అధికారుల నిర్లక్ష్యంపై గ్రామస్తులు, గిరిజన విద్యార్థి సంఘం ఆగ్రహం శిథిలావస్థలో కిండలం ప్రభుత్వ పాఠశాల చందాలు వేసుకుని మరమ్మతులు చేసిన గ్రామస్తులు అల్లూరి సీతారామరాజు జిల్లా పెదబయలు మండలం కుంతుర్ల పంచాయతీ పరిధిలోని కిండలం గ్రామ ప్రభుత్వ ప్రాథమిక పాఠశాల (ఎంపీపీ స్కూల్) తీవ్ర శిథిలావస్థకు చేరుకోవడంతో ఆదివాసీ విద్యార్థులు తీవ్ర ఇబ్బందులు ఎదుర్కొంటున్నారు. పాఠశాల భవనం పైకప్పులోని ఐరన్ రేకులు పూర్తిగా దెబ్బతిని పెద్ద పెద్ద రంధ్రాలు ఏర్పడటంతో వర్షపు నీరు నేరుగా తరగతి గదుల్లోకి చేరుతోంది. దీంతో సుమారు 36 మంది విద్యార్థులు చదువుకునే పరిస్థితి లేకుండా పోయిందని ఆ గ్రామస్తులు ఆవేదన వ్యక్తం చేస్తున్నారు. వర్షాకాలంలో తరగతి గదులన్నీ నీటితో నిండిపోవడంతో విద్యార్థులు కూర్చోవడానికి కూడా వీలు లేకుండా పోయిందని, ఉపాధ్యాయులు పాఠాలు బోధించడానికే ఇబ్బందులు ఎదుర్కొంటున్నారని తెలిపారు. ఈ సమస్యపై పలుమార్లు విద్యాశాఖ అధికారులకు, సంబంధిత శాఖలకు వినతిపత్రాలు సమర్పించినప్పటికీ ఎలాంటి చర్యలు తీసుకోలేదని గ్రామస్తులు ఆరోపించారు. అధికారుల నిర్లక్ష్యంతో విసిగిపోయిన గ్రామస్తులు చివరకు తమ సొంత నిధులతో చందాలు సేకరించి టార్పాలిన్ కొనుగోలు చేసి, శుక్రవారం పాఠశాల పైకప్పుకు కప్పి తాత్కాలిక మరమ్మతులు చేపట్టారు. ప్రభుత్వ పాఠశాల మరమ్మతులకు ప్రజలే చందాలు వేసుకోవాల్సిన పరిస్థితి రావడం దురదృష్టకరమని వారు ఆవేదన వ్యక్తం చేశారు. ఈ సందర్భంగా గిరిజన విద్యార్థి సంఘం (GSU) జిల్లా అధ్యక్షుడు మణుగూరు బాబుజీ మాట్లాడుతూ, కిండలం పాఠశాల సమస్యపై పాడేరు ఐటీడీఏ గ్రీవెన్స్‌లో పలుమార్లు ఫిర్యాదులు చేసినప్పటికీ స్పందన లేదన్నారు. వార్తాపత్రికల్లో సమస్య వెలుగులోకి వచ్చినా అధికారులు పట్టించుకోకపోవడం బాధాకరమన్నారు. కిండలం గ్రామమే కాకుండా ఏజెన్సీలోని అనేక గిరిజన పాఠశాలలు ఇదే దుస్థితిని ఎదుర్కొంటున్నాయని పేర్కొన్నారు. జిల్లా కలెక్టర్, ఐటీడీఏ ప్రాజెక్టు అధికారి తక్షణమే స్పందించి కిండలం పాఠశాల భవనాన్ని మరమ్మతు చేయడంతో పాటు ఏజెన్సీలోని శిథిలావస్థలో ఉన్న అన్ని గిరిజన పాఠశాలల్లో మౌలిక వసతులు కల్పించాలని గిరిజన విద్యార్థి సంఘం డిమాండ్ చేసింది.

Nava surya

జర్నలిస్ట్ డుంబ్రిగూడ, అల్లూరి సీతారామ రాజు, ఆంధ్రప్రదేశ్•

12 hrs ago

అధికారుల నిర్లక్ష్యంపై గ్రామస్తులు, గిరిజన విద్యార్థి సంఘం ఆగ్రహం శిథిలావస్థలో కిండలం ప్రభుత్వ పాఠశాల చందాలు వేసుకుని మరమ్మతులు చేసిన గ్రామస్తులు అల్లూరి సీతారామరాజు జిల్లా పెదబయలు మండలం కుంతుర్ల పంచాయతీ పరిధిలోని కిండలం గ్రామ ప్రభుత్వ ప్రాథమిక పాఠశాల (ఎంపీపీ స్కూల్) తీవ్ర శిథిలావస్థకు చేరుకోవడంతో ఆదివాసీ విద్యార్థులు తీవ్ర ఇబ్బందులు ఎదుర్కొంటున్నారు. పాఠశాల భవనం పైకప్పులోని ఐరన్ రేకులు పూర్తిగా దెబ్బతిని పెద్ద పెద్ద రంధ్రాలు ఏర్పడటంతో వర్షపు నీరు నేరుగా తరగతి గదుల్లోకి చేరుతోంది. దీంతో సుమారు 36 మంది విద్యార్థులు చదువుకునే పరిస్థితి లేకుండా పోయిందని ఆ గ్రామస్తులు ఆవేదన వ్యక్తం చేస్తున్నారు. వర్షాకాలంలో తరగతి గదులన్నీ నీటితో నిండిపోవడంతో విద్యార్థులు కూర్చోవడానికి కూడా వీలు లేకుండా పోయిందని, ఉపాధ్యాయులు పాఠాలు బోధించడానికే ఇబ్బందులు ఎదుర్కొంటున్నారని తెలిపారు. ఈ సమస్యపై పలుమార్లు విద్యాశాఖ అధికారులకు, సంబంధిత శాఖలకు వినతిపత్రాలు సమర్పించినప్పటికీ ఎలాంటి చర్యలు తీసుకోలేదని గ్రామస్తులు ఆరోపించారు. అధికారుల నిర్లక్ష్యంతో విసిగిపోయిన గ్రామస్తులు చివరకు తమ సొంత నిధులతో చందాలు సేకరించి టార్పాలిన్ కొనుగోలు చేసి, శుక్రవారం పాఠశాల పైకప్పుకు కప్పి తాత్కాలిక మరమ్మతులు చేపట్టారు. ప్రభుత్వ పాఠశాల మరమ్మతులకు ప్రజలే చందాలు వేసుకోవాల్సిన పరిస్థితి రావడం దురదృష్టకరమని వారు ఆవేదన వ్యక్తం చేశారు. ఈ సందర్భంగా గిరిజన విద్యార్థి సంఘం (GSU) జిల్లా అధ్యక్షుడు మణుగూరు బాబుజీ మాట్లాడుతూ, కిండలం పాఠశాల సమస్యపై పాడేరు ఐటీడీఏ గ్రీవెన్స్‌లో పలుమార్లు ఫిర్యాదులు చేసినప్పటికీ స్పందన లేదన్నారు. వార్తాపత్రికల్లో సమస్య వెలుగులోకి వచ్చినా అధికారులు పట్టించుకోకపోవడం బాధాకరమన్నారు. కిండలం గ్రామమే కాకుండా ఏజెన్సీలోని అనేక గిరిజన పాఠశాలలు ఇదే దుస్థితిని ఎదుర్కొంటున్నాయని పేర్కొన్నారు. జిల్లా కలెక్టర్, ఐటీడీఏ ప్రాజెక్టు అధికారి తక్షణమే స్పందించి కిండలం పాఠశాల భవనాన్ని మరమ్మతు చేయడంతో పాటు ఏజెన్సీలోని శిథిలావస్థలో ఉన్న అన్ని గిరిజన పాఠశాలల్లో మౌలిక వసతులు కల్పించాలని గిరిజన విద్యార్థి సంఘం డిమాండ్ చేసింది.