ଜୀବନରେ ବୟସ ବଢ଼ିବା ସହିତ ଅନେକ ସମୟରେ ଉତ୍ସାହ କମିଯାଏ, କିନ୍ତୁ ଏ କ୍ଷେତ୍ରରେ ବୟସ ବୃଦ୍ଧି ସତ୍ତ୍ୱେ ଉତ୍ସାହରେ କୌଣସି ହ୍ରାସ ଘଟିନାହିଁ।

କୋରାପୁଟ ଜିଲ୍ଲା ପ୍ରଶାସନର ସୁରକ୍ଷା ବଳୟରେ NEET ପରୀକ୍ଷା ସମ୍ପନ୍ନ ହୋଇଛି। ଏହି ପରୀକ୍ଷାରେ କୋଟପାଡ଼ରୁ ମୋଟ ୫ ଜଣ ପରୀକ୍ଷାର୍ଥୀ ଅଂଶଗ୍ରହଣ କରିଥିଲେ। ପରୀକ୍ଷାର୍ଥୀମାନଙ୍କୁ ସୁବିଧା ଯୋଗାଇବା ପାଇଁ ପ୍ରଶାସନ ପକ୍ଷରୁ ମାଗଣା ବସ ସେବା ମଧ୍ୟ ଯୋଗାଇ ଦିଆଯାଇଥିଲା।

ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିରନ୍ତର ପ୍ରୟାସ ଯୋଗୁଁ ଜୁନ୍ ୨୧କୁ ଜାତିସଂଘ ସାଧାରଣ ସଭା ଅନ୍ତର୍ଜାତୀୟ ଯୋଗ ଦିବସ ଭାବେ ଘୋଷଣା କରିଥିଲା, ଯାହା ସେହି ଦିନଠାରୁ ବିଶ୍ୱବ୍ୟାପୀ ପାଳିତ ହୋଇଆସୁଛି। ଏହି ଅବସରରେ, ୨୧ ଜୁନ୍ ୨୬ ରେ ନବରଙ୍ଗପୁର ଜିଲ୍ଲାର କୋଷାଗୁମୁଡ଼ା ଠାରେ ଏହି ଦିବସ ପାଳନ କରାଯାଇଛି। କୋଷାଗୁମୁଡ଼ା ବ୍ଲକ କାର୍ଯ୍ୟାଳୟ ପ୍ରାଙ୍ଗଣରେ ଗୋଷ୍ଠୀ ଉନ୍ନୟନ ଅଧିକାରୀ (ବିଡିଓ) ଆଶିଷ ତ୍ରିପାଠୀଙ୍କ ନେତୃତ୍ୱରେ ବ୍ଲକ ପ୍ରଶାସନ, ରାଜନେତା, ସ୍କୁଲ ଛାତ୍ରଛାତ୍ରୀ ଏବଂ ସ୍ଥାନୀୟ ବାସିନ୍ଦା ମିଳିତ ଭାବେ ଏହି ଯୋଗଦିବସ ପାଳନ କରିଥିଲେ। ସମସ୍ତେ ଏକ ମନ ଓ ଏକ ଧ୍ୟାନରେ ଯୋଗାଭ୍ୟାସ କରିବା ସହ ଜିଲ୍ଲା ବିଜେପି ସଭାପତି କୁଞ୍ଜ ବିହାରୀ ଦାସ ଏବଂ ଯୋଗ ଗୁରୁ ସିମାଞ୍ଚଳ ବିଶୋଇଙ୍କ ଉପସ୍ଥିତିରେ ପ୍ରତିଦିନ ଯୋଗ କରିବା ପାଇଁ ଶପଥ ପାଠ କରିଥିଲେ। କାର୍ଯ୍ୟକ୍ରମ ଶେଷରେ ସମସ୍ତଙ୍କୁ ଗଜାମୁଗ ଓ ଚଣା ପ୍ରଦାନ କରାଯାଇଥିଲା। ଭାରତୀୟ ପରମ୍ପରାର ଏକ ଅମୂଲ୍ୟ ଉପହାର ହେଉଛି ଯୋଗ, ଯାହା ଶାରୀରିକ ଓ ମାନସିକ ସୁସ୍ଥତା ବୃଦ୍ଧି ପାଇଁ ଅନ୍ୟତମ ବିଶ୍ୱାସଯୋଗ୍ୟ ମାଧ୍ୟମ ଭାବରେ ଉଭା ହୋଇଛି।

ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିରନ୍ତର ପ୍ରୟାସ ଫଳରେ ଜୁନ୍ ୨୧କୁ ଜାତିସଂଘ ସାଧାରଣ ସଭା ଅନ୍ତର୍ଜାତୀୟ ଯୋଗ ଦିବସ ଭାବେ ଘୋଷଣା କରିଥିଲା, ଯାହା ପରଠାରୁ ବିଶ୍ୱ ଏହି ଦିବସ ପାଳନ କରୁଛି। ଏହି ଅବସରରେ, ନବରଙ୍ଗପୁର ଜିଲ୍ଲାର କୋଷାଗୁମୁଡ଼ା ଠାରେ ଆନ୍ତର୍ଜାତୀୟ ଯୋଗ ଦିବସ ପାଳନ କରାଯାଇଛି। ଏହି କାର୍ଯ୍ୟକ୍ରମ ଗୋଷ୍ଠୀ ଉନ୍ନୟନ ଅଧିକାରୀ (ବିଡ଼ିଓ) ଆଶିଷ ତ୍ରିପାଠୀଙ୍କ ନେତୃତ୍ୱରେ ଆୟୋଜିତ ହୋଇଥିଲା। ଏଥିରେ ବ୍ଲକ ପ୍ରଶାସନର କର୍ମଚାରୀ, ରାଜନେତା, ବିଭିନ୍ନ ସ୍କୁଲର ଛାତ୍ରଛାତ୍ରୀ ଏବଂ ସ୍ଥାନୀୟ ବାସିନ୍ଦା ମିଳିତ ଭାବେ ଅଂଶଗ୍ରହଣ କରିଥିଲେ। ଜିଲ୍ଲା ବିଜେପି ସଭାପତି କୁଞ୍ଜ ବିହାରୀ ଦାସ ଏବଂ ସିମାଞ୍ଚଳ ବିଶୋଇ ଯୋଗ ଗୁରୁ ଭାବେ ଉପସ୍ଥିତ ଥିଲେ। ଯୋଗ ଗୁରୁ ସିମାଞ୍ଚଳ ବିଶୋଇ ସମସ୍ତ ଅଂଶଗ୍ରହଣକାରୀଙ୍କୁ ଯୋଗ ଶିକ୍ଷା ଦେବା ସହିତ ପ୍ରତିଦିନ ଯୋଗ କରିବା ପାଇଁ ଶପଥ ପାଠ କରାଇଥିଲେ। ଓଡିଶା ସରକାରଙ୍କ ନିର୍ଦ୍ଦେଶକ୍ରମେ କୋଷାଗୁମୁଡ଼ା ବିଡ଼ିଓଙ୍କ ନେତୃତ୍ୱରେ ଏହି ଆନ୍ତର୍ଜାତୀୟ ଯୋଗ ଦିବସ କୋଷାଗୁମୁଡ଼ା ଠାରେ ସଫଳତାର ସହ ପାଳିତ ହୋଇଛି।

ଦେଖନ୍ତୁ 🙏🙏🙏

ଓଡ଼ିଶା କ୍ରୀଡ଼ା ଜଗତ ପାଇଁ ଏକ ଅପୂରଣୀୟ କ୍ଷତି। ମାଲକାନଗିରି ମାଟିର ଗର୍ବ, ଦେଶର ପ୍ରଖ୍ୟାତ ତୀରନ୍ଦାଜ ତଥା ଦକ୍ଷ ପ୍ରଶିକ୍ଷକ ରାଜେଶ ହାସଦାକ୍‌ଙ୍କର ଗତ ଜୁନ୍ ୨୦, ୨୦୨୬ରେ ପରଲୋକ ହୋଇଯାଇଛି। ସନ୍ଥାଳ ଜନଜାତିରୁ ଆସିଥିବା ରାଜେଶ ନିଜ କଠିନ ପରିଶ୍ରମ ଓ ସଂଘର୍ଷ ବଳରେ ଆନ୍ତର୍ଜାତିକ ସ୍ତରରେ ଦେଶ ଓ ରାଜ୍ୟ ପାଇଁ ଗୌରବ ଆଣିଥିଲେ। ତାଙ୍କ ବିୟୋଗରେ ସମଗ୍ର କ୍ରୀଡ଼ା ଜଗତରେ ଶୋକର ଛାୟା ଖେଳିଯାଇଛି। ତାଙ୍କ ମରଶରୀର ମାଲକାନଗିରି ସ୍ଥିତ ଏମଭି-୨ ଗ୍ରାମରେ ପହଞ୍ଚିବା ପରେ ସେଠାରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ଶହ ଶହ ସ୍ଥାନୀୟ ବାସିନ୍ଦା, କ୍ରୀଡ଼ାବିତ୍ ଏବଂ ଗୁଣଗ୍ରାହୀ ତାଙ୍କର ଶେଷ ଦର୍ଶନ କରିବା ସହ ଅଶ୍ରୁଳ ବିଦାୟ ଜଣାଇଛନ୍ତି। ରାଜେଶ ହାସଦାକ୍ ନିଜ ଖେଳ ଜୀବନରେ ଅନେକ ସଫଳତାର ଶୀର୍ଷ ଛୁଇଁଥିଲେ। ୧୯୯୮ ମସିହାରେ ବ୍ୟାଙ୍କକକ୍‌ଠାରେ ଅନୁଷ୍ଠିତ ଏସିଆନ୍ ଗେମ୍ସରେ ସେ ଭାରତୀୟ ଦଳର ପ୍ରତିନିଧିତ୍ୱ କରି ଓଡ଼ିଶା ପାଇଁ ଗୌରବ ଆଣିଥିଲେ। ଏହା ସହିତ, ୨୦୦୨ରେ ଚୀନ୍‌ଠାରେ ଅନୁଷ୍ଠିତ ସେକେଣ୍ଡ ଏସିଆନ ଗ୍ରାଣ୍ଡ ପ୍ରିକ୍ସରେ ସେ ଷଷ୍ଠ ସ୍ଥାନ ହାସଲ କରିଥିଲେ। ସେ ନିଜର କ୍ରୀଡ଼ା କ୍ୟାରିୟର ମଧ୍ୟରେ ବିଭିନ୍ନ ଜାତୀୟ ଓ ଆନ୍ତର୍ଜାତିକ ପ୍ରତିଯୋଗିତାରେ ୧୩ଟି ସ୍ୱର୍ଣ୍ଣ, ୧୧ଟି ରୌପ୍ୟ ଏବଂ ୩ଟି ବ୍ରୋଞ୍ଜ ପଦକ ଜିତି ରାଜ୍ୟର ସୁନାମ ବଢ଼ାଇଥିଲେ। ଆହତ ସମସ୍ୟା ଯୋଗୁଁ ଖେଳରୁ ଅବସର ନେବା ପରେ ମଧ୍ୟ ସେ ଧନୁର୍ବିଦ୍ୟାକୁ ପ୍ରାଣ ଭରି ଭଲ ପାଉଥିଲେ। ସେ ଭୁବନେଶ୍ୱରସ୍ଥିତ ପ୍ରତିଷ୍ଠିତ କିସ୍ ଅନୁଷ୍ଠାନ ଏବଂ ଓଡ଼ିଶା ଆର୍ଚେରୀ ଦଳର ମୁଖ୍ୟ କୋଚ୍ ଭାବେ ଦାୟିତ୍ୱ ତୁଲାଇଥିଲେ। ନିଜ ଗୁରୁତ୍ୱପୂର୍ଣ୍ଣ ପ୍ରଶିକ୍ଷଣ ମାଧ୍ୟମରେ ସେ ୪୦ରୁ ଅଧିକ ଜାତୀୟ ଓ ଆନ୍ତର୍ଜାତିକ ସ୍ତରର ତୀରନ୍ଦାଜ ଗଢ଼ି ଓଡ଼ିଶାର କ୍ରୀଡ଼ା ଭିତ୍ତିଭୂମିକୁ ସୁଦୃଢ଼ କରିଥିଲେ। କ୍ରୀଡ଼ା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ଏକଲବ୍ୟ ପ୍ରଶସ୍ତି ପତ୍ର, ନାଲ୍‌କୋ ସ୍ପୋର୍ଟସ ଆୱାର୍ଡ, ଅଶୋକ ପଟ୍ଟନାୟକ ମେମୋରିଆଲ ସ୍ପୋର୍ଟସ ଆୱାର୍ଡ ଶ୍ରେଷ୍ଠ କୋଚ୍, ଏବଂ ଦକ୍ଷିଣ ଓଡ଼ିଶା ଉନ୍ନୟନ ପରିଷଦ ସମ୍ମାନରେ ସମ୍ମାନିତ କରାଯାଇଥିଲା। ସେ କେବଳ ଜଣେ ଖେଳାଳି ନଥିଲେ, ବରଂ ଜନଜାତି ସମୁଦାୟ ଓ ସମଗ୍ର ଓଡ଼ିଶାର ଯୁବପିଢ଼ିଙ୍କ ପାଇଁ ଜଣେ ଆଦର୍ଶ ଏବଂ ପ୍ରେରଣାର ଉତ୍ସ ସାଜିଥିଲେ। ଓଡ଼ିଶାରେ ତୀରନ୍ଦାଜୀ ଖେଳର ଉନ୍ନତି ଓ ବିକାଶ ପାଇଁ ତାଙ୍କର ତ୍ୟାଗ, ନିଷ୍ଠା ଏବଂ ଅବଦାନ ସଦା ସର୍ବଦା ସ୍ମରଣୀୟ ରହିବ। ତାଙ୍କର ଏହି ଅକାଳ ବିୟୋଗରେ ବିଭିନ୍ନ ମହଲରୁ ଗଭୀର ଶୋକ ପ୍ରକାଶ କରାଯାଇଛି।

ନବରଙ୍ଗପୁର ଜିଲ୍ଲାର ଝରିଗାଁ ବ୍ଲକ ଅନ୍ତର୍ଗତ ଚକଳାପଦର ପଞ୍ଚାୟତର ହରଡାପଡା ଗ୍ରାମରେ ପ୍ରବଳ ବର୍ଷା ଯୋଗୁଁ ଏକ ଘରର ଟିଣ ଛାତ ସମ୍ପୂର୍ଣ୍ଣ ଭାବେ ଉଡ଼ିଯାଇଥିବା ସୂଚନା ମିଳିଛି।

ଓଡ଼ିଶା ଅମଲା ସଂଘର ପ୍ରତିଷ୍ଠା ଦିବସ ପାଳନ ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି।

କୋଟପାଡ଼ ବିଜ୍ଞାପିତ ଅଞ୍ଚଳ ପରିଷଦ ଏବଂ ପଞ୍ଚାୟତ ସମିତି ପକ୍ଷରୁ ଇଣ୍ଡର ଷ୍ଟାଡିୟମ ଠାରେ ଆନ୍ତର୍ଜାତୀୟ ଯୋଗ ଦିବସ ପାଳନ କରାଯାଇଛି।

ଡାବୁଗାଁ ବନ ବିଭାଗ ପାଟ୍ରି ଜଙ୍ଗଲ ନିକଟରେ ମହାବଳ ବାଘ ଛାଲ ବିକ୍ରି ସମୟରେ ଜଣେ ବ୍ୟକ୍ତିଙ୍କୁ ଗିରଫ କରିବା ସହ ବାଘ ଛାଲ ଜବତ କରିବାରେ ସଫଳ ହୋଇଛି। ବିଶେଷ ସୂତ୍ରରୁ ଖବର ପାଇ ନବରଙ୍ଗପୁର DFO ଉଦୟମାନ ସୁବୁଦ୍ଧିଙ୍କ ନେତୃତ୍ୱରେ ନବରଙ୍ଗପୁର ଏବଂ ଡାବୁଗାଁ ବନ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା। ଏହି ଚଢ଼ାଉ ବେଳେ ତିନି ଜଣ ବ୍ୟବସାୟୀ ୧୦ ଲକ୍ଷ ଟଙ୍କାରେ ବାଘ ଛାଲ ବିକ୍ରି ପାଇଁ ମୂଲଚାଲ କରୁଥିଲେ। ବନ ବିଭାଗର ଚଢ଼ାଉ ସମୟରେ ଦୁଇ ଜଣ ବ୍ୟବସାୟୀ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ଜଣେ ବ୍ୟବସାୟୀଙ୍କୁ ବାଘ ଛାଲ ସହ ଧରାଯାଇଛି। ଗିରଫ ହୋଇଥିବା ବ୍ୟକ୍ତି ଜଣକ ପାଟ୍ରି ଗ୍ରାମ ପଞ୍ଚାୟତର ଖୋଲିଗୁଡ଼ା ଗାଁର ବୋଲି ଜଣାପଡ଼ିଛି। ସେ ତେନ୍ତୁଳିଖୁଣ୍ଟି ବ୍ଲକର ଅମଳଭଟା ଚର୍ଚ୍ଚରେ ଫାଷ୍ଟର ଭାବେ କାର୍ଯ୍ୟ କରୁଥିଲେ। ଏହି ବାଘ ଛାଲଟି ଝାରସୁଗୁଡ଼ା ଜିଲ୍ଲାରୁ ଅଣାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଏହି ରାକେଟରେ ଅନ୍ୟ କେଉଁ ଅଭିଯୁକ୍ତମାନେ ସଂଶ୍ଳିଷ୍ଟ ଅଛନ୍ତି, ତାହାକୁ ନେଇ ପୋଲିସ ପକ୍ଷରୁ ଅନୁସନ୍ଧାନ ଜାରି ରହିଛି। ନବରଙ୍ଗପୁର DFO ଉଦୟମାନ ସୁବୁଦ୍ଧିଙ୍କ ନେତୃତ୍ୱରେ ଏହି ଅପରେସନରେ ନବରଙ୍ଗପୁର ACF ସୁବାସ ଚନ୍ଦ୍ର ଖୁଣ୍ଟିଆ, ଡାବୁଗାଁ ରେଞ୍ଜର ରାମଚନ୍ଦ୍ର ଭତ୍ରା, ଜୋଟାବାଲ ଫରେଷ୍ଟର ପ୍ରଫୁଲ କୁମାର ମାଝୀ, ଫରେଷ୍ଟର ଉମାକାନ୍ତ ପଟ୍ଟନାୟକ, ଫରେଷ୍ଟ ଗାର୍ଡ ଟିମ ଏବଂ ନବରଙ୍ଗପୁର ୱାଇଲ୍ଡ ଲାଇଫ ସ୍କ୍ୱାଡ୍ ସାମିଲ ଥିଲେ।