నంద్యాల జిల్లా ప్రజల వినతులు, ఫిర్యాదులను స్వీకరించి సత్వరం పరిష్కరించేందుకు నిర్వహించే 'ప్రజా సమస్యల పరిష్కార వేదిక' (పీజీఆర్ఎస్) కార్యక్రమం ఈ నెల 13వ తేదీ సోమవారం నాడు కేవలం జిల్లా కేంద్రంలోని కలెక్టరేట్‌లో మాత్రమే జరుగుతుందని జిల్లా కలెక్టర్ జి. రాజకుమారి తెలిపారు. భారత ఎన్నికల సంఘం ఆదేశాల మేరకు జిల్లాలో స్పెషల్ ఇంటెన్సివ్ రివిజన్ (ఎస్‌ఐఆర్-2026) కార్యక్రమం విస్తృత స్థాయిలో కొనసాగుతోంది. ఈ ఎన్నికల విధుల్లో రెవెన్యూ, ఎన్నికల యంత్రాంగానికి చెందిన అధికారులు, సిబ్బంది నిమగ్నమై ఉన్నందున మండల, డివిజన్ స్థాయిలలో ఈ సోమవారం పీజీఆర్ఎస్ కార్యక్రమం నిర్వహించడం లేదని ఆమె స్పష్టం చేశారు. జిల్లా కేంద్రంలోని కలెక్టరేట్‌లో జరిగే పీజీఆర్ఎస్ కార్యక్రమం మాత్రం యథావిధిగా కొనసాగుతుందని కలెక్టర్ పేర్కొన్నారు. జిల్లా స్థాయిలో సమర్పించాల్సిన అర్జీలు, వినతులు, ఫిర్యాదులను ప్రజలు నేరుగా కలెక్టరేట్‌కు వచ్చి సమర్పించవచ్చని తెలిపారు. ప్రజలు ఈ మార్పును గమనించి, ఈ సోమవారం పీజీఆర్ఎస్ కేవలం జిల్లా కేంద్రంలోనే ఉంటుందని గుర్తించి సహకరించాలని కలెక్టర్ జి. రాజకుమారి విజ్ఞప్తి చేశారు.

Naga kanth

బండి ఆత్మకూరు, నంద్యాల, ఆంధ్రప్రదేశ్•

1 hr ago

నంద్యాల జిల్లా ప్రజల వినతులు, ఫిర్యాదులను స్వీకరించి సత్వరం పరిష్కరించేందుకు నిర్వహించే 'ప్రజా సమస్యల పరిష్కార వేదిక' (పీజీఆర్ఎస్) కార్యక్రమం ఈ నెల 13వ తేదీ సోమవారం నాడు కేవలం జిల్లా కేంద్రంలోని కలెక్టరేట్‌లో మాత్రమే జరుగుతుందని జిల్లా కలెక్టర్ జి. రాజకుమారి తెలిపారు. భారత ఎన్నికల సంఘం ఆదేశాల మేరకు జిల్లాలో స్పెషల్ ఇంటెన్సివ్ రివిజన్ (ఎస్‌ఐఆర్-2026) కార్యక్రమం విస్తృత స్థాయిలో కొనసాగుతోంది. ఈ ఎన్నికల విధుల్లో రెవెన్యూ, ఎన్నికల యంత్రాంగానికి చెందిన అధికారులు, సిబ్బంది నిమగ్నమై ఉన్నందున మండల, డివిజన్ స్థాయిలలో ఈ సోమవారం పీజీఆర్ఎస్ కార్యక్రమం నిర్వహించడం లేదని ఆమె స్పష్టం చేశారు. జిల్లా కేంద్రంలోని కలెక్టరేట్‌లో జరిగే పీజీఆర్ఎస్ కార్యక్రమం మాత్రం యథావిధిగా కొనసాగుతుందని కలెక్టర్ పేర్కొన్నారు. జిల్లా స్థాయిలో సమర్పించాల్సిన అర్జీలు, వినతులు, ఫిర్యాదులను ప్రజలు నేరుగా కలెక్టరేట్‌కు వచ్చి సమర్పించవచ్చని తెలిపారు. ప్రజలు ఈ మార్పును గమనించి, ఈ సోమవారం పీజీఆర్ఎస్ కేవలం జిల్లా కేంద్రంలోనే ఉంటుందని గుర్తించి సహకరించాలని కలెక్టర్ జి. రాజకుమారి విజ్ఞప్తి చేశారు.