नांदेडच्या स्थानिक गुन्हे शाखेने (LCB) एका सराईत मोटारसायकल चोराला ताब्यात घेऊन पाच चोरीच्या दुचाकी जप्त केल्या आहेत. या कारवाईत पोलिसांनी सुमारे २ लाख ५० हजार रुपयांचा मुद्देमाल हस्तगत केला. पोलीस अधीक्षक अविनाश कुमार यांच्या मार्गदर्शनाखाली 'ऑपरेशन प्लश आऊट' अंतर्गत मोटारसायकल चोरीच्या गुन्ह्यांचा तपास सुरू होता. या मोहिमेच्या अनुषंगाने पोलीस निरीक्षक अतुल भोसले यांनी विशेष पथके तयार करून कारवाईचे आदेश दिले होते. २९ मे रोजी, पोलीस उपनिरीक्षक नागनाथ तुकडे आणि त्यांच्या पथकाला गुप्त माहिती मिळाली की, मोनार्क कॅन्सर हॉस्पिटल परिसरातील गवळीपुरा येथे एक संशयित व्यक्ती चोरीची मोटारसायकल घेऊन फिरत आहे. या माहितीच्या आधारे पोलिसांनी तात्काळ सापळा रचून शाहरुख युसुफ सौदागर (वय ३२, रा. सईदनगर भोकर, ह.मु. सहयोगनगर, नांदेड) याला ताब्यात घेतले. चौकशीदरम्यान, आरोपीकडून विविध कंपन्यांच्या पाच मोटारसायकली जप्त करण्यात आल्या. त्याने आपला साथीदार शेख शोकत शब्बीर (रा. फारुखनगर, नांदेड) याच्यासोबत मिळून नांदेड आणि पूर्णा (जि. परभणी) परिसरातून मोटारसायकली चोरल्याची कबुली दिली. आरोपी शेख शोकत सध्या फरार असून पोलीस त्याचा शोध घेत आहेत. जप्त केलेल्या दुचाकींचा संबंध शिवाजीनगर, विमानतळ पोलीस ठाणे तसेच पूर्णा पोलीस ठाण्यात दाखल असलेल्या गुन्ह्यांशी असल्याचे तपासात निष्पन्न झाले आहे. पुढील तपासासाठी आरोपी आणि हस्तगत केलेला मुद्देमाल शिवाजीनगर पोलीस ठाण्याच्या ताब्यात देण्यात आला आहे. या कारवाईत पोलीस उपनिरीक्षक नागनाथ तुकडे, दारासिंग राठोड, मोहन हक्के, सुनील गटलेवार, लहु चाटे, अबराओ पिंगवाड, महेश बडगुने तसेच सायबर सेलच्या कर्मचाऱ्यांनी सहभाग घेतला.

Mohammad Rafikh

Graphic designer माहूर, नांदेड, महाराष्ट्र•

15 hrs ago

नांदेडच्या स्थानिक गुन्हे शाखेने (LCB) एका सराईत मोटारसायकल चोराला ताब्यात घेऊन पाच चोरीच्या दुचाकी जप्त केल्या आहेत. या कारवाईत पोलिसांनी सुमारे २ लाख ५० हजार रुपयांचा मुद्देमाल हस्तगत केला. पोलीस अधीक्षक अविनाश कुमार यांच्या मार्गदर्शनाखाली 'ऑपरेशन प्लश आऊट' अंतर्गत मोटारसायकल चोरीच्या गुन्ह्यांचा तपास सुरू होता. या मोहिमेच्या अनुषंगाने पोलीस निरीक्षक अतुल भोसले यांनी विशेष पथके तयार करून कारवाईचे आदेश दिले होते. २९ मे रोजी, पोलीस उपनिरीक्षक नागनाथ तुकडे आणि त्यांच्या पथकाला गुप्त माहिती मिळाली की, मोनार्क कॅन्सर हॉस्पिटल परिसरातील गवळीपुरा येथे एक संशयित व्यक्ती चोरीची मोटारसायकल घेऊन फिरत आहे. या माहितीच्या आधारे पोलिसांनी तात्काळ सापळा रचून शाहरुख युसुफ सौदागर (वय ३२, रा. सईदनगर भोकर, ह.मु. सहयोगनगर, नांदेड) याला ताब्यात घेतले. चौकशीदरम्यान, आरोपीकडून विविध कंपन्यांच्या पाच मोटारसायकली जप्त करण्यात आल्या. त्याने आपला साथीदार शेख शोकत शब्बीर (रा. फारुखनगर, नांदेड) याच्यासोबत मिळून नांदेड आणि पूर्णा (जि. परभणी) परिसरातून मोटारसायकली चोरल्याची कबुली दिली. आरोपी शेख शोकत सध्या फरार असून पोलीस त्याचा शोध घेत आहेत. जप्त केलेल्या दुचाकींचा संबंध शिवाजीनगर, विमानतळ पोलीस ठाणे तसेच पूर्णा पोलीस ठाण्यात दाखल असलेल्या गुन्ह्यांशी असल्याचे तपासात निष्पन्न झाले आहे. पुढील तपासासाठी आरोपी आणि हस्तगत केलेला मुद्देमाल शिवाजीनगर पोलीस ठाण्याच्या ताब्यात देण्यात आला आहे. या कारवाईत पोलीस उपनिरीक्षक नागनाथ तुकडे, दारासिंग राठोड, मोहन हक्के, सुनील गटलेवार, लहु चाटे, अबराओ पिंगवाड, महेश बडगुने तसेच सायबर सेलच्या कर्मचाऱ्यांनी सहभाग घेतला.