ରେଫରାଲ୍ ସେଣ୍ଟର ପାଲଟିଥିବା ପିଆରଏମ୍ ମେଡିକାଲ କଲେଜରେ ସୁପର ସ୍ପେଶାଲିଷ୍ଟ ବିଭାଗ ଖୋଲିବାକୁ ଦାବି #mayurbhanj ବାରିପଦା, :- ମୟୂରଭଞ୍ଜ ଜିଲ୍ଲାରେ ଥିବା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲ ରେ ବିପର୍ଯ୍ୟସ୍ତ ସ୍ୱାସ୍ଥ୍ୟସେବାକୁ ନେଇ ବଢୁଛି ଅସନ୍ତୋଷ। ମେଡିକାଲରେ ଉପୁଜୁଥିବା ବିଭିନ୍ନ ସମସ୍ୟାର ସ୍ଥାୟୀ ସମାଧାନ ଦାବିରେ ସମାଜସେବୀ ବିଶ୍ବଜିତ ନାୟକଙ୍କ ନେତୃତ୍ୱରେ ଏକ ପ୍ରତିନିଧି ଦଳ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି। ସୂଚନା ଅନୁସାରେ ୨୦୧୭ ମସିହାରେ ବାରିପଦା ଠାରେ ପିଆରଏମ୍ ମେଡିକାଲ କଲେଜ ପ୍ରତିଷ୍ଠା ହୋଇଥିଲା। କିନ୍ତୁ ଆଜି ପର୍ଯ୍ୟନ୍ତ ଏଠାରେ ଅନେକ ଗୁରୁତ୍ୱପୂର୍ଣ୍ଣ ସୁପର ସ୍ପେଶାଲିଷ୍ଟ ବିଭାଗ କାର୍ଯ୍ୟକ୍ଷମ ହୋଇପାରିନାହିଁ। ଫଳରେ ନ୍ୟୁରୋଲୋଜି, କାର୍ଡିଓଲୋଜି, ନେଫ୍ରୋଲୋଜି ଭଳି ଗୁରୁତର ରୋଗର ଚିକିତ୍ସା ପାଇଁ ରୋଗୀଙ୍କୁ ବାଧ୍ୟ ହୋଇ କଟକ ଏସିବି କିମ୍ବା ଅନ୍ୟ ବଡ଼ ହସ୍ପିଟାଲକୁ ସ୍ଥାନାନ୍ତର କରାଯାଉଛି। ଦାବି ଅନୁଯାୟୀ ସୁପର ସ୍ପେଶାଲିଷ୍ଟ ସୁବିଧା ଅଭାବରୁ ପଣ୍ଡିତ ରଘୁନାଥ ମୁର୍ମୁ ହସ୍ପିଟାଲ ଏବେ କେବଳ ଏକ ରେଫରାଲ ସେଣ୍ଟରରେ ପରିଣତ ହୋଇଯାଇଛି। ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଭଳି ଏକ ବଡ଼ ଜିଲ୍ଲାରେ ଏକମାତ୍ର ସରକାରୀ ମେଡିକାଲ କଲେଜ ଥାଇ ମଧ୍ୟ ଲୋକଙ୍କୁ ୨୫୦ କି.ମି. ଦୂର କଟକ ଦୌଡ଼ିବାକୁ ପଡୁଛି। ଯାହାକି ଗରିବ ଓ ଆଦିବାସୀ ରୋଗୀଙ୍କ ପାଇଁ ଅତ୍ୟନ୍ତ କଷ୍ଟକର ଓ ବ୍ୟୟବହୁଳ ହେଉଛି। ପ୍ରତିନିଧି ଦଳ ଦାବି କରିଛନ୍ତି ଯେ ତୁରନ୍ତ ପିଆରଏମ୍ ମେଡିକାଲ କଲେଜରେ ସମସ୍ତ ଆବଶ୍ୟକୀୟ ସୁପର ସ୍ପେଶାଲିଷ୍ଟ ବିଭାଗ ଖୋଲାଯିବା ସହ ଡାକ୍ତର, ଷ୍ଟାଫ୍ ଓ ଉନ୍ନତ ଉପକରଣର ବ୍ୟବସ୍ଥା କରାଯାଉ। ଏହା ଦ୍ୱାରା ମୟୂରଭଞ୍ଜ ସମେତ ପାର୍ଶ୍ୱବର୍ତ୍ତୀ ଜିଲ୍ଲାର ଲୋକେ ମଧ୍ୟ ଉପକୃତ ହେବେ ଏବଂ ଜିଲ୍ଲାବାସୀଙ୍କୁ ଉଚିତ ଓ ଗୁଣାତ୍ମକ ସ୍ୱାସ୍ଥ୍ୟସେବା ମିଳିପାରିବ। ଦାବିପତ୍ର ପ୍ରଦାନ ବେଳେ ଅନ୍ୟ ମାନଙ୍କ ମଧ୍ୟରେ ରାଜୀବ କୁମାର ଜେନା, ବୁଦ୍ଧଦେବ କର, ପ୍ରଦୀପ କୁମାର ମିସ୍ତ୍ରୀ, ଆନନ୍ଦାନନ୍ଦ ଶଙ୍ଖୁଆ, ମାନସ ରଞ୍ଜନ ସ୍ୱାଇଁ, ମନୋଜ ବେହେରା, ତପନ କୁମାର ମଣ୍ଡଳ, ବିକର୍ତ୍ତନ ଲେଙ୍କା, ଯୋଗେଶ୍ୱର ପାଲବାବୁ, ସୌରେନ୍ଦ୍ର ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ। #mayurbhanj #dlh_khabar #baripadanews

DLH KHABAR

Voice of people ବାରିପଦା ଟାଉନ୍, ମୟୂରଭଞ୍ଜ, ଓଡ଼ିଶା•

1 day ago

ରେଫରାଲ୍ ସେଣ୍ଟର ପାଲଟିଥିବା ପିଆରଏମ୍ ମେଡିକାଲ କଲେଜରେ ସୁପର ସ୍ପେଶାଲିଷ୍ଟ ବିଭାଗ ଖୋଲିବାକୁ ଦାବି #mayurbhanj ବାରିପଦା, :- ମୟୂରଭଞ୍ଜ ଜିଲ୍ଲାରେ ଥିବା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲ ରେ ବିପର୍ଯ୍ୟସ୍ତ ସ୍ୱାସ୍ଥ୍ୟସେବାକୁ ନେଇ ବଢୁଛି ଅସନ୍ତୋଷ। ମେଡିକାଲରେ ଉପୁଜୁଥିବା ବିଭିନ୍ନ ସମସ୍ୟାର ସ୍ଥାୟୀ ସମାଧାନ ଦାବିରେ ସମାଜସେବୀ ବିଶ୍ବଜିତ ନାୟକଙ୍କ ନେତୃତ୍ୱରେ ଏକ ପ୍ରତିନିଧି ଦଳ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି। ସୂଚନା ଅନୁସାରେ ୨୦୧୭ ମସିହାରେ ବାରିପଦା ଠାରେ ପିଆରଏମ୍ ମେଡିକାଲ କଲେଜ ପ୍ରତିଷ୍ଠା ହୋଇଥିଲା। କିନ୍ତୁ ଆଜି ପର୍ଯ୍ୟନ୍ତ ଏଠାରେ ଅନେକ ଗୁରୁତ୍ୱପୂର୍ଣ୍ଣ ସୁପର ସ୍ପେଶାଲିଷ୍ଟ ବିଭାଗ କାର୍ଯ୍ୟକ୍ଷମ ହୋଇପାରିନାହିଁ। ଫଳରେ ନ୍ୟୁରୋଲୋଜି, କାର୍ଡିଓଲୋଜି, ନେଫ୍ରୋଲୋଜି ଭଳି ଗୁରୁତର ରୋଗର ଚିକିତ୍ସା ପାଇଁ ରୋଗୀଙ୍କୁ ବାଧ୍ୟ ହୋଇ କଟକ ଏସିବି କିମ୍ବା ଅନ୍ୟ ବଡ଼ ହସ୍ପିଟାଲକୁ ସ୍ଥାନାନ୍ତର କରାଯାଉଛି। ଦାବି ଅନୁଯାୟୀ ସୁପର ସ୍ପେଶାଲିଷ୍ଟ ସୁବିଧା ଅଭାବରୁ ପଣ୍ଡିତ ରଘୁନାଥ ମୁର୍ମୁ ହସ୍ପିଟାଲ ଏବେ କେବଳ ଏକ ରେଫରାଲ ସେଣ୍ଟରରେ ପରିଣତ ହୋଇଯାଇଛି। ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଭଳି ଏକ ବଡ଼ ଜିଲ୍ଲାରେ ଏକମାତ୍ର ସରକାରୀ ମେଡିକାଲ କଲେଜ ଥାଇ ମଧ୍ୟ ଲୋକଙ୍କୁ ୨୫୦ କି.ମି. ଦୂର କଟକ ଦୌଡ଼ିବାକୁ ପଡୁଛି। ଯାହାକି ଗରିବ ଓ ଆଦିବାସୀ ରୋଗୀଙ୍କ ପାଇଁ ଅତ୍ୟନ୍ତ କଷ୍ଟକର ଓ ବ୍ୟୟବହୁଳ ହେଉଛି। ପ୍ରତିନିଧି ଦଳ ଦାବି କରିଛନ୍ତି ଯେ ତୁରନ୍ତ ପିଆରଏମ୍ ମେଡିକାଲ କଲେଜରେ ସମସ୍ତ ଆବଶ୍ୟକୀୟ ସୁପର ସ୍ପେଶାଲିଷ୍ଟ ବିଭାଗ ଖୋଲାଯିବା ସହ ଡାକ୍ତର, ଷ୍ଟାଫ୍ ଓ ଉନ୍ନତ ଉପକରଣର ବ୍ୟବସ୍ଥା କରାଯାଉ। ଏହା ଦ୍ୱାରା ମୟୂରଭଞ୍ଜ ସମେତ ପାର୍ଶ୍ୱବର୍ତ୍ତୀ ଜିଲ୍ଲାର ଲୋକେ ମଧ୍ୟ ଉପକୃତ ହେବେ ଏବଂ ଜିଲ୍ଲାବାସୀଙ୍କୁ ଉଚିତ ଓ ଗୁଣାତ୍ମକ ସ୍ୱାସ୍ଥ୍ୟସେବା ମିଳିପାରିବ। ଦାବିପତ୍ର ପ୍ରଦାନ ବେଳେ ଅନ୍ୟ ମାନଙ୍କ ମଧ୍ୟରେ ରାଜୀବ କୁମାର ଜେନା, ବୁଦ୍ଧଦେବ କର, ପ୍ରଦୀପ କୁମାର ମିସ୍ତ୍ରୀ, ଆନନ୍ଦାନନ୍ଦ ଶଙ୍ଖୁଆ, ମାନସ ରଞ୍ଜନ ସ୍ୱାଇଁ, ମନୋଜ ବେହେରା, ତପନ କୁମାର ମଣ୍ଡଳ, ବିକର୍ତ୍ତନ ଲେଙ୍କା, ଯୋଗେଶ୍ୱର ପାଲବାବୁ, ସୌରେନ୍ଦ୍ର ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ। #mayurbhanj #dlh_khabar #baripadanews