মৰিগাঁও জিলাৰ পশ্চিম জালুগুটিৰ লোচনাবড়ীৰ সন্তান মিনহাজ আহমেদে গুজৰাটত অনুষ্ঠিত চতুৰ্থ পাফি ৰাষ্ট্ৰীয় মল্লযুঁজ চেম্পিয়নশ্বিপত ব্ৰঞ্জৰ পদক অৰ্জন কৰি ৰাষ্ট্ৰীয় পৰ্যায়ত জিলিকিছে। সৰ্বভাৰতীয় পৰ্যায়ৰ এই কঠিন প্ৰতিযোগিতাত মিনহাজে দেখুওৱা উৎকৃষ্ট প্ৰদৰ্শনৰ পিছতে এতিয়া সমগ্ৰ অঞ্চলটোত আনন্দৰ জোৱাৰ উঠিছে। এই উদীয়মান ক্ৰীড়াবিদগৰাকীৰ পৰৱৰ্তী লক্ষ্য হৈছে আন্তঃৰাষ্ট্ৰীয় ক্ৰীড়াংগনত সফলতা লাভ কৰা।

নৰেন্দ্ৰ মোডীৰ নেতৃত্বত চলা চৰকাৰৰ ১২ বছৰীয়া 'বিশ্বাস, উন্নয়ন আৰু জনকল্যাণ'ৰ সৈতে সংগতি ৰাখি মৰিগাঁও জিলা পুথিভঁৰালৰ পেক্ষাগৃহত ৰাষ্ট্ৰীয় প্ৰাকৃতিক কৃষি অভিযানৰ এক বিশেষ কৰ্মশালা অনুষ্ঠিত কৰা হয়। এই অনুষ্ঠানটো মৰিগাঁও জিলা প্ৰশাসন, কৃষি বিভাগ, কৃষি বিজ্ঞান কেন্দ্ৰ আৰু মৰিগাঁও জিলাৰ কৃষক মৰ্চাৰ সহযোগত আয়োজন কৰা হৈছিল। মৰিগাঁও জিলা আয়ুক্তা আৰু অন্যান্য উদ্যোগীসকলৰ উপস্থিতিত এই কৰ্মশালাত কৃষকসকলক প্ৰশিক্ষণ দিয়াৰ লগতে আনুষ্ঠানিকভাৱে বীজ বিতৰণ কৰা হয়। ইয়াৰ উপৰিও, কৃষি মন্ত্ৰী পিয়ুষ হাজৰিকাৰ জন্মদিন উপলক্ষে জিলা আয়ুক্তা অনামিকা তিৱাৰীয়ে কেক কাটি জন্মদিনৰ শুভেচ্ছা জনোৱাৰ লগতে 'ফচল বীমা আচঁনি'ৰ শুভাৰম্ভ কৰে।

জাগীৰোড আৰক্ষীয়ে তিনিজন মটৰচাইকেল চোৰক গ্ৰেপ্তাৰ কৰিছে। এক গোপন সূত্ৰৰ ভিত্তিত জাগীৰোড-মৰিগাঁও সংযোগী পথৰ বেলগুৰিৰ পৰা আৰক্ষীয়ে মায়ং পাটেকিবড়ীৰ আজাদ হুছেইন, আজমল শেইখ আৰু আবু হুৰাইৰাক আটক কৰে। এই অভিযানত আৰক্ষীয়ে এখন চোৰাং Yamaha R15 আৰু এখন বাজাজ পালচাৰ মটৰচাইকেল উদ্ধাৰ কৰিবলৈ সক্ষম হৈছে। পোহৰলৈ অহা তথ্য অনুসৰি, চোৰকেইটাই উদ্ধাৰ হোৱা দুয়োখন মটৰচাইকেলৰ নম্বৰ প্লেট খুলি বহিঃৰাজ্যত বিক্ৰী কৰাৰ পৰিকল্পনা কৰিছিল। অৱশ্যে, বৰ্তমানলৈকে উদ্ধাৰ হোৱা মটৰচাইকেল দুখনৰ প্ৰকৃত গৰাকীৰ বিষয়ে কোনো তথ্য লাভ কৰা হোৱা নাই। উল্লেখ্য যে, বিগত প্ৰায় এমাহত এই তিনিজন চোৰেই জাগীৰোডত কেইবাখনো মটৰচাইকেল চুৰি কৰি সন্ত্ৰাসৰ সৃষ্টি কৰি আহিছিল। এই সন্দৰ্ভত জাগীৰোড আৰক্ষী থানাত ভাৰতীয় ন্যায় সংহিতাৰ ৩০৩(২)/৩(৫) ধাৰাৰ অধীনত ১৩৫/২৬ নম্বৰৰ এক গোচৰ ৰুজু কৰা হৈছে আৰু আৰক্ষীয়ে আটক কৰা তিনিওজনকে সোধাপোছা অব্যাহত ৰাখিছে।

কামারঘাট অঞ্চলৰ ৰাইজে তেওঁলোকৰ গাওঁলৈ যোৱা পথৰ দুৰৱস্থাৰ বিষয়ে উদ্বেগ প্ৰকাশ কৰিছে। পথটোৰ নাম কামারঘাট বুলি উল্লেখ কৰি স্থানীয় লোকে জনাইছে যে পথটোৰ অৱস্থা অত্যন্ত শোচনীয়, যাৰ বাবে যাতায়তত অসুবিধা হৈছে। তেওঁলোকে পথটো মেৰামতিৰ বাবে নিজাববীয়াকৈ চেষ্টা কৰিছিল আৰু কিছু মেৰামতি কৰিছিল। কিন্তু, পথটো সম্পূৰ্ণৰূপে মেৰামতি কৰিবলৈ তেওঁলোকৰ হাতত পৰ্যাপ্ত ধন নথকাৰ বাবে বাকী কামখিনি কৰিব পৰা নাই। সেয়েহে, স্থানীয় ৰাইজে চৰকাৰলৈ এই সমস্যাটোৰ প্ৰতি গুৰুত্ব দিবলৈ আৰু পথটো মেৰামতিৰ বাবে সহায় আগবঢ়াবলৈ অনুৰোধ জনাইছে।

চামগুৰি সমষ্টিৰ বিতৰ্কিত কংগ্ৰেছ নেতা নুৰুল আমিন চৌধুৰীৰ বিৰুদ্ধে সাম্প্ৰদায়িক সংঘাত লগোৱাৰ অপচেষ্টা চামগুৰি সমষ্টিৰ বিতৰ্কিত কংগ্ৰেছ নেতা নুৰুল আমিন চৌধুৰীৰ বিৰুদ্ধে সাম্প্ৰদায়িক সংঘাত লগোৱাৰ অপচেষ্টা চলোৱাৰ গুৰুত্বৰ অভিযোগ একাংশ বিজেপি কৰ্মীৰ।

চামগুৰি সমষ্টিৰ বিতৰ্কিত কংগ্ৰেছ নেতা নুৰুল আমিন চৌধুৰীৰ বিৰুদ্ধে সাম্প্ৰদায়িক সংঘাত সৃষ্টিৰ অপচেষ্টা চলোৱাৰ গুৰুতৰ অভিযোগ উত্থাপন কৰিছে একাংশ বিজেপি কৰ্মীয়ে। যোৱা ৩০ মে'ত গড়াজান উন্নয়ন খণ্ডৰ সন্মুখত সৃষ্টি হোৱা উত্তপ্ত পৰিস্থিতিৰ বাবে বিজেপি কৰ্মীসকলে নুৰুল আমিন চৌধুৰীক জগৰীয়া কৰিছে। বিজেপি কৰ্মীসকলে স্পষ্ট কৰিছে যে, "মুছলমান সমষ্টিত হিন্দুৰ কি কাম" বুলি সাম্প্ৰদায়িক মন্তব্য কৰাৰ বাবেই নুৰুল আমিন চৌধুৰীক পহু খেদা দিয়া হৈছিল। গড়াজান আঞ্চলিক পঞ্চায়তৰ সদস্য সিদ্ধাৰ্থ মণ্ডল ওৰফে পন্টিঙক উদ্দেশ্যি কটু মন্তব্য কৰাৰ বাবেই সেইদিনা নুৰুল আমিন চৌধুৰীৰ বিৰুদ্ধে বিজেপিৰ শতাধিক কৰ্মী-সমৰ্থক গৰজি উঠিছিল। এই উত্তপ্ত পৰিস্থিতিৰ বাবেই চামগুৰি সমষ্টিৰ বিধায়ক তানজিল হুছেইনৰ পৰ্যায় আলোচনা সভা বাতিল কৰা হৈছিল।

শোণিতপুৰ জিলাৰ অন্তৰ্গত কেহেৰুখুন্দা পেট্ৰল পাম্পৰ সমীপত এক ঘটনা সংঘটিত হৈছে।

চামগুৰি সমষ্টিৰ বিতৰ্কিত কংগ্ৰেছ নেতা নুৰুল আমিন চৌধুৰীৰ বিৰুদ্ধে সাম্প্ৰদায়িক সংঘাত লগাবলৈ অপচেষ্টা চলোৱাৰ এক গুৰুতৰ অভিযোগ উত্থাপন হৈছে। একাংশ বিজেপি কৰ্মীয়ে তেওঁৰ বিৰুদ্ধে এই গুৰুতৰ অভিযোগ উত্থাপন কৰিছে।

ৰূপহীহাটৰ মাগুৰমাৰীত নিশা এক ভয়ংকৰ পথ দুৰ্ঘটনাত এজন শিশুসহ মুঠ তিনিজন লোক গুৰুতৰভাৱে আঘাতপ্ৰাপ্ত হৈছে। জানিব পৰা মতে, এই দুৰ্ঘটনাত জড়িত লোকসকলক ততাতৈয়াকৈ কাৱৈমাৰী FRU হাস্পতাললৈ লৈ যোৱা হয় যদিও শিশুটিৰ অৱস্থা সংকটজনক হোৱাত উন্নত চিকিৎসাৰ বাবে তেজপুৰলৈ প্ৰেৰণ কৰা হৈছে। ঘটনাটো সংঘটিত হয় যেতিয়া কাৱৈমাৰী অভিমুখি আহি থকা এখন তীব্ৰবেগী মটৰ চাইকেলে পথত খোজকাঢ়ি গৈ থকা এজন শিশুক প্ৰথমে খুন্দা মাৰে। এই খুন্দাৰ পিছত মটৰ চাইকেলখনে নিয়ন্ত্ৰণ হেৰুৱাই লৰিৰমূখ অভিমুখি গৈ থকা এখন নম্বৰ প্লেট বিহীন ই-ৰিক্সাত খুন্দা মাৰে। ফলত, ই-ৰিক্সাখনৰ চালক আৰু এগৰাকী যাত্ৰীও গুৰুতৰভাৱে আঘাতপ্ৰাপ্ত হয়। ঘটনাৰ খবৰ পাই কাৱৈমাৰী আৰক্ষী ঘটনাস্থলীত উপস্থিত হৈ দুৰ্ঘটনাত জড়িত নম্বৰ প্লেট বিহীন ই-ৰিক্সা আৰু মটৰ চাইকেলখন থানালৈ লৈ যায়। বৰ্তমান সমগ্ৰ ঘটনাৰ তদন্ত অব্যাহত আছে।