தேனி அருகே மாரியம்மன்கோவில்பட்டியைச் சேர்ந்த 34 வயது ஓட்டுநரான சன்னாசி, தன் மனைவி தனலட்சுமி திருமண மோசடியில் ஈடுபட்டு நகைகளை அபகரித்துச் சென்றதாகவும், இது குறித்து புகார் அளித்தும் இதுவரை எந்த நடவடிக்கையும் எடுக்கப்படவில்லை என்றும் குற்றஞ்சாட்டியுள்ளார். கடந்த 2024 ஆம் ஆண்டில் தேனி அம்மாபுரத்தைச் சேர்ந்த தனலட்சுமியை சன்னாசி திருமணம் செய்துகொண்டார். இருவரும் ஒன்றாக வாழ்ந்து வந்த நிலையில், சன்னாசி பணி நிமித்தமாக வெளியூர் சென்றிருந்தபோது, தனலட்சுமி வீட்டில் இருந்த 6 பவுன் நகைகளை எடுத்துக்கொண்டு தனது அம்மா வீட்டிற்குச் சென்றதாகக் கூறப்படுகிறது. சன்னாசி வீடு திரும்பியபோது நகைகளைப் பற்றிக் கேட்டபோது, தனலட்சுமி நகைகளை அடமானம் வைத்திருப்பதாகவும், மீட்டுத் தருவதாகவும் கூறி காலம்தாழ்த்தி வந்திருக்கிறார். மேலும், அவர் வீட்டிற்கும் வராமல் நகைகளையும் கொடுக்காமல் தன்னையும், தனது தாயாரையும் ஏமாற்றி வந்ததாகவும் சன்னாசி தெரிவித்துள்ளார். நேரில் சென்று மனைவியிடம் கேட்கச் சென்றபோது, தனலட்சுமி கோயம்புத்தூர் சென்றுவிட்டதாக அவரது தாயார் கூறியுள்ளார். பின்னர் சன்னாசி விசாரித்ததில், தனலட்சுமி கோயம்புத்தூரில் வேறொரு நபரைத் திருமணம் செய்து கொண்டு தன்னை ஏமாற்றியது தெரியவந்துள்ளது. தனக்கு முன்னதாகவே இரண்டு நபர்களை இதேபோல திருமணம் செய்து அவர்களிடம் நகைகளை பறித்து ஏமாற்றியதாகவும், தற்போது தன்னிடமும் நகைகளை ஏமாற்றிவிட்டு, கோயம்புத்தூரைச் சேர்ந்த ஒருவரை நான்காவது முறையாகத் திருமணம் செய்துகொண்டு ஏமாற்றியதாகவும் சன்னாசி குற்றம் சாட்டியுள்ளார். தன்னைப்போல் யாரும் ஏமாறக்கூடாது என்று கூறியுள்ள அவர், தேனி மகளிர் காவல் நிலையத்தில் இதுகுறித்து புகார் அளித்தும் இதுவரை எந்த நடவடிக்கையும் எடுக்கப்படவில்லை என வேதனை தெரிவித்துள்ளார். தன்னை ஏமாற்றி மோசடி செய்த தனது மனைவி மற்றும் அவரது தாயார் மீது உரிய நடவடிக்கை எடுத்து, தனது நகைகளை மீட்டுத் தர வேண்டும் என்றும் சன்னாசி கோரிக்கை விடுத்துள்ளார்.

SELVAKUMAR D

Psychologist போடிநாயக்கனூர், தேனி, தமிழ்நாடு•

5 hrs ago

தேனி அருகே மாரியம்மன்கோவில்பட்டியைச் சேர்ந்த 34 வயது ஓட்டுநரான சன்னாசி, தன் மனைவி தனலட்சுமி திருமண மோசடியில் ஈடுபட்டு நகைகளை அபகரித்துச் சென்றதாகவும், இது குறித்து புகார் அளித்தும் இதுவரை எந்த நடவடிக்கையும் எடுக்கப்படவில்லை என்றும் குற்றஞ்சாட்டியுள்ளார். கடந்த 2024 ஆம் ஆண்டில் தேனி அம்மாபுரத்தைச் சேர்ந்த தனலட்சுமியை சன்னாசி திருமணம் செய்துகொண்டார். இருவரும் ஒன்றாக வாழ்ந்து வந்த நிலையில், சன்னாசி பணி நிமித்தமாக வெளியூர் சென்றிருந்தபோது, தனலட்சுமி வீட்டில் இருந்த 6 பவுன் நகைகளை எடுத்துக்கொண்டு தனது அம்மா வீட்டிற்குச் சென்றதாகக் கூறப்படுகிறது. சன்னாசி வீடு திரும்பியபோது நகைகளைப் பற்றிக் கேட்டபோது, தனலட்சுமி நகைகளை அடமானம் வைத்திருப்பதாகவும், மீட்டுத் தருவதாகவும் கூறி காலம்தாழ்த்தி வந்திருக்கிறார். மேலும், அவர் வீட்டிற்கும் வராமல் நகைகளையும் கொடுக்காமல் தன்னையும், தனது தாயாரையும் ஏமாற்றி வந்ததாகவும் சன்னாசி தெரிவித்துள்ளார். நேரில் சென்று மனைவியிடம் கேட்கச் சென்றபோது, தனலட்சுமி கோயம்புத்தூர் சென்றுவிட்டதாக அவரது தாயார் கூறியுள்ளார். பின்னர் சன்னாசி விசாரித்ததில், தனலட்சுமி கோயம்புத்தூரில் வேறொரு நபரைத் திருமணம் செய்து கொண்டு தன்னை ஏமாற்றியது தெரியவந்துள்ளது. தனக்கு முன்னதாகவே இரண்டு நபர்களை இதேபோல திருமணம் செய்து அவர்களிடம் நகைகளை பறித்து ஏமாற்றியதாகவும், தற்போது தன்னிடமும் நகைகளை ஏமாற்றிவிட்டு, கோயம்புத்தூரைச் சேர்ந்த ஒருவரை நான்காவது முறையாகத் திருமணம் செய்துகொண்டு ஏமாற்றியதாகவும் சன்னாசி குற்றம் சாட்டியுள்ளார். தன்னைப்போல் யாரும் ஏமாறக்கூடாது என்று கூறியுள்ள அவர், தேனி மகளிர் காவல் நிலையத்தில் இதுகுறித்து புகார் அளித்தும் இதுவரை எந்த நடவடிக்கையும் எடுக்கப்படவில்லை என வேதனை தெரிவித்துள்ளார். தன்னை ஏமாற்றி மோசடி செய்த தனது மனைவி மற்றும் அவரது தாயார் மீது உரிய நடவடிக்கை எடுத்து, தனது நகைகளை மீட்டுத் தர வேண்டும் என்றும் சன்னாசி கோரிக்கை விடுத்துள்ளார்.