ছ’চিয়েল মিডিয়াত হজৰত মহম্মদ (ছাঃ)ক লৈ একাংশ ব্যক্তিয়ে কৰা বিৰূপ আৰু বিতৰ্কিত মন্তব্যৰ তীব্ৰ প্ৰতিবাদ জনাইছে সদৌ অসম সংখ্যালঘু ছাত্ৰ ইউনিয়নে (আমছু)। এই কাৰ্যৰ প্ৰতিবাদ জনাই বঙাইগাঁও জিলা আমছুৰ উদ্যোগত জিলাখনৰ ৰাখালডুবি তিনিআলিত এক বিশাল মানৱ শৃংখল কাৰ্যসূচী ৰূপায়ণ কৰা হয়। আমছুৱে অভিযোগ কৰিছে যে, সমাজত সাম্প্ৰদায়িক বিষবাষ্প বিয়পাব বিচৰা এই লোকসকলৰ বিৰুদ্ধে ছাত্ৰ সংগঠনটোৱে ৰাজ্যৰ বিভিন্ন থানাত একাধিক গোচৰ ৰুজু কৰিছে। কিন্তু আশ্চৰ্যজনকভাৱে, আজিকোপতি আৰক্ষী বা প্ৰশাসনে এইসকল লোকৰ বিৰুদ্ধে কোনো ধৰণৰ কঠোৰ আইনী ব্যৱস্থা গ্ৰহণ কৰা নাই। প্ৰশাসনৰ এনে নিষ্ক্ৰিয়তাত সংগঠনটোৱে তীব্ৰ ক্ষোভ প্ৰকাশ কৰিছে। প্ৰশাসনৰ দৃষ্টি আকৰ্ষণ আৰু দোষীক শীঘ্ৰে গ্ৰেপ্তাৰৰ দাবীত আমছুৰ কেন্দ্ৰীয় সমিতিৰ নিৰ্দেশমৰ্মে এই প্ৰতিবাদী কাৰ্যসূচী গ্ৰহণ কৰা হৈছিল। বঙাইগাঁও জিলা সমিতিৰ উদ্যোগত আৰু হাপাছৰা-চৌৰাগুৰী আঞ্চলিক সমিতিৰ সহযোগত ৰাখালডুবি তিনিআলি চকত দিনৰ ১২ বজাৰ পৰা প্ৰায় এঘণ্টা ধৰি এই মানৱ শৃংখল গঢ়ি তোলা হয়, য'ত শতাধিক আমছু নেতা-কৰ্মীয়ে অংশগ্ৰহণ কৰি দোষীক শাস্তি প্ৰদানৰ দাবী জনায়। প্ৰতিবাদী কাৰ্যসূচীৰ অন্তত আমছুৰ প্ৰতিনিধি দলে বঙাইগাঁও জিলা প্ৰশাসনৰ জৰিয়তে ৰাজ্যৰ মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰিছিল, য'ত ধৰ্মীয় আৱেগত আঘাত সানি সমাজৰ শান্তি-শৃংখলা বিঘ্নিত কৰিব বিচৰা অপশক্তিৰ বিৰুদ্ধে চৰকাৰক শীঘ্ৰে কঠোৰ ব্যৱস্থা গ্ৰহণ কৰিবলৈ দাবী জনোৱা হৈছে।

Breaking Bongaigaon

Local News Reporter Bongaigaon (Pt), Assam•

on 11 June

ছ’চিয়েল মিডিয়াত হজৰত মহম্মদ (ছাঃ)ক লৈ একাংশ ব্যক্তিয়ে কৰা বিৰূপ আৰু বিতৰ্কিত মন্তব্যৰ তীব্ৰ প্ৰতিবাদ জনাইছে সদৌ অসম সংখ্যালঘু ছাত্ৰ ইউনিয়নে (আমছু)। এই কাৰ্যৰ প্ৰতিবাদ জনাই বঙাইগাঁও জিলা আমছুৰ উদ্যোগত জিলাখনৰ ৰাখালডুবি তিনিআলিত এক বিশাল মানৱ শৃংখল কাৰ্যসূচী ৰূপায়ণ কৰা হয়। আমছুৱে অভিযোগ কৰিছে যে, সমাজত সাম্প্ৰদায়িক বিষবাষ্প বিয়পাব বিচৰা এই লোকসকলৰ বিৰুদ্ধে ছাত্ৰ সংগঠনটোৱে ৰাজ্যৰ বিভিন্ন থানাত একাধিক গোচৰ ৰুজু কৰিছে। কিন্তু আশ্চৰ্যজনকভাৱে, আজিকোপতি আৰক্ষী বা প্ৰশাসনে এইসকল লোকৰ বিৰুদ্ধে কোনো ধৰণৰ কঠোৰ আইনী ব্যৱস্থা গ্ৰহণ কৰা নাই। প্ৰশাসনৰ এনে নিষ্ক্ৰিয়তাত সংগঠনটোৱে তীব্ৰ ক্ষোভ প্ৰকাশ কৰিছে। প্ৰশাসনৰ দৃষ্টি আকৰ্ষণ আৰু

দোষীক শীঘ্ৰে গ্ৰেপ্তাৰৰ দাবীত আমছুৰ কেন্দ্ৰীয় সমিতিৰ নিৰ্দেশমৰ্মে এই প্ৰতিবাদী কাৰ্যসূচী গ্ৰহণ কৰা হৈছিল। বঙাইগাঁও জিলা সমিতিৰ উদ্যোগত আৰু হাপাছৰা-চৌৰাগুৰী আঞ্চলিক সমিতিৰ সহযোগত ৰাখালডুবি তিনিআলি চকত দিনৰ ১২ বজাৰ পৰা প্ৰায় এঘণ্টা ধৰি এই মানৱ শৃংখল গঢ়ি তোলা হয়, য'ত শতাধিক আমছু নেতা-কৰ্মীয়ে অংশগ্ৰহণ কৰি দোষীক শাস্তি প্ৰদানৰ দাবী জনায়। প্ৰতিবাদী কাৰ্যসূচীৰ অন্তত আমছুৰ প্ৰতিনিধি দলে বঙাইগাঁও জিলা প্ৰশাসনৰ জৰিয়তে ৰাজ্যৰ মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰিছিল, য'ত ধৰ্মীয় আৱেগত আঘাত সানি সমাজৰ শান্তি-শৃংখলা বিঘ্নিত কৰিব বিচৰা অপশক্তিৰ বিৰুদ্ধে চৰকাৰক শীঘ্ৰে কঠোৰ ব্যৱস্থা গ্ৰহণ কৰিবলৈ দাবী জনোৱা হৈছে।