पुणे शहर पोलिसांच्या गुन्हे शाखेअंतर्गत असलेल्या खंडणी विरोधी पथक-२ ने एका मोठ्या कारवाईत सोशल मीडियावरून अग्निशस्त्रांची खरेदी-विक्री करणाऱ्या आणि गुन्हेगारीचे उदात्तीकरण करणाऱ्या एका सराईत गुन्हेगाराला लातूर येथून अटक केली आहे. या कारवाईदरम्यान पोलिसांनी एकूण १,९८,५०० रुपये किमतीचे ५ गावठी पिस्टल आणि ७ जिवंत काडतुसे जप्त केली आहेत. अटक करण्यात आलेल्या आरोपीचे नाव शेख अहमद उर्फ बबलु सुरज सय्यद (वय २० वर्षे, रा. अप्पर इंदिरानगर, बिबवेवाडी, पुणे) असे आहे. हा आरोपी पुणे शहरातील पर्वती पोलीस स्टेशन (गु.र.नं. ८१/२०२६ आर्म अॅक्ट ३ (२५)), खडक पोलीस स्टेशन (गु.र.नं. १७१/२०२६ भा.न्या.सं. कलम १०९) आणि वाघोली पोलीस स्टेशन (गु.र.नं. १७४/२०२६ आर्म अॅक्ट ३ (२५)) येथील विविध गुन्ह्यांमध्ये पाहिजे होता. खंडणीविरोधी पथक-२ आरोपीचा शोध घेत असताना, तो लातूर येथे असल्याची खात्रीशीर माहिती पथकाला मिळाली. या माहितीची शहानिशा करून वरिष्ठ अधिकाऱ्यांच्या सूचनेनुसार एक विशेष टीम लातूर येथे पाठवण्यात आली. पथकाने लातूरमधून आरोपी शेख अहमद उर्फ बबलु याला ताब्यात घेऊन पुण्यात आणले. आरोपीकडे केलेल्या अधिक तपासात धक्कादायक माहिती समोर आली. हा आरोपी सोशल मीडियावर गावठी पिस्टलसोबत स्वतःचे फोटो काढून ते प्रसारित करत असे आणि पिस्टल व काडतुसांच्या खरेदी-विक्रीसाठी 'इन्स्टाफोन' (इन्स्टाग्राम) वरून संपर्क साधत होता, ज्यामुळे गुन्हेगारीचे उदात्तीकरण होत होते. आरोपी स्वतः मध्यप्रदेशातील उमरठी गावातील अग्निशस्त्र विक्रेत्यांच्या संपर्कात होता. तो आपल्या ओळखीच्या लोकांना मध्यप्रदेशात पाठवून आणि स्वतः मध्यस्थी करून गावठी पिस्टल खरेदी करत होता. या कारवाईनंतर खंडणी विरोधी पथकाने वाघोली पोलीस स्टेशनच्या हद्दीत २ गुन्हे आणि येवलेवाडी पोलीस स्टेशन येथे १ गुन्हा दाखल केला आहे. आरोपीकडून एकूण ०५ पिस्टल आणि ०७ जिवंत काडतुसे असा ₹१,९८,५०० किमतीचा मुद्देमाल जप्त करण्यात आला आहे. पुणे शहर पोलिसांच्या वरिष्ठ अधिकाऱ्यांच्या मार्गदर्शनाखाली ही यशस्वी कामगिरी पार पडली. यामध्ये पोलीस आयुक्त श्री. अमितेशकुमार, पोलीस सह आयुक्त श्री. संजय दराडे, अपर पोलीस आयुक्त श्रीमती तेजस्वीनी सातपुते, पोलीस उप-आयुक्त, गुन्हे श्री. गौहर हसन आणि सहा. पोलीस आयुक्त, गुन्हे-२ श्री. राजेंद्र मुळीक यांचे मार्गदर्शन लाभले. पोलीस निरीक्षक श्री. राम राजमाने यांच्या नेतृत्वाखालील खंडणी विरोधी पथक-२ मधील सुरेंद्र जगदाळे, कानिफनाथ कारखेले, पवन भोसले, आझाद पाटील, प्रशांत शिंदे, विनोद महाजन, संजय आढारी, अनिल कुसाळकर, प्रदिप परीट, सुजित वाघमारे, गणेश खरात, नितीन मुंढे, चेतन आपटे, किरण पड्याळ, अजिनाथ येडे, दिलीप गोरे, साहील शेख, रविंद्र रोकडे, शेखर खराडे, अमोल घावटे आणि अमोल राऊत या पोलीस अंमलदारांनी ही कारवाई केली.

क्राईम महाराष्ट्र लाईव्ह न्यूज

Voice of people हवेली, पुणे, महाराष्ट्र•

13 hrs ago

पुणे शहर पोलिसांच्या गुन्हे शाखेअंतर्गत असलेल्या खंडणी विरोधी पथक-२ ने एका मोठ्या कारवाईत सोशल मीडियावरून अग्निशस्त्रांची खरेदी-विक्री करणाऱ्या आणि गुन्हेगारीचे उदात्तीकरण करणाऱ्या एका सराईत गुन्हेगाराला लातूर येथून अटक केली आहे. या कारवाईदरम्यान पोलिसांनी एकूण १,९८,५०० रुपये किमतीचे ५ गावठी पिस्टल आणि ७ जिवंत काडतुसे जप्त केली आहेत. अटक करण्यात आलेल्या आरोपीचे नाव शेख अहमद उर्फ बबलु सुरज सय्यद (वय २० वर्षे, रा. अप्पर इंदिरानगर, बिबवेवाडी, पुणे) असे आहे. हा आरोपी पुणे शहरातील पर्वती पोलीस स्टेशन (गु.र.नं. ८१/२०२६ आर्म अॅक्ट ३ (२५)), खडक पोलीस स्टेशन (गु.र.नं. १७१/२०२६ भा.न्या.सं. कलम १०९) आणि वाघोली पोलीस स्टेशन (गु.र.नं. १७४/२०२६ आर्म अॅक्ट ३ (२५)) येथील विविध गुन्ह्यांमध्ये पाहिजे होता. खंडणीविरोधी पथक-२ आरोपीचा शोध घेत असताना, तो लातूर येथे असल्याची खात्रीशीर माहिती पथकाला मिळाली. या माहितीची शहानिशा करून वरिष्ठ अधिकाऱ्यांच्या सूचनेनुसार एक विशेष टीम लातूर येथे पाठवण्यात आली. पथकाने लातूरमधून आरोपी शेख अहमद उर्फ बबलु याला ताब्यात घेऊन पुण्यात आणले. आरोपीकडे केलेल्या अधिक तपासात धक्कादायक माहिती समोर आली. हा आरोपी सोशल मीडियावर गावठी पिस्टलसोबत स्वतःचे फोटो काढून ते प्रसारित करत असे आणि पिस्टल व काडतुसांच्या खरेदी-विक्रीसाठी 'इन्स्टाफोन' (इन्स्टाग्राम) वरून संपर्क साधत होता, ज्यामुळे गुन्हेगारीचे उदात्तीकरण होत होते. आरोपी स्वतः मध्यप्रदेशातील उमरठी गावातील अग्निशस्त्र विक्रेत्यांच्या संपर्कात होता. तो आपल्या ओळखीच्या लोकांना मध्यप्रदेशात पाठवून आणि स्वतः मध्यस्थी करून गावठी पिस्टल खरेदी करत होता. या कारवाईनंतर खंडणी विरोधी पथकाने वाघोली पोलीस स्टेशनच्या हद्दीत २ गुन्हे आणि येवलेवाडी पोलीस स्टेशन येथे १ गुन्हा दाखल केला आहे. आरोपीकडून एकूण ०५ पिस्टल आणि ०७ जिवंत काडतुसे असा ₹१,९८,५०० किमतीचा मुद्देमाल जप्त करण्यात आला आहे. पुणे शहर पोलिसांच्या वरिष्ठ अधिकाऱ्यांच्या मार्गदर्शनाखाली ही यशस्वी कामगिरी पार पडली. यामध्ये पोलीस आयुक्त श्री. अमितेशकुमार, पोलीस सह आयुक्त श्री. संजय दराडे, अपर पोलीस आयुक्त श्रीमती तेजस्वीनी सातपुते, पोलीस उप-आयुक्त, गुन्हे श्री. गौहर हसन आणि सहा. पोलीस आयुक्त, गुन्हे-२ श्री. राजेंद्र मुळीक यांचे मार्गदर्शन लाभले. पोलीस निरीक्षक श्री. राम राजमाने यांच्या नेतृत्वाखालील खंडणी विरोधी पथक-२ मधील सुरेंद्र जगदाळे, कानिफनाथ कारखेले, पवन भोसले, आझाद पाटील, प्रशांत शिंदे, विनोद महाजन, संजय आढारी, अनिल कुसाळकर, प्रदिप परीट, सुजित वाघमारे, गणेश खरात, नितीन मुंढे, चेतन आपटे, किरण पड्याळ, अजिनाथ येडे, दिलीप गोरे, साहील शेख, रविंद्र रोकडे, शेखर खराडे, अमोल घावटे आणि अमोल राऊत या पोलीस अंमलदारांनी ही कारवाई केली.