“નિઝરમાં 42 નાવડીથી ગેરકાયદેસર રેતી ખનન, કાર્યવાહી માત્ર 2 પર! ભૂસ્તર વિભાગની કામગીરી સામે ઉઠ્યા સવાલો” તાપી જિલ્લાના નિઝર તાલુકાના કોઠલી ગામની સીમમાં ચાલી રહેલા ગેરકાયદેસર રેતી ખનન મામલે ભૂસ્તર વિભાગની કાર્યવાહી સામે હવે અનેક સવાલો ઊભા થઈ રહ્યા છે. સ્થાનિકોમાં ચર્ચા છે કે વિસ્તારમાં મોટી સંખ્યામાં નાવડીઓ મારફતે ખુલ્લેઆમ રેતી ખનન ચાલી રહ્યું હોવા છતાં વિભાગ દ્વારા માત્ર બે નાવડી સામે જ કાર્યવાહી કરવામાં આવી છે. મળતી માહિતી મુજબ, કોઠલી ગામની સીમમાં અંદાજે 42 જેટલી નાવડીઓ દ્વારા નદીમાંથી ગેરકાયદેસર રીતે રેતી કાઢવામાં આવી રહી હોવાનું કહેવાય છે. છતાં ભૂસ્તર વિભાગે માત્ર 2 નાવડી જ ઝડપી કાર્યવાહી કરી હોવાને કારણે લોકોમાં અસંતોષ જોવા મળી રહ્યો છે. સ્થાનિક લોકોનો આક્ષેપ છે કે વિસ્તારમાં લાંબા સમયથી રેતી માફિયાઓ બેફામ રીતે ખનન કરી રહ્યા છે, જેના કારણે નદીના પર્યાવરણ અને આસપાસના વિસ્તારને નુકસાન પહોંચી રહ્યું છે. તેમ છતાં તંત્ર તરફથી પૂરતી અને કડક કાર્યવાહી ન થતા અનેક સવાલો ઊભા થયા છે. લોકોમાં ચર્ચા છે કે જો ખરેખર 42 નાવડીઓ દ્વારા ખનન થતું હોય તો બાકીની નાવડીઓ સામે કાર્યવાહી કેમ કરવામાં આવી નથી? શું માત્ર દેખાવ પૂરતી કાર્યવાહી કરવામાં આવી છે કે પછી કોઈને બચાવવાનો પ્રયાસ થઈ રહ્યો છે? તેવા પ્રશ્નો પણ ઉઠી રહ્યા છે. હવે લોકો દ્વારા સમગ્ર મામલે નિષ્પક્ષ તપાસ સાથે ગેરકાયદેસર રેતી ખનન સામે કડક કાર્યવાહી કરવાની માંગ ઉઠી રહી છે.

Hansraj Padvi

કુકરમુંડા, તાપી, ગુજરાત•

2 hrs ago

“નિઝરમાં 42 નાવડીથી ગેરકાયદેસર રેતી ખનન, કાર્યવાહી માત્ર 2 પર! ભૂસ્તર વિભાગની કામગીરી સામે ઉઠ્યા સવાલો” તાપી જિલ્લાના નિઝર તાલુકાના કોઠલી ગામની સીમમાં ચાલી રહેલા ગેરકાયદેસર રેતી ખનન મામલે ભૂસ્તર વિભાગની કાર્યવાહી સામે હવે અનેક સવાલો ઊભા થઈ રહ્યા છે. સ્થાનિકોમાં ચર્ચા છે કે વિસ્તારમાં મોટી સંખ્યામાં નાવડીઓ મારફતે ખુલ્લેઆમ રેતી ખનન ચાલી રહ્યું હોવા છતાં વિભાગ દ્વારા માત્ર બે નાવડી સામે જ કાર્યવાહી કરવામાં આવી છે. મળતી માહિતી મુજબ, કોઠલી ગામની સીમમાં અંદાજે 42 જેટલી નાવડીઓ દ્વારા નદીમાંથી ગેરકાયદેસર રીતે રેતી કાઢવામાં આવી રહી હોવાનું કહેવાય છે. છતાં ભૂસ્તર વિભાગે માત્ર 2 નાવડી જ ઝડપી કાર્યવાહી કરી હોવાને કારણે લોકોમાં અસંતોષ જોવા મળી રહ્યો છે. સ્થાનિક લોકોનો આક્ષેપ છે કે વિસ્તારમાં લાંબા સમયથી રેતી માફિયાઓ બેફામ રીતે ખનન કરી રહ્યા છે, જેના કારણે નદીના પર્યાવરણ અને આસપાસના વિસ્તારને નુકસાન પહોંચી રહ્યું છે. તેમ છતાં તંત્ર તરફથી પૂરતી અને કડક કાર્યવાહી ન થતા અનેક સવાલો ઊભા થયા છે. લોકોમાં ચર્ચા છે કે જો ખરેખર 42 નાવડીઓ દ્વારા ખનન થતું હોય તો બાકીની નાવડીઓ સામે કાર્યવાહી કેમ કરવામાં આવી નથી? શું માત્ર દેખાવ પૂરતી કાર્યવાહી કરવામાં આવી છે કે પછી કોઈને બચાવવાનો પ્રયાસ થઈ રહ્યો છે? તેવા પ્રશ્નો પણ ઉઠી રહ્યા છે. હવે લોકો દ્વારા સમગ્ર મામલે નિષ્પક્ષ તપાસ સાથે ગેરકાયદેસર રેતી ખનન સામે કડક કાર્યવાહી કરવાની માંગ ઉઠી રહી છે.