தூத்துக்குடி கப்பல் கட்டும் தளத்திற்கு விரைவில் திட்ட அறிக்கை: துறைமுக ஆணையர் தகவல் தூத்துக்குடி வ.உ.சிதம்பரனார் துறைமுக வளாகத்தில் கப்பல் கட்டும் தளம் அமைப்பதற்காக விரிவான திட்ட அறிக்கை 4 முதல் 6 மாதங்களில் தயாரிக்கப்படும் என்று துறைமுக ஆணையத் தலைவர் சுசாந்த குமார் புரோஹித் தெரிவித்துள்ளார். தூத்துக்குடி வ.உ.சி. துறைமுகம், கேபிஎம்ஜி நிறுவனத்துடன் இணைந்து ஏற்பாடு செய்த, துறைமுக செயல்முறை திறன் மேம்பாட்டு பயிலரங்கம் நடைபெற்றது. இந்தப் பயிலரங்கத்தை துறைமுகங்கள், கப்பல் போக்குவரத்து - நீர்வழிகள் அமைச்சகத்தின் செயலர் விஜய்குமார் காணொலிக் காட்சி மூலம் தொடங்கி வைத்தார். துறைமுகத்தின் முக்கிய பங்குதாரர்கள் கலந்து கொண்ட இப்பயிலரங்கில், ‘வ.உ.சி.துறைமுக ஆணையத்தில் சரக்கு போக்குவரத்தின் வளர்ச்சி வாய்ப்புகளை வெளிக்கொணர்தல்’ என்னும் தலைப்பில் அறிவியல் கையேடு வெளியிடப்பட்டது. அதைத் தொடர்ந்து துறைமுக ஆணையத் தலைவர் சுசாந்த குமார் புரோஹித், துணைத் தலைவர் ராஜேஷ் சௌந்தரராஜன் ஆகியோர் கூட்டாக செய்தியாளர்களுக்கு அளித்த பேட்டியில், "கடல் சார் வணிக மேம்பாட்டு திட்டத்தில் தூத்துக்குடி துறைமுகத்தில் பல்வேறு வளர்ச்சிப் பணிகள் மேற்கொள்ளப்பட்டு வருகின்றன. கடந்த நிதியாண்டில் மூன்று கப்பல் தளங்கள் தொடங்கப்பட்டுள்ளன. நிகழ் நிதியாண்டில் 41.72 மில்லியன் டன் சரக்குகள் கையாளப்பட்டுள்ளன. இது கடந்த ஆண்டை விட 4.4 சதவீதம் கூடுதலாகும்.மேலும், பத்தாவது சரக்குத் தளம் ரூ.87 கோடி செலவில் அமைக்கப்பட்டு வருகிறது. நாட்டின் முதல் பசுமை துறைமுகமாக இந்த துறைமுகத்தை மாற்றும் வகையில் பல்வேறு நடவடிக்கைகள் எடுக்கப்பட்டு வருகின்றன. அதன் ஒரு பகுதியாக பசுமை ஹைட்ரஜன், பசுமை மெத்தனால் சேமிப்பு கிடங்குகள் அமைப்பதற்காக பணிகள் தொடங்கப்பட உள்ளன. தொடர்ந்து துறைமுகத்தில் தகவல் தொழில்நுட்பம், செயற்கை நுண்ணறிவு தொழில்நுட்பம் போன்றவற்றில் பல்வேறு பணிகள் மேம்படுத்தப்பட உள்ளன. 6 மெகாவாட் சூரிய ஒளி மின் திட்டம், 2 மெகாவாட் காற்றாலை மின் திட்டங்கள் செயல்படுத்தப்பட்டுள்ளன. 6 மெகாவாட் காற்றாலை மின் திட்டம் அமைக்கப்பட உள்ளது. பசுமை எரிவாயு மூலமாக இயங்கக்கூடிய கப்பல்களுக்காக, பசுமை எரிவாயு உற்பத்தி செய்ய திட்டமிடப்பட்டுள்ளது. மேக் இன் இந்தியா திட்டத்தில் பல வளர்ச்சி திட்டங்களுக்கு முன்னுரிமை அளிக்கப்பட்டு வருகிறது. துறைமுக வளாகத்தில் 2029 ஆம் ஆண்டு பசுமை ஹைட்ரஜன் ஆலை அமைப்பதற்கான பணிகள் நடைபெற்று வருகின்றன. கடலுக்குள் காற்றாலை அமைக்க திட்டமிடப்பட்டு வருகிறது. தூத்துக்குடி துறைமுக வளாகத்தில் கப்பல் கட்டும் தளம் அமைப்பதற்காக விரிவான திட்ட அறிக்கை இன்னும் 4 முதல் 6 மாதங்களில் தயாரிக்கப்படும் என்று தெரிவித்தனர். .

மா.சுடலைமணி

Journalist Thoothukkudi, Tuticorin•

1 day ago

தூத்துக்குடி கப்பல் கட்டும் தளத்திற்கு விரைவில் திட்ட அறிக்கை: துறைமுக ஆணையர் தகவல் தூத்துக்குடி வ.உ.சிதம்பரனார் துறைமுக வளாகத்தில் கப்பல் கட்டும் தளம் அமைப்பதற்காக விரிவான திட்ட அறிக்கை 4 முதல் 6 மாதங்களில் தயாரிக்கப்படும் என்று துறைமுக ஆணையத் தலைவர் சுசாந்த குமார் புரோஹித் தெரிவித்துள்ளார். தூத்துக்குடி வ.உ.சி. துறைமுகம், கேபிஎம்ஜி நிறுவனத்துடன் இணைந்து ஏற்பாடு செய்த, துறைமுக செயல்முறை திறன் மேம்பாட்டு பயிலரங்கம் நடைபெற்றது. இந்தப் பயிலரங்கத்தை துறைமுகங்கள், கப்பல் போக்குவரத்து - நீர்வழிகள் அமைச்சகத்தின் செயலர் விஜய்குமார் காணொலிக் காட்சி மூலம் தொடங்கி வைத்தார். துறைமுகத்தின் முக்கிய பங்குதாரர்கள் கலந்து கொண்ட இப்பயிலரங்கில், ‘வ.உ.சி.துறைமுக ஆணையத்தில் சரக்கு போக்குவரத்தின் வளர்ச்சி வாய்ப்புகளை வெளிக்கொணர்தல்’ என்னும் தலைப்பில் அறிவியல் கையேடு வெளியிடப்பட்டது. அதைத் தொடர்ந்து துறைமுக ஆணையத் தலைவர் சுசாந்த குமார் புரோஹித், துணைத் தலைவர் ராஜேஷ் சௌந்தரராஜன் ஆகியோர் கூட்டாக செய்தியாளர்களுக்கு அளித்த பேட்டியில், "கடல் சார் வணிக மேம்பாட்டு திட்டத்தில் தூத்துக்குடி துறைமுகத்தில் பல்வேறு வளர்ச்சிப் பணிகள் மேற்கொள்ளப்பட்டு வருகின்றன. கடந்த நிதியாண்டில் மூன்று கப்பல் தளங்கள் தொடங்கப்பட்டுள்ளன. நிகழ் நிதியாண்டில் 41.72 மில்லியன் டன் சரக்குகள் கையாளப்பட்டுள்ளன. இது கடந்த ஆண்டை விட 4.4 சதவீதம் கூடுதலாகும்.மேலும், பத்தாவது சரக்குத் தளம் ரூ.87 கோடி செலவில் அமைக்கப்பட்டு வருகிறது. நாட்டின் முதல் பசுமை துறைமுகமாக இந்த துறைமுகத்தை மாற்றும் வகையில் பல்வேறு நடவடிக்கைகள் எடுக்கப்பட்டு வருகின்றன. அதன் ஒரு பகுதியாக பசுமை ஹைட்ரஜன், பசுமை மெத்தனால் சேமிப்பு கிடங்குகள் அமைப்பதற்காக பணிகள் தொடங்கப்பட உள்ளன. தொடர்ந்து துறைமுகத்தில் தகவல் தொழில்நுட்பம், செயற்கை நுண்ணறிவு தொழில்நுட்பம் போன்றவற்றில் பல்வேறு பணிகள் மேம்படுத்தப்பட உள்ளன. 6 மெகாவாட் சூரிய ஒளி மின் திட்டம், 2 மெகாவாட் காற்றாலை மின் திட்டங்கள் செயல்படுத்தப்பட்டுள்ளன. 6 மெகாவாட் காற்றாலை மின் திட்டம் அமைக்கப்பட உள்ளது. பசுமை எரிவாயு மூலமாக இயங்கக்கூடிய கப்பல்களுக்காக, பசுமை எரிவாயு உற்பத்தி செய்ய திட்டமிடப்பட்டுள்ளது. மேக் இன் இந்தியா திட்டத்தில் பல வளர்ச்சி திட்டங்களுக்கு முன்னுரிமை அளிக்கப்பட்டு வருகிறது. துறைமுக வளாகத்தில் 2029 ஆம் ஆண்டு பசுமை ஹைட்ரஜன் ஆலை அமைப்பதற்கான பணிகள் நடைபெற்று வருகின்றன. கடலுக்குள் காற்றாலை அமைக்க திட்டமிடப்பட்டு வருகிறது. தூத்துக்குடி துறைமுக வளாகத்தில் கப்பல் கட்டும் தளம் அமைப்பதற்காக விரிவான திட்ட அறிக்கை இன்னும் 4 முதல் 6 மாதங்களில் தயாரிக்கப்படும் என்று தெரிவித்தனர். .