शेगाव येथे संत गजानन महाराजांचे दर्शन घेऊन अकोटच्या दिशेने परतणाऱ्या दोन तरुणांच्या दुचाकीची अंदुराजवळील पानखास पुलानजीक एसटी बसशी समोरासमोर भीषण धडक झाली. रविवारी (२१ ता.) दुपारी सुमारे २ वाजताच्या सुमारास घडलेल्या या अपघातात दुचाकीवरील श्रीकांत पुरुषोत्तम बायस्कार (वय २५) आणि कुणाल राजू भोरे (वय २४, दोघेही रा. गजानन महाराज नगर, अकोट) या दोन तरुणांचा जागीच मृत्यू झाला. एमएच ३० बीई ७९७० क्रमांकाची दुचाकी शेगाव-तेल्हारा-अकोट मार्गावरून जात होती, तर एमएच १४ एमटी ०२५३ क्रमांकाची एसटी बस चांदूर बाजार आगाराची असून, ती चांदूर बाजार येथून छत्रपती संभाजीनगरकडे जात होती. बसचालक राहुल उकर्डे यांनी प्रसंगावधान राखत तातडीने ब्रेक लावल्याने बसमधील १७ प्रवासी सुदैवाने सुरक्षित राहिले, पण दुचाकी सुमारे १०० फूट फरफटत गेल्याने अपघात किती भीषण होता हे स्पष्ट झाले. या अपघातामुळे परिसरात तीव्र संताप व्यक्त होत आहे. प्रत्यक्षदर्शींनी दिलेल्या माहितीनुसार, शेगाव-तेल्हारा-अकोट या मुख्य मार्गावरील रस्त्याच्या मध्यभागी मोठ्या भेगा पडल्या आहेत. या धोकादायक रस्त्यामुळेच दुचाकीवरील चालकाचे नियंत्रण सुटून ती थेट एसटी बसवर आदळल्याचा प्राथमिक अंदाज व्यक्त करण्यात आला आहे. मृत तरुणांच्या नातेवाईकांनीही प्रशासनाच्या दिरंगाईमुळे आणि रस्त्याच्या दुरवस्थेमुळेच या निष्पाप तरुणांचा बळी गेल्याचा आरोप करत घटनास्थळी आक्रमक पवित्रा घेतला. यामुळे काही काळ परिसरात तणावाचे वातावरण निर्माण झाले होते. घटनेची माहिती मिळताच उरळ पोलिस ठाण्याचे ठाणेदार जनार्दन खंडेराव पथकासह घटनास्थळी दाखल झाले. पोलिसांनी नातेवाईकांची समजूत काढल्यानंतर दोन्ही मृतदेह शवविच्छेदनासाठी अकोट येथे पाठवण्यात आले. अकोटमधील गजानन महाराज नगर परिसरात राहणारे हे दोन्ही तरुण एकाच गल्लीतील शेजारी असल्याने त्यांच्या मृत्यूमुळे दोन्ही कुटुंबांवर दुःखाचा डोंगर कोसळला. माता-पित्यांसह नातेवाईकांचा आक्रोश उपस्थितांचे काळीज पिळवटून टाकणारा होता. रविवारी रात्री दोन्ही मृतदेह अकोट येथे आणण्यात आल्यानंतर संपूर्ण परिसरावर शोककळा पसरली असून, उरळ पोलिस या प्रकरणाचा पुढील तपास करत आहेत.

EXPRESS NEWS

Press advisory मिरज, सांगली, महाराष्ट्र•

1 hr ago

शेगाव येथे संत गजानन महाराजांचे दर्शन घेऊन अकोटच्या दिशेने परतणाऱ्या दोन तरुणांच्या दुचाकीची अंदुराजवळील पानखास पुलानजीक एसटी बसशी समोरासमोर भीषण धडक झाली. रविवारी (२१ ता.) दुपारी सुमारे २ वाजताच्या सुमारास घडलेल्या या अपघातात दुचाकीवरील श्रीकांत पुरुषोत्तम बायस्कार (वय २५) आणि कुणाल राजू भोरे (वय २४, दोघेही रा. गजानन महाराज नगर, अकोट) या दोन तरुणांचा जागीच मृत्यू झाला. एमएच ३० बीई ७९७० क्रमांकाची दुचाकी शेगाव-तेल्हारा-अकोट मार्गावरून जात होती, तर एमएच १४ एमटी ०२५३ क्रमांकाची एसटी बस चांदूर बाजार आगाराची असून, ती चांदूर बाजार येथून छत्रपती संभाजीनगरकडे जात होती. बसचालक राहुल उकर्डे यांनी प्रसंगावधान राखत तातडीने ब्रेक लावल्याने बसमधील १७ प्रवासी सुदैवाने सुरक्षित राहिले, पण दुचाकी सुमारे १०० फूट फरफटत गेल्याने अपघात किती भीषण होता हे स्पष्ट झाले. या अपघातामुळे परिसरात तीव्र संताप व्यक्त होत आहे. प्रत्यक्षदर्शींनी दिलेल्या माहितीनुसार, शेगाव-तेल्हारा-अकोट या मुख्य मार्गावरील रस्त्याच्या मध्यभागी मोठ्या भेगा पडल्या आहेत. या धोकादायक रस्त्यामुळेच दुचाकीवरील चालकाचे नियंत्रण सुटून ती थेट एसटी बसवर आदळल्याचा प्राथमिक अंदाज व्यक्त करण्यात आला आहे. मृत तरुणांच्या नातेवाईकांनीही प्रशासनाच्या दिरंगाईमुळे आणि रस्त्याच्या दुरवस्थेमुळेच या निष्पाप तरुणांचा बळी गेल्याचा आरोप करत घटनास्थळी आक्रमक पवित्रा घेतला. यामुळे काही काळ परिसरात तणावाचे वातावरण निर्माण झाले होते. घटनेची माहिती मिळताच उरळ पोलिस ठाण्याचे ठाणेदार जनार्दन खंडेराव पथकासह घटनास्थळी दाखल झाले. पोलिसांनी नातेवाईकांची समजूत काढल्यानंतर दोन्ही मृतदेह शवविच्छेदनासाठी अकोट येथे पाठवण्यात आले. अकोटमधील गजानन महाराज नगर परिसरात राहणारे हे दोन्ही तरुण एकाच गल्लीतील शेजारी असल्याने त्यांच्या मृत्यूमुळे दोन्ही कुटुंबांवर दुःखाचा डोंगर कोसळला. माता-पित्यांसह नातेवाईकांचा आक्रोश उपस्थितांचे काळीज पिळवटून टाकणारा होता. रविवारी रात्री दोन्ही मृतदेह अकोट येथे आणण्यात आल्यानंतर संपूर्ण परिसरावर शोककळा पसरली असून, उरळ पोलिस या प्रकरणाचा पुढील तपास करत आहेत.