ନନ୍ଦପୁର ଉପଖଣ୍ଡ ପୁଲିସକୁ ଏକ ବଡ଼ ସଫଳତା ମିଳିଛି, ଯେଉଁଥିରେ ଛତିଶଗଡ଼ରୁ ଅପହରଣ ହୋଇଥିବା ଜଣେ ସିମେଣ୍ଟ ବ୍ୟବସାୟୀଙ୍କୁ ଉଦ୍ଧାର କରାଯାଇଛି। ଏହି ଘଟଣାରେ ପୁଲିସ ତିନି ଜଣଙ୍କୁ ଅଟକ ରଖି ପଚରାଉଚରା କରୁଥିବାବେଳେ, ଏକ ଗାଡି ସହ ଗୋଟିଏ ବନ୍ଧୁକ ମଧ୍ୟ ଜବତ ହୋଇଛି। ଗତ ରବିବାର ସନ୍ଧ୍ୟାରେ ଜିଲା ଆରକ୍ଷୀ ଅଧୀକ୍ଷକଙ୍କ ନିର୍ଦେଶକ୍ରମେ ନନ୍ଦପୁର ଏସଡିପିଓ ଦେବେନ୍ଦ୍ର ମଲ୍ଲିକଙ୍କ ନେତୃତ୍ବରେ ଏକ ପୁଲିସ ଦଳ ସକ୍ରିୟ ହୋଇଥିଲା। ଏହି ଦଳରେ ନନ୍ଦପୁର ଥାନା ଅଧିକାରୀ ତ୍ରିନାଥ ତୋଟାପାଡ଼ିଆ ଓ ପାଡୁଆ ଥାନା ଅଧିକାରୀ ଟୁନା ପିଡିକା ସାମିଲ ଥିଲେ। ନନ୍ଦପୁର ଓ ପାଡ଼ୁଆ ଥାନା ଅଞ୍ଚଳରେ ହଠାତ୍ ଗାଡି ଯାଞ୍ଚ ଆରମ୍ଭ କରାଯାଇଥିଲା ଏବଂ ନନ୍ଦପୁରରୁ ପାଡ଼ୁଆ ପର୍ଯ୍ୟନ୍ତ ବିଭିନ୍ନ ସ୍ଥାନରେ ନାକାବନ୍ଦୀ କରାଯାଇଥିଲା। ଦୀର୍ଘ ସମୟ ଧରି ଚାଲିଥିବା ଏହି ତଲାସି ଅଭିଯାନ ସମୟରେ, ହାଣ୍ଡିପୁଟ ଛକ ନିକଟରେ 'ପୁଲିସ' ଲେଖାଥିବା ଏକ କଳା ରଙ୍ଗର ଦାମୀ ଗାଡ଼ିକୁ ଅଟକାଇ ଯାଞ୍ଚ କରିବା ପରେ ଏହି ଅପହରଣ ଘଟଣା ସାମ୍ନାକୁ ଆସିଥିଲା। ଅପହରଣକାରୀମାନେ ନିଜକୁ ପୁଲିସ ଅଧିକାରୀ ପରିଚୟ ଦେଇ ଛତିଶଗଡ଼ରୁ ସିମେଣ୍ଟ ବ୍ୟବସାୟୀଙ୍କୁ ୨୦ ଲକ୍ଷ ଟଙ୍କା ଦାବି କରି ଅପହରଣ କରିଥିଲେ। ସେମାନେ ବ୍ୟବସାୟୀଙ୍କୁ ଛତିଶଗଡ଼ରୁ ଓଡ଼ିଶା ଦେଇ ଆନ୍ଧ୍ରପ୍ରଦେଶ ଅଭିମୁଖେ ନେଉଥିବାବେଳେ ନନ୍ଦପୁର ଉପଖଣ୍ଡ ପୁଲିସ ହାତରେ ଧରାପଡ଼ିଛନ୍ତି। ଏହି ଘଟଣା ସମ୍ପର୍କରେ ପୁଲିସ ପକ୍ଷରୁ କୌଣସି ଆନୁଷ୍ଠାନିକ ସୂଚନା ମିଳିପାରି ନଥିବାବେଳେ, ଅଧିକ ତଦନ୍ତ ଜାରି ରହିଛି।

Santosh kumar

Court reporter କୋସାଗୁମୁଡା, ନବରଙ୍ଗପୁର, ଓଡ଼ିଶା•

2 hrs ago

ନନ୍ଦପୁର ଉପଖଣ୍ଡ ପୁଲିସକୁ ଏକ ବଡ଼ ସଫଳତା ମିଳିଛି, ଯେଉଁଥିରେ ଛତିଶଗଡ଼ରୁ ଅପହରଣ ହୋଇଥିବା ଜଣେ ସିମେଣ୍ଟ ବ୍ୟବସାୟୀଙ୍କୁ ଉଦ୍ଧାର କରାଯାଇଛି। ଏହି ଘଟଣାରେ ପୁଲିସ ତିନି ଜଣଙ୍କୁ ଅଟକ ରଖି ପଚରାଉଚରା କରୁଥିବାବେଳେ, ଏକ ଗାଡି ସହ ଗୋଟିଏ ବନ୍ଧୁକ ମଧ୍ୟ ଜବତ ହୋଇଛି। ଗତ ରବିବାର ସନ୍ଧ୍ୟାରେ ଜିଲା ଆରକ୍ଷୀ ଅଧୀକ୍ଷକଙ୍କ ନିର୍ଦେଶକ୍ରମେ ନନ୍ଦପୁର ଏସଡିପିଓ ଦେବେନ୍ଦ୍ର ମଲ୍ଲିକଙ୍କ ନେତୃତ୍ବରେ ଏକ ପୁଲିସ ଦଳ ସକ୍ରିୟ ହୋଇଥିଲା। ଏହି ଦଳରେ ନନ୍ଦପୁର ଥାନା ଅଧିକାରୀ ତ୍ରିନାଥ ତୋଟାପାଡ଼ିଆ ଓ ପାଡୁଆ ଥାନା ଅଧିକାରୀ ଟୁନା ପିଡିକା ସାମିଲ ଥିଲେ। ନନ୍ଦପୁର ଓ ପାଡ଼ୁଆ ଥାନା ଅଞ୍ଚଳରେ ହଠାତ୍ ଗାଡି ଯାଞ୍ଚ ଆରମ୍ଭ କରାଯାଇଥିଲା ଏବଂ ନନ୍ଦପୁରରୁ ପାଡ଼ୁଆ ପର୍ଯ୍ୟନ୍ତ ବିଭିନ୍ନ ସ୍ଥାନରେ ନାକାବନ୍ଦୀ କରାଯାଇଥିଲା। ଦୀର୍ଘ ସମୟ ଧରି ଚାଲିଥିବା ଏହି ତଲାସି ଅଭିଯାନ ସମୟରେ, ହାଣ୍ଡିପୁଟ ଛକ ନିକଟରେ 'ପୁଲିସ' ଲେଖାଥିବା ଏକ କଳା ରଙ୍ଗର ଦାମୀ ଗାଡ଼ିକୁ ଅଟକାଇ ଯାଞ୍ଚ କରିବା ପରେ ଏହି ଅପହରଣ ଘଟଣା ସାମ୍ନାକୁ ଆସିଥିଲା। ଅପହରଣକାରୀମାନେ ନିଜକୁ ପୁଲିସ ଅଧିକାରୀ ପରିଚୟ ଦେଇ ଛତିଶଗଡ଼ରୁ ସିମେଣ୍ଟ ବ୍ୟବସାୟୀଙ୍କୁ ୨୦ ଲକ୍ଷ ଟଙ୍କା ଦାବି କରି ଅପହରଣ କରିଥିଲେ। ସେମାନେ ବ୍ୟବସାୟୀଙ୍କୁ ଛତିଶଗଡ଼ରୁ ଓଡ଼ିଶା ଦେଇ ଆନ୍ଧ୍ରପ୍ରଦେଶ ଅଭିମୁଖେ ନେଉଥିବାବେଳେ ନନ୍ଦପୁର ଉପଖଣ୍ଡ ପୁଲିସ ହାତରେ ଧରାପଡ଼ିଛନ୍ତି। ଏହି ଘଟଣା ସମ୍ପର୍କରେ ପୁଲିସ ପକ୍ଷରୁ କୌଣସି ଆନୁଷ୍ଠାନିକ ସୂଚନା ମିଳିପାରି ନଥିବାବେଳେ, ଅଧିକ ତଦନ୍ତ ଜାରି ରହିଛି।