पवन चक्की व सौर ऊर्जा प्रकल्पाच्या सुरक्षेबाबत पोलीस अधीक्षकांनी घेतला आढावा पवनचक्की व सौर ऊर्जा प्रकल्पांच्या सुरक्षेबाबत पोलीस अधीक्षकांची आढावा बैठक,प्रकल्प धारकांना सुरक्षा बळकट करण्याबाबत महत्त्वपूर्ण सूचना. लातूर (एल पी उगीले) जिल्ह्यात मोठ्या प्रमाणावर उभारण्यात आलेल्या पवनचक्की व सौर ऊर्जा  प्रकल्पांच्या सुरक्षेच्या दृष्टीने आज दिनांक ११ मार्च २०२६ रोजी सकाळी ११.०० वाजता पोलीस अधीक्षक कार्यालय, लातूर येथे महत्त्वपूर्ण आढावा बैठक आयोजित करण्यात आली. सदर बैठकीचे अध्यक्षस्थानी पोलीस अधीक्षक अमोल तांबे हे होते. या बैठकीस लातूर जिल्ह्यातील विविध पवनचक्की व सौर ऊर्जा प्रकल्पांचे प्रतिनिधी, प्रकल्प धारक व संबंधित अधिकारी उपस्थित होते. लातूर जिल्ह्यातील अनेक पवनचक्की व सौर ऊर्जा प्रकल्प हे दुर्गम व निर्जन भागामध्ये असल्यामुळे त्या ठिकाणी कॉपर वायर, अल्युमिनियम वायर तसेच इतर विद्युत साहित्य चोरीचे प्रकार घडण्याची शक्यता वाढते. या पार्श्वभूमीवर अशा चोरीच्या घटनांना प्रतिबंध घालण्यासाठी तसेच प्रकल्पांच्या सुरक्षेला अधिक बळकटी देण्यासाठी या बैठकीचे आयोजन करण्यात आले होते. बैठकीदरम्यान पोलीस अधीक्षक अमोल तांबे यांनी सर्व प्रकल्प धारकांना सुरक्षा व्यवस्थेबाबत विविध महत्त्वपूर्ण सूचना दिल्या. प्रकल्प परिसरामध्ये सीसीटीव्ही कॅमेरे व ट्रॅप कॅमेरे बसविणे, तसेच प्रकल्पाच्या चारही बाजूंनी आय पी कॅमेरे बसवून रात्रीच्या वेळी हालचाल टिपणारे मोशन सेन्सर कॅमेरे बसविणे आवश्यक असल्याचे त्यांनी सांगितले. तसेच दुर्गम भागातील पवनचक्की व सौर प्रकल्पांच्या परिसरात उच्च क्षमतेचे विद्युत दिवे (हाय मास्ट लाईट्स) बसवून परिसर अधिक प्रकाशमान ठेवण्याचे निर्देश देण्यात आले. प्रकल्प परिसरात सुरक्षा रक्षकांना प्रभावीपणे गस्त घालता यावी यासाठी चारचाकी वाहन व मोटारसायकलद्वारे पेट्रोलिंग करता येईल असा रस्ता ठेवणे आवश्यक असल्याचेही नमूद करण्यात आले. प्रकल्प परिसरात संशयास्पद हालचाली आढळल्यास त्वरित माहिती मिळावी यासाठी अलार्म सिस्टीम व जिओ-फेन्सिंग तंत्रज्ञानाचा वापर करण्याबाबतही सूचना देण्यात आल्या. तसेच सौर व पवनचक्की प्रकल्पांवर काम करणारे कामगार व सुरक्षा रक्षक यांची पोलीस विभागा मार्फत चारित्र्य पडताळणी करूनच त्यांची नियुक्ती करावी, असेही स्पष्ट करण्यात आले. बैठकीत चर्चा करताना अनेक वेळा असे निदर्शनास आले आहे की, प्रकल्पातील कॉपर किंवा अल्युमिनियम वायर चोरीचे प्रकार हे बहुतांश वेळा त्या प्रकल्पाशी संबंधित असलेले कामगार किंवा पूर्वी काम करून गेलेले कामगार यांच्याकडून होत असल्याचे दिसून येते. त्यामुळे कामगारांची पार्श्वभूमी तपासणे तसेच त्यांच्यावर देखरेख ठेवणे आवश्यक असल्याचेही सांगण्यात आले. याशिवाय सौर व पवनचक्की प्रकल्पांमध्ये वापरण्यात येणाऱ्या विद्युत वायर शक्य असल्यास जमिनीखाली टाकाव्यात व त्यावर सिमेंटचा थर द्यावा, जेणेकरून त्या सहजपणे काढता येणार नाहीत. तसेच उपकरणांच्या सुरक्षेसाठी अन्टी-थेफ्ट नट-बोल्टचा वापर करणे किंवा आवश्यक त्या ठिकाणी वेल्डिंग करणे यासारख्या उपाययोजनाही करण्याबाबत सूचना देण्यात आल्या.प्रकल्प परिसरात हायमास्ट दिवे बसविणे, पुरेसे सुरक्षा रक्षक नेमणे व त्यांच्या गस्तीची व्यवस्था मजबूत करणे, तसेच गस्त प्रभावीपणे होण्यासाठी आर एफ आय डी प्रणाली किंवा पीएफ आयडीचा वापर करण्याबाबतही मार्गदर्शन करण्यात आले. सुरक्षा रक्षकांना परिसरावर प्रभावीपणे लक्ष ठेवता यावे यासाठी वॉच टॉवरची व्यवस्था करणे आवश्यक असल्याचेही सांगण्यात आले. तसेच प्रकल्पाशी संबंधित कोणत्याही व्यक्तीकडून खंडणीची मागणी किंवा इतर कोणताही दबाव आणण्याचा प्रयत्न झाल्यास तात्काळ संबंधित पोलीस स्टेशनमध्ये तक्रार नोंदवावी, असे आवाहन पोलीस अधीक्षकांनी केले. अशा प्रकरणांमध्ये पोलिसांकडून त्वरित गुन्हा दाखल करून कठोर कायदेशीर कारवाई करण्यात येईल, असेही त्यांनी स्पष्ट केले.लातूर जिल्ह्यातील औद्योगिक प्रकल्पांची सुरक्षा सुनिश्चित करण्यासाठी पोलीस प्रशासन कटिबद्ध असून प्रकल्प धारकांनीही आवश्यक त्या सुरक्षा उपाययोजना करून पोलिसांना सहकार्य करावे, असे आवाहन यावेळी करण्यात आले.

Laxman Ugile

उदगीर, लातूर, महाराष्ट्र•

4 hrs ago

पवन चक्की व सौर ऊर्जा प्रकल्पाच्या सुरक्षेबाबत पोलीस अधीक्षकांनी घेतला आढावा पवनचक्की व सौर ऊर्जा प्रकल्पांच्या सुरक्षेबाबत पोलीस अधीक्षकांची आढावा बैठक,प्रकल्प धारकांना सुरक्षा बळकट करण्याबाबत महत्त्वपूर्ण सूचना. लातूर (एल पी उगीले) जिल्ह्यात मोठ्या प्रमाणावर उभारण्यात आलेल्या पवनचक्की व सौर ऊर्जा  प्रकल्पांच्या सुरक्षेच्या दृष्टीने आज दिनांक ११ मार्च २०२६ रोजी सकाळी ११.०० वाजता पोलीस अधीक्षक कार्यालय, लातूर येथे महत्त्वपूर्ण आढावा बैठक आयोजित करण्यात आली. सदर बैठकीचे अध्यक्षस्थानी पोलीस अधीक्षक अमोल तांबे हे होते. या बैठकीस लातूर जिल्ह्यातील विविध पवनचक्की व सौर ऊर्जा प्रकल्पांचे प्रतिनिधी, प्रकल्प धारक व संबंधित अधिकारी उपस्थित होते. लातूर जिल्ह्यातील अनेक पवनचक्की व सौर ऊर्जा प्रकल्प हे दुर्गम व निर्जन भागामध्ये असल्यामुळे त्या ठिकाणी कॉपर वायर, अल्युमिनियम वायर तसेच इतर विद्युत साहित्य चोरीचे प्रकार घडण्याची शक्यता वाढते. या पार्श्वभूमीवर अशा चोरीच्या घटनांना प्रतिबंध घालण्यासाठी तसेच प्रकल्पांच्या सुरक्षेला अधिक बळकटी देण्यासाठी या बैठकीचे आयोजन करण्यात आले होते. बैठकीदरम्यान पोलीस अधीक्षक अमोल तांबे यांनी सर्व प्रकल्प धारकांना सुरक्षा व्यवस्थेबाबत विविध महत्त्वपूर्ण सूचना दिल्या. प्रकल्प परिसरामध्ये सीसीटीव्ही कॅमेरे व ट्रॅप कॅमेरे बसविणे, तसेच प्रकल्पाच्या चारही बाजूंनी आय पी कॅमेरे बसवून रात्रीच्या वेळी हालचाल टिपणारे मोशन सेन्सर कॅमेरे बसविणे आवश्यक असल्याचे त्यांनी सांगितले. तसेच दुर्गम भागातील पवनचक्की व सौर प्रकल्पांच्या परिसरात उच्च क्षमतेचे विद्युत दिवे (हाय मास्ट लाईट्स) बसवून परिसर अधिक प्रकाशमान ठेवण्याचे निर्देश देण्यात आले. प्रकल्प परिसरात सुरक्षा रक्षकांना प्रभावीपणे गस्त घालता यावी यासाठी चारचाकी वाहन व मोटारसायकलद्वारे पेट्रोलिंग करता येईल असा रस्ता ठेवणे आवश्यक असल्याचेही नमूद करण्यात आले. प्रकल्प परिसरात संशयास्पद हालचाली आढळल्यास त्वरित माहिती मिळावी यासाठी अलार्म सिस्टीम व जिओ-फेन्सिंग तंत्रज्ञानाचा वापर करण्याबाबतही सूचना देण्यात आल्या. तसेच सौर व पवनचक्की प्रकल्पांवर काम करणारे कामगार व सुरक्षा रक्षक यांची पोलीस विभागा मार्फत चारित्र्य पडताळणी करूनच त्यांची नियुक्ती करावी, असेही स्पष्ट करण्यात आले. बैठकीत चर्चा करताना अनेक वेळा असे निदर्शनास आले आहे की, प्रकल्पातील कॉपर किंवा अल्युमिनियम वायर चोरीचे प्रकार हे बहुतांश वेळा त्या प्रकल्पाशी संबंधित असलेले कामगार किंवा पूर्वी काम करून गेलेले कामगार यांच्याकडून होत असल्याचे दिसून येते. त्यामुळे कामगारांची पार्श्वभूमी तपासणे तसेच त्यांच्यावर देखरेख ठेवणे आवश्यक असल्याचेही सांगण्यात आले. याशिवाय सौर व पवनचक्की प्रकल्पांमध्ये वापरण्यात येणाऱ्या विद्युत वायर शक्य असल्यास जमिनीखाली टाकाव्यात व त्यावर सिमेंटचा थर द्यावा, जेणेकरून त्या सहजपणे काढता येणार नाहीत. तसेच उपकरणांच्या सुरक्षेसाठी अन्टी-थेफ्ट नट-बोल्टचा वापर करणे किंवा आवश्यक त्या ठिकाणी वेल्डिंग करणे यासारख्या उपाययोजनाही करण्याबाबत सूचना देण्यात आल्या.प्रकल्प परिसरात हायमास्ट दिवे बसविणे, पुरेसे सुरक्षा रक्षक नेमणे व त्यांच्या गस्तीची व्यवस्था मजबूत करणे, तसेच गस्त प्रभावीपणे होण्यासाठी आर एफ आय डी प्रणाली किंवा पीएफ आयडीचा वापर करण्याबाबतही मार्गदर्शन करण्यात आले. सुरक्षा रक्षकांना परिसरावर प्रभावीपणे लक्ष ठेवता यावे यासाठी वॉच टॉवरची व्यवस्था करणे आवश्यक असल्याचेही सांगण्यात आले. तसेच प्रकल्पाशी संबंधित कोणत्याही व्यक्तीकडून खंडणीची मागणी किंवा इतर कोणताही दबाव आणण्याचा प्रयत्न झाल्यास तात्काळ संबंधित पोलीस स्टेशनमध्ये तक्रार नोंदवावी, असे आवाहन पोलीस अधीक्षकांनी केले. अशा प्रकरणांमध्ये पोलिसांकडून त्वरित गुन्हा दाखल करून कठोर कायदेशीर कारवाई करण्यात येईल, असेही त्यांनी स्पष्ट केले.लातूर जिल्ह्यातील औद्योगिक प्रकल्पांची सुरक्षा सुनिश्चित करण्यासाठी पोलीस प्रशासन कटिबद्ध असून प्रकल्प धारकांनीही आवश्यक त्या सुरक्षा उपाययोजना करून पोलिसांना सहकार्य करावे, असे आवाहन यावेळी करण्यात आले.