ଶ୍ରୀଜଗନ୍ନାଥ ଧାମ ପୁରୀର ରାଧାବଲ୍ଲଭ ମଠ ନିକଟରେ ଶୁକ୍ରବାର ସନ୍ଧ୍ୟାରେ ବୟନିକାର ଏକ ଆଧୁନିକ ମେଗା ଶୋରୁମ୍‌କୁ ସମବାୟ, ହସ୍ତତନ୍ତ, ବସ୍ତ୍ର ଓ ହସ୍ତଶିଳ୍ପ ମନ୍ତ୍ରୀ ପ୍ରଦୀପ ବଳ ସାମନ୍ତ ଉଦ୍ଘାଟନ କରିଛନ୍ତି। ଏହି ଶୋରୁମ୍ ଦେଶ-ବିଦେଶରୁ ପୁରୀକୁ ଆସୁଥିବା ପର୍ଯ୍ୟଟକଙ୍କ ପାଇଁ ଓଡ଼ିଶାର ପାରମ୍ପରିକ ହସ୍ତତନ୍ତ ବସ୍ତ୍ରର ଏକ ପ୍ରମୁଖ ଆକର୍ଷଣ କେନ୍ଦ୍ର ହେବ। ଏହାଦ୍ୱାରା ରାଜ୍ୟର ହଜାର ହଜାର ବୁଣାକାରଙ୍କ ପାଇଁ ନୂଆ ବଜାର ସୁଯୋଗ ସୃଷ୍ଟି ହେବା ସହ ସେମାନଙ୍କ ଆର୍ଥିକ ସଶକ୍ତିକରଣକୁ ଗତି ମିଳିବ ବୋଲି ମନ୍ତ୍ରୀ ମତବ୍ୟକ୍ତ କରିଛନ୍ତି। ଉଦ୍ଘାଟନୀ ଉତ୍ସବରେ ରାଧାବଲ୍ଲଭ ମଠର ମହନ୍ତ ଶ୍ରୀ ରାମକୃଷ୍ଣ ଦାସ ମହାରାଜ, ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ ବିଭାଗର କମିଶନର-କମ୍-ଶାସନ ସଚିବ ଗୁହା ପୁନମ ତାପସ କୁମାର, ବୟନିକାର ସଭାପତି ପ୍ରକାଶ ଚନ୍ଦ୍ର ମେହେର, ପରିଚାଳନା ନିର୍ଦ୍ଦେଶିକା ଡ଼. ନିବେଦିତା ପୃଷ୍ଟି, ଉପ-ନିର୍ଦ୍ଦେଶକ (ବୟନଶିଳ୍ପ) ଇନ୍ଦ୍ରମଣୀ କାଣ୍ଡି, ସହକାରୀ ବୟନଶିଳ୍ପ ନିର୍ଦ୍ଦେଶକ ଜୟପ୍ରକାଶ ନାରାୟଣ ବିଶ୍ୱାଳ, ଉପ-ନିର୍ଦ୍ଦେଶକ (ହସ୍ତଶିଳ୍ପ) ବିଷ୍ଣୁପଦ ମାରାଣ୍ଡି, ବୟନିକା ପରିଚାଳନା ପରିଷଦର ସଦସ୍ୟ ଏବଂ ବୁଣାକାର ପ୍ରତିନିଧିମାନେ ଉପସ୍ଥିତ ଥିଲେ। ମନ୍ତ୍ରୀ କହିଛନ୍ତି ଯେ, ବୟନିକାର ନିଜସ୍ୱ ପାଣ୍ଠିରେ ନିର୍ମିତ ଏହି ମେଗା ଶୋରୁମ୍ ସଂସ୍ଥାର ଆର୍ଥିକ ସୁଦୃଢ଼ତା ଓ ବିକାଶ ପ୍ରତି ପ୍ରତିବଦ୍ଧତାର ପ୍ରତୀକ। ଶୋରୁମ୍‌ରେ ସମ୍ବଲପୁରୀ ଇକତ୍, ବୋମକାଇ, ଖଣ୍ଡୁଆ, କୋଟପାଡ଼ ସମେତ ରାଜ୍ୟର ବିଭିନ୍ନ ଅଞ୍ଚଳର ପାରମ୍ପରିକ ହସ୍ତତନ୍ତ ବସ୍ତ୍ର, ରେଡିମେଡ୍ ପୋଷାକ, ଗୃହ ସଜ୍ଜା ସାମଗ୍ରୀ ଓ ଅନ୍ୟାନ୍ୟ ହସ୍ତତନ୍ତ ଉତ୍ପାଦ ଗ୍ରାହକଙ୍କ ପାଇଁ ଉପଲବ୍ଧ ରହିଛି। ରାଜ୍ୟ ସରକାର ହସ୍ତତନ୍ତ ଓ ହସ୍ତଶିଳ୍ପ କ୍ଷେତ୍ରର ବିକାଶ, ବୁଣାକାରଙ୍କ ଆର୍ଥିକ ଉନ୍ନତି ଏବଂ ଓଡ଼ିଶାର ପାରମ୍ପରିକ ବସ୍ତ୍ରକୁ ବିଶ୍ୱ ବଜାରରେ ସ୍ୱତନ୍ତ୍ର ପରିଚୟ ଦେବା ପାଇଁ ବିପଣନ ବ୍ୟବସ୍ଥାର ଆଧୁନିକୀକରଣ ଓ ମୂଲ୍ୟ ସଂବର୍ଦ୍ଧନ ଉପରେ ଗୁରୁତ୍ୱ ଦେଉଥିବା ମନ୍ତ୍ରୀ ପ୍ରକାଶ କରିଛନ୍ତି।

Puri Update News

Court reporter ପୁରୀ (M), ପୁରୀ, ଓଡ଼ିଶା•

14 hrs ago

ଶ୍ରୀଜଗନ୍ନାଥ ଧାମ ପୁରୀର ରାଧାବଲ୍ଲଭ ମଠ ନିକଟରେ ଶୁକ୍ରବାର ସନ୍ଧ୍ୟାରେ ବୟନିକାର ଏକ ଆଧୁନିକ ମେଗା ଶୋରୁମ୍‌କୁ ସମବାୟ, ହସ୍ତତନ୍ତ, ବସ୍ତ୍ର ଓ ହସ୍ତଶିଳ୍ପ ମନ୍ତ୍ରୀ ପ୍ରଦୀପ ବଳ ସାମନ୍ତ ଉଦ୍ଘାଟନ କରିଛନ୍ତି। ଏହି ଶୋରୁମ୍ ଦେଶ-ବିଦେଶରୁ ପୁରୀକୁ ଆସୁଥିବା ପର୍ଯ୍ୟଟକଙ୍କ ପାଇଁ ଓଡ଼ିଶାର ପାରମ୍ପରିକ ହସ୍ତତନ୍ତ ବସ୍ତ୍ରର ଏକ ପ୍ରମୁଖ ଆକର୍ଷଣ କେନ୍ଦ୍ର ହେବ। ଏହାଦ୍ୱାରା ରାଜ୍ୟର ହଜାର ହଜାର ବୁଣାକାରଙ୍କ ପାଇଁ ନୂଆ

ବଜାର ସୁଯୋଗ ସୃଷ୍ଟି ହେବା ସହ ସେମାନଙ୍କ ଆର୍ଥିକ ସଶକ୍ତିକରଣକୁ ଗତି ମିଳିବ ବୋଲି ମନ୍ତ୍ରୀ ମତବ୍ୟକ୍ତ କରିଛନ୍ତି। ଉଦ୍ଘାଟନୀ ଉତ୍ସବରେ ରାଧାବଲ୍ଲଭ ମଠର ମହନ୍ତ ଶ୍ରୀ ରାମକୃଷ୍ଣ ଦାସ ମହାରାଜ, ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ ବିଭାଗର କମିଶନର-କମ୍-ଶାସନ ସଚିବ ଗୁହା ପୁନମ ତାପସ କୁମାର, ବୟନିକାର ସଭାପତି ପ୍ରକାଶ ଚନ୍ଦ୍ର ମେହେର, ପରିଚାଳନା ନିର୍ଦ୍ଦେଶିକା ଡ଼. ନିବେଦିତା ପୃଷ୍ଟି, ଉପ-ନିର୍ଦ୍ଦେଶକ (ବୟନଶିଳ୍ପ) ଇନ୍ଦ୍ରମଣୀ କାଣ୍ଡି,

ସହକାରୀ ବୟନଶିଳ୍ପ ନିର୍ଦ୍ଦେଶକ ଜୟପ୍ରକାଶ ନାରାୟଣ ବିଶ୍ୱାଳ, ଉପ-ନିର୍ଦ୍ଦେଶକ (ହସ୍ତଶିଳ୍ପ) ବିଷ୍ଣୁପଦ ମାରାଣ୍ଡି, ବୟନିକା ପରିଚାଳନା ପରିଷଦର ସଦସ୍ୟ ଏବଂ ବୁଣାକାର ପ୍ରତିନିଧିମାନେ ଉପସ୍ଥିତ ଥିଲେ। ମନ୍ତ୍ରୀ କହିଛନ୍ତି ଯେ, ବୟନିକାର ନିଜସ୍ୱ ପାଣ୍ଠିରେ ନିର୍ମିତ ଏହି ମେଗା ଶୋରୁମ୍ ସଂସ୍ଥାର ଆର୍ଥିକ ସୁଦୃଢ଼ତା ଓ ବିକାଶ ପ୍ରତି ପ୍ରତିବଦ୍ଧତାର ପ୍ରତୀକ। ଶୋରୁମ୍‌ରେ ସମ୍ବଲପୁରୀ ଇକତ୍, ବୋମକାଇ, ଖଣ୍ଡୁଆ, କୋଟପାଡ଼ ସମେତ ରାଜ୍ୟର ବିଭିନ୍ନ ଅଞ୍ଚଳର ପାରମ୍ପରିକ

ହସ୍ତତନ୍ତ ବସ୍ତ୍ର, ରେଡିମେଡ୍ ପୋଷାକ, ଗୃହ ସଜ୍ଜା ସାମଗ୍ରୀ ଓ ଅନ୍ୟାନ୍ୟ ହସ୍ତତନ୍ତ ଉତ୍ପାଦ ଗ୍ରାହକଙ୍କ ପାଇଁ ଉପଲବ୍ଧ ରହିଛି। ରାଜ୍ୟ ସରକାର ହସ୍ତତନ୍ତ ଓ ହସ୍ତଶିଳ୍ପ କ୍ଷେତ୍ରର ବିକାଶ, ବୁଣାକାରଙ୍କ ଆର୍ଥିକ ଉନ୍ନତି ଏବଂ ଓଡ଼ିଶାର ପାରମ୍ପରିକ ବସ୍ତ୍ରକୁ ବିଶ୍ୱ ବଜାରରେ ସ୍ୱତନ୍ତ୍ର ପରିଚୟ ଦେବା ପାଇଁ ବିପଣନ ବ୍ୟବସ୍ଥାର ଆଧୁନିକୀକରଣ ଓ ମୂଲ୍ୟ ସଂବର୍ଦ୍ଧନ ଉପରେ ଗୁରୁତ୍ୱ ଦେଉଥିବା ମନ୍ତ୍ରୀ ପ୍ରକାଶ କରିଛନ୍ତି।