वाळवा तालुक्यातील येडेनिपाणी येथे क्रांतिवीर पांडू मास्तरांचा स्मृतिदिन उत्साहात साजरा येडेनिपाणी येथे क्रांतिवीर पांडू मास्तरांचा स्मृतिदिन उत्साहात येडेनिपाणी येथे क्रांतिवीर पांडू मास्तरांचा स्मृतिदिन उत्साहात माजी सैनिक व स्वातंत्र्यसैनिकांच्या वारसदारांचा सन्मान; स्मारकातून समाजपरिवर्तनाची नांदी घडविण्याचा संकल्प येडेनिपाणी, ता. वाळवा : स्वातंत्र्यलढ्यात मोलाचे योगदान देणारे थोर क्रांती सेनानी क्रांतिवीर पांडू मास्तर यांचा स्मृतिदिन येडेनिपाणी येथे विविध उपक्रमांनी उत्साहात साजरा करण्यात आला. यावेळी वाळवा व शिराळा तालुक्यातील माजी सैनिक, स्वातंत्र्यसैनिकांचे वारसदार तसेच विविध संघटनांचे पदाधिकारी मोठ्या संख्येने उपस्थित होते. कार्यक्रमाच्या सुरुवातीस क्रांतीज्योतीचे पूजन करण्यात आले. त्यानंतर क्रांतिवीर पांडू मास्तर यांच्या प्रतिमेचे पूजन करून अभिवादन करण्यात आले. कार्यक्रमाच्या अध्यक्षस्थानी माजी सैनिक संपतराव माळी होते. क्रांतिवीर पांडू मास्तर यांचे नातू तथा माजी पंचायत समिती सदस्य नंदकुमार पाटील यांनी प्रास्ताविक केले. पांडू मास्तरांच्या स्मृतिदिनाचे औचित्य साधून माजी सैनिक आणि स्वातंत्र्यसैनिकांच्या वारसदारांचा सन्मान करण्याची संधी मिळाल्याबद्दल त्यांनी समाधान व्यक्त केले. पांडू मास्तरांचे स्मारक उभारण्यात संपूर्ण श्रेय सदाभाऊ खोत यांचे आहे.स्मारकाची काही अपूर्ण कामे निधीअभावी राहिली आहेत. ही कामे पूर्ण करण्यासाठी माजी मंत्री सदाभाऊ खोत यांनी निधी उपलब्ध करून देण्याचे आश्वासन दिले आहे. तसेच आमदार सत्यजित आनंदराव पवार यांनीही स्मारकासाठी मदत करण्याचे आश्वासन दिल्याचे पाटील यांनी सांगितले. साहित्यिक भा. ल. ठाणगे यांनी क्रांतिवीर पांडू मास्तर यांच्या स्वातंत्र्यलढ्यातील योगदानावर प्रकाश टाकला. देशसेवेसाठी त्यांनी आपले संपूर्ण आयुष्य समर्पित केले. येरवडा कारागृहातून त्यांनी धाडसी पलायन केले होते. तसेच इस्लामपूर येथे झालेल्या मोर्चादरम्यान त्यांच्यावर लाठी चार्ज झाला होता. त्यात त्यांना गंभीर दुखापत झाली होती. स्वातंत्र्यलढ्यातील त्यांच्या योगदानामुळे पत्री सरकारच्या उभारणीतही त्यांची महत्त्वपूर्ण भूमिका होती, असे ठाणगे यांनी सांगितले. येडेनिपाणी येथे उभारण्यात येत असलेले पांडू मास्तरांचे स्मारक हे केवळ स्मृतिस्थळ न राहता समाजपरिवर्तनाचे केंद्र बनावे, असा संकल्प यावेळी व्यक्त करण्यात आला. स्मारक परिसरात डिजिटल वाचनालय, विद्यार्थी-विद्यार्थिनींसाठी अभ्यासिका तसेच युवकांसाठी व्यायामाचे साहित्य उपलब्ध करून देण्याचा मानस असल्याचे भा. ल. ठाणगे यांनी सांगितले. अध्यक्षीय भाषणात माजी सैनिक संपतराव माळी यांनी पश्चिम महाराष्ट्रातील विविध स्मारकांपेक्षा येडेनिपाणी येथील क्रांतिवीर पांडू मास्तरांचे स्मारक वेगळ्या पद्धतीने नावारूपाला येईल, असा विश्वास व्यक्त केला. स्मृतिदिनाच्या निमित्ताने माजी सैनिक व स्वातंत्र्यसैनिकांच्या वारसदारांचा सन्मान केल्याबद्दल त्यांनी क्रांतिवीर पांडू मास्तर प्रतिष्ठानचे आभार मानले. यावेळी वाळवा व शिराळा तालुका माजी सैनिक संघटनांचे पदाधिकारी आणि स्वातंत्र्यसैनिकांच्या वारसदारांचा सन्मानचिन्ह देऊन सत्कार करण्यात आला. कार्यक्रमास माजी सैनिक संपतराव माळी, साहित्यिक भा. ल. ठाणगे, शिवसेना उपजिल्हाप्रमुख नंदकुमार नीलकंठ, माजी सैनिक बाळकृष्ण सावंत, नौशाद तांबोळी, अशोक पाटील, संजय जाधव, सिताराम पाटील, रामराव शेवाळे, अर्जुन पाटील, शहाजी पाटील यांच्यासह वाळवा व शिराळा तालुका माजी सैनिक संघटनांचे पदाधिकारी आणि स्वातंत्र्यसैनिकांचे वारसदार उपस्थित होते. सूत्रसंचालन माजी सैनिक अमर मेथे यांनी केले, तर आभार अर्जुन पाटील यांनी मानले. ‘जय जवान, जय किसान’ या घोषणेने कार्यक्रमाची सांगता झाली.

होनाई न्यूज/सा.माणदेश दर्शन

तासगाव, सांगली, महाराष्ट्र•

1 hr ago

वाळवा तालुक्यातील येडेनिपाणी येथे क्रांतिवीर पांडू मास्तरांचा स्मृतिदिन उत्साहात साजरा येडेनिपाणी येथे क्रांतिवीर पांडू मास्तरांचा स्मृतिदिन उत्साहात येडेनिपाणी येथे क्रांतिवीर पांडू मास्तरांचा स्मृतिदिन उत्साहात माजी सैनिक व स्वातंत्र्यसैनिकांच्या वारसदारांचा सन्मान; स्मारकातून समाजपरिवर्तनाची नांदी घडविण्याचा संकल्प येडेनिपाणी, ता. वाळवा : स्वातंत्र्यलढ्यात मोलाचे योगदान देणारे थोर क्रांती सेनानी क्रांतिवीर पांडू मास्तर यांचा स्मृतिदिन येडेनिपाणी येथे विविध उपक्रमांनी उत्साहात साजरा करण्यात आला. यावेळी वाळवा व शिराळा तालुक्यातील माजी सैनिक, स्वातंत्र्यसैनिकांचे वारसदार तसेच विविध संघटनांचे पदाधिकारी मोठ्या संख्येने उपस्थित होते. कार्यक्रमाच्या सुरुवातीस क्रांतीज्योतीचे पूजन करण्यात आले. त्यानंतर क्रांतिवीर पांडू मास्तर यांच्या प्रतिमेचे पूजन करून अभिवादन करण्यात आले. कार्यक्रमाच्या अध्यक्षस्थानी माजी सैनिक संपतराव माळी होते. क्रांतिवीर पांडू मास्तर यांचे नातू तथा माजी पंचायत समिती सदस्य नंदकुमार पाटील यांनी प्रास्ताविक केले. पांडू मास्तरांच्या स्मृतिदिनाचे औचित्य साधून माजी सैनिक आणि स्वातंत्र्यसैनिकांच्या वारसदारांचा सन्मान करण्याची संधी मिळाल्याबद्दल त्यांनी समाधान व्यक्त केले. पांडू मास्तरांचे स्मारक उभारण्यात संपूर्ण श्रेय सदाभाऊ खोत यांचे आहे.स्मारकाची काही अपूर्ण कामे निधीअभावी राहिली आहेत. ही कामे पूर्ण करण्यासाठी माजी मंत्री सदाभाऊ खोत यांनी निधी उपलब्ध करून देण्याचे आश्वासन दिले आहे. तसेच आमदार सत्यजित आनंदराव पवार यांनीही स्मारकासाठी मदत करण्याचे आश्वासन दिल्याचे पाटील यांनी सांगितले. साहित्यिक भा. ल. ठाणगे यांनी क्रांतिवीर पांडू मास्तर यांच्या स्वातंत्र्यलढ्यातील योगदानावर प्रकाश टाकला. देशसेवेसाठी त्यांनी आपले संपूर्ण आयुष्य समर्पित केले. येरवडा कारागृहातून त्यांनी धाडसी पलायन केले होते. तसेच इस्लामपूर येथे झालेल्या मोर्चादरम्यान त्यांच्यावर लाठी चार्ज झाला होता. त्यात त्यांना गंभीर दुखापत झाली होती. स्वातंत्र्यलढ्यातील त्यांच्या योगदानामुळे पत्री सरकारच्या उभारणीतही त्यांची महत्त्वपूर्ण भूमिका होती, असे ठाणगे यांनी सांगितले. येडेनिपाणी येथे उभारण्यात येत असलेले पांडू मास्तरांचे स्मारक हे केवळ स्मृतिस्थळ न राहता समाजपरिवर्तनाचे केंद्र बनावे, असा संकल्प यावेळी व्यक्त करण्यात आला. स्मारक परिसरात डिजिटल वाचनालय, विद्यार्थी-विद्यार्थिनींसाठी अभ्यासिका तसेच युवकांसाठी व्यायामाचे साहित्य उपलब्ध करून देण्याचा मानस असल्याचे भा. ल. ठाणगे यांनी सांगितले. अध्यक्षीय भाषणात माजी सैनिक संपतराव माळी यांनी पश्चिम महाराष्ट्रातील विविध स्मारकांपेक्षा येडेनिपाणी येथील क्रांतिवीर पांडू मास्तरांचे स्मारक वेगळ्या पद्धतीने नावारूपाला येईल, असा विश्वास व्यक्त केला. स्मृतिदिनाच्या निमित्ताने माजी सैनिक व स्वातंत्र्यसैनिकांच्या वारसदारांचा सन्मान केल्याबद्दल त्यांनी क्रांतिवीर पांडू मास्तर प्रतिष्ठानचे आभार मानले. यावेळी वाळवा व शिराळा तालुका माजी सैनिक संघटनांचे पदाधिकारी आणि स्वातंत्र्यसैनिकांच्या वारसदारांचा सन्मानचिन्ह देऊन सत्कार करण्यात आला. कार्यक्रमास माजी सैनिक संपतराव माळी, साहित्यिक भा. ल. ठाणगे, शिवसेना उपजिल्हाप्रमुख नंदकुमार नीलकंठ, माजी सैनिक बाळकृष्ण सावंत, नौशाद तांबोळी, अशोक पाटील, संजय जाधव, सिताराम पाटील, रामराव शेवाळे, अर्जुन पाटील, शहाजी पाटील यांच्यासह वाळवा व शिराळा तालुका माजी सैनिक संघटनांचे पदाधिकारी आणि स्वातंत्र्यसैनिकांचे वारसदार उपस्थित होते. सूत्रसंचालन माजी सैनिक अमर मेथे यांनी केले, तर आभार अर्जुन पाटील यांनी मानले. ‘जय जवान, जय किसान’ या घोषणेने कार्यक्रमाची सांगता झाली.