नागपूरच्या सुरेशभट सभागृहात मंगळवार, १४ जुलै रोजी सायंकाळी ६ वाजता छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य सादर केले जाणार आहे. शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन नागपूरकरांना घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरणामुळे हे महानाट्य प्रेक्षकांना रोमांचकारी अनुभव देणार आहे. छत्रपती शिवाजी महाराजांनी सर्व जाती-धर्मातील लोकांना सोबत घेऊन स्वराज्य कसे स्थापन केले, तसेच न्याय, प्रेम, बंधुता आणि शेतकऱ्यांबद्दलची त्यांची बांधिलकी याचे प्रभावी चित्रण यात करण्यात आले आहे. हे अनोखे महानाट्य संपूर्ण महाराष्ट्रात प्रचंड लोकप्रिय ठरले असून त्याचे विविध शहरांत हाऊसफुल्ल प्रयोग झाले आहेत. याच सोहळ्यात मराठी चित्रपट, दूरदर्शन मालिका आणि रंगभूमीवरील उल्लेखनीय योगदानासह सांस्कृतिक कार्य, संवेदनशील लेखन, सामाजिक विचार आणि प्रभावी प्रबोधनाची दखल घेऊन शिवश्री किरण माने यांना 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान करण्यात येणार आहे. महासम्राट बळीराजा राष्ट्र सेवा संघ, नागपूर यांच्या वतीने दिल्या जाणाऱ्या या पुरस्कारात रोख २५ हजार रुपये आणि सन्मानचिन्ह दिले जाणार आहे. आयोजकांनी नागपूरकरांना या महानाट्याचा लाभ घेण्याचे व सोहळ्यास उपस्थित राहण्याचे आवाहन केले आहे. या संदर्भातील पत्रकार परिषदेला मुख्य आयोजक खेमराज क्षीरसागर, प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.

SATISH BHALERAO

नागपूर (ग्रामीण), नागपूर, महाराष्ट्र•

1 hr ago

नागपूरच्या सुरेशभट सभागृहात मंगळवार, १४ जुलै रोजी सायंकाळी ६ वाजता छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य सादर केले जाणार आहे. शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन नागपूरकरांना घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरणामुळे हे महानाट्य प्रेक्षकांना रोमांचकारी अनुभव देणार आहे. छत्रपती शिवाजी महाराजांनी सर्व जाती-धर्मातील लोकांना सोबत घेऊन स्वराज्य कसे स्थापन केले, तसेच न्याय, प्रेम, बंधुता आणि शेतकऱ्यांबद्दलची त्यांची बांधिलकी याचे प्रभावी चित्रण यात करण्यात आले आहे. हे अनोखे महानाट्य संपूर्ण महाराष्ट्रात प्रचंड लोकप्रिय ठरले असून त्याचे विविध शहरांत हाऊसफुल्ल प्रयोग झाले आहेत. याच सोहळ्यात मराठी चित्रपट, दूरदर्शन मालिका आणि रंगभूमीवरील उल्लेखनीय योगदानासह सांस्कृतिक कार्य, संवेदनशील लेखन, सामाजिक विचार आणि प्रभावी प्रबोधनाची दखल घेऊन शिवश्री किरण माने यांना 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान करण्यात येणार आहे. महासम्राट बळीराजा राष्ट्र सेवा संघ, नागपूर यांच्या वतीने दिल्या जाणाऱ्या या पुरस्कारात रोख २५ हजार रुपये आणि सन्मानचिन्ह दिले जाणार आहे. आयोजकांनी नागपूरकरांना या महानाट्याचा लाभ घेण्याचे व सोहळ्यास उपस्थित राहण्याचे आवाहन केले आहे. या संदर्भातील पत्रकार परिषदेला मुख्य आयोजक खेमराज क्षीरसागर, प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.