करत डायल 112 वर प्राप्त झालेल्या माहितीवर कर्तव्यावरील पोलीस अंमलदाराने तातडीने घटनास्थळी पोहोचून परिस्थिती हाताळली. पोलिसांच्या या तत्पर प्रतिसादामुळे एका महिलेचे अमूल्य प्राण वाचले, हे पुन्हा एकदा अधोरेखित झाले आहे. डायल 112 ही केवळ आपत्कालीन मदतीची सेवा नसून, संकटाच्या प्रसंगी नागरिकांच्या मदतीला धावून जाणारी विश्वासाची यंत्रणा आहे. नागरिकांनी कोणत्याही व्यक्तीच्या जीवितास धोका असल्याचे निदर्शनास आल्यास तात्काळ डायल 112 वर माहिती द्यावी, असे आवाहन लातूर जिल्हा पोलिसांकडून करण्यात आले आहे.