ఆత్మకూరు పట్టణంలో ప్రజలు ఎదుర్కొంటున్న సమస్యల పరిష్కారానికై సీపీఎం పార్టీ ఆధ్వర్యంలో జరుగుతున్న పాదయాత్రలను విజయవంతం చేయాలని సీపీఎం పార్టీ పట్టణ కార్యదర్శి ఏ. రణధీర్ పిలుపునిచ్చారు. ఆదివారం ఆత్మకూరు పట్టణంలోని డాక్టర్ ఏ. ధనుంజయ మీటింగ్ హాల్‌లో పట్టణ నాయకులు డి. రామ్ నాయక్ అధ్యక్షతన జరిగిన సీపీఎం పార్టీ పట్టణ కమిటీ సమావేశంలో ఆయన ఈ విషయాన్ని వెల్లడించారు. ప్రజా సమస్యలను అధ్యయనం చేసేందుకు సీపీఎం పార్టీ నాయకులు, కార్యకర్తలు పట్టణంలోని అన్ని వార్డులలో పాదయాత్రగా పర్యటిస్తారని, సమస్యలపై అధ్యయనం చేసి వాటి పరిష్కారానికి ప్రజలను పోరాటాలకు సిద్ధం చేస్తారని ఏ. రణధీర్ తెలిపారు. ఈ సందర్భంగా ఆయన కేంద్రంలోని ఎన్డీఏ ప్రభుత్వం, రాష్ట్రంలోని కూటమి ప్రభుత్వం పెట్టుబడిదారులు, కార్పొరేట్ శక్తుల ప్రయోజనాల కోసం పని చేస్తున్నాయని తీవ్రంగా ఆరోపించారు. సామాన్య, మధ్యతరగతి ప్రజలపై పెట్రోలు, డీజిల్, వంటగ్యాస్, ఎరువులు, విద్యుత్తు, నిత్యావసర సరుకుల ధరలను విచ్చలవిడిగా పెంచి భారం మోపుతూ పెట్టుబడిదారులకు దోచిపెడుతున్నాయని విమర్శించారు. కేంద్రంలోని నరేంద్ర మోడీ ప్రభుత్వం ట్రంప్‌కు లొంగిపోయి భారతదేశాన్ని అమెరికాకు తాకట్టు పెట్టిందని, ట్రంప్ వీసా పేరుతో భారతీయులను సంకెళ్లు వేసి ఇండియాకు తీసుకువస్తున్నారని, ఇండియాపై ట్రంప్ విచ్చలవిడిగా పన్నులు వేస్తున్నారని ఆయన ఆరోపించారు. కార్మికులు పోరాడి సాధించుకున్న హక్కులను రద్దు చేస్తూ పెట్టుబడిదారుల కోసం నాలుగు లేబర్ కోడ్‌లను తీసుకురావడం జరిగిందని, రైతులు పండించిన ఏ పంటకు నేటి పాలక ప్రభుత్వాలు గిట్టుబాటు ధర కల్పించడం లేదని, గిట్టుబాటు ధర లేక రైతులు ఆత్మహత్యలు చేసుకుంటున్నారని రణధీర్ అన్నారు. ఉపాధి హామీ చట్టాన్ని కేంద్ర, రాష్ట్ర ప్రభుత్వాలు నిర్వీర్యం చేస్తున్నాయని, పాత చట్టాన్ని రద్దుచేసి కొత్త చట్టాన్ని తీసుకువచ్చారని ఆరోపించారు. ప్రభుత్వ రంగాలన్నీ ప్రైవేటీకరణ చేయడం, అమ్మివేయడం జరుగుతుందని ఆయన పేర్కొన్నారు. ప్రజా సమస్యల పరిష్కారం కోసం ఈ పాదయాత్రలను చేపట్టాలని రణధీర్ పిలుపునిచ్చారు. ఈ సమావేశంలో సీపీఎం పార్టీ పట్టణ నాయకులు మంజుల, జి. నాగేశ్వరరావు, ఏ. సురేంద్ర, వీరన్న, షైక్ ఇస్మాయిల్, జేబీవుల తదితరులు పాల్గొన్నారు. ప్రజల సమస్యల పరిష్కారం కోసం పాదయాత్రలను విజయవంతం చేయాలని సీపీఎం పార్టీ డిమాండ్ చేసింది.

Naga kanth

బండి ఆత్మకూరు, నంద్యాల, ఆంధ్రప్రదేశ్•

2 hrs ago

ఆత్మకూరు పట్టణంలో ప్రజలు ఎదుర్కొంటున్న సమస్యల పరిష్కారానికై సీపీఎం పార్టీ ఆధ్వర్యంలో జరుగుతున్న పాదయాత్రలను విజయవంతం చేయాలని సీపీఎం పార్టీ పట్టణ కార్యదర్శి ఏ. రణధీర్ పిలుపునిచ్చారు. ఆదివారం ఆత్మకూరు పట్టణంలోని డాక్టర్ ఏ. ధనుంజయ మీటింగ్ హాల్‌లో పట్టణ నాయకులు డి. రామ్ నాయక్ అధ్యక్షతన జరిగిన సీపీఎం పార్టీ పట్టణ కమిటీ సమావేశంలో ఆయన ఈ విషయాన్ని వెల్లడించారు. ప్రజా సమస్యలను అధ్యయనం చేసేందుకు సీపీఎం పార్టీ నాయకులు, కార్యకర్తలు పట్టణంలోని అన్ని వార్డులలో పాదయాత్రగా పర్యటిస్తారని, సమస్యలపై అధ్యయనం చేసి వాటి పరిష్కారానికి ప్రజలను పోరాటాలకు సిద్ధం చేస్తారని ఏ. రణధీర్ తెలిపారు. ఈ సందర్భంగా ఆయన కేంద్రంలోని ఎన్డీఏ ప్రభుత్వం, రాష్ట్రంలోని కూటమి ప్రభుత్వం పెట్టుబడిదారులు, కార్పొరేట్ శక్తుల ప్రయోజనాల కోసం పని చేస్తున్నాయని తీవ్రంగా ఆరోపించారు. సామాన్య, మధ్యతరగతి ప్రజలపై పెట్రోలు, డీజిల్, వంటగ్యాస్, ఎరువులు, విద్యుత్తు, నిత్యావసర సరుకుల ధరలను విచ్చలవిడిగా పెంచి భారం మోపుతూ పెట్టుబడిదారులకు దోచిపెడుతున్నాయని విమర్శించారు. కేంద్రంలోని నరేంద్ర మోడీ ప్రభుత్వం ట్రంప్‌కు లొంగిపోయి భారతదేశాన్ని అమెరికాకు తాకట్టు పెట్టిందని, ట్రంప్ వీసా పేరుతో భారతీయులను సంకెళ్లు వేసి ఇండియాకు తీసుకువస్తున్నారని, ఇండియాపై ట్రంప్ విచ్చలవిడిగా పన్నులు వేస్తున్నారని ఆయన ఆరోపించారు. కార్మికులు పోరాడి సాధించుకున్న హక్కులను రద్దు చేస్తూ పెట్టుబడిదారుల కోసం నాలుగు లేబర్ కోడ్‌లను తీసుకురావడం జరిగిందని, రైతులు పండించిన ఏ పంటకు నేటి పాలక ప్రభుత్వాలు గిట్టుబాటు ధర కల్పించడం లేదని, గిట్టుబాటు ధర లేక రైతులు ఆత్మహత్యలు చేసుకుంటున్నారని రణధీర్ అన్నారు. ఉపాధి హామీ చట్టాన్ని కేంద్ర, రాష్ట్ర ప్రభుత్వాలు నిర్వీర్యం చేస్తున్నాయని, పాత చట్టాన్ని రద్దుచేసి కొత్త చట్టాన్ని తీసుకువచ్చారని ఆరోపించారు. ప్రభుత్వ రంగాలన్నీ ప్రైవేటీకరణ చేయడం, అమ్మివేయడం జరుగుతుందని ఆయన పేర్కొన్నారు. ప్రజా సమస్యల పరిష్కారం కోసం ఈ పాదయాత్రలను చేపట్టాలని రణధీర్ పిలుపునిచ్చారు. ఈ సమావేశంలో సీపీఎం పార్టీ పట్టణ నాయకులు మంజుల, జి. నాగేశ్వరరావు, ఏ. సురేంద్ర, వీరన్న, షైక్ ఇస్మాయిల్, జేబీవుల తదితరులు పాల్గొన్నారు. ప్రజల సమస్యల పరిష్కారం కోసం పాదయాత్రలను విజయవంతం చేయాలని సీపీఎం పార్టీ డిమాండ్ చేసింది.