మేడ్చల్ మల్కాజిగిరి జిల్లా కుత్బుల్లాపూర్ పరిధిలోని చింతల్‌లో గల శోభన డయాగ్నస్టిక్ సెంటర్‌లో ఆదివారం మెగా రక్తదాన శిబిరం ఘనంగా నిర్వహించబడింది. తలసేమియా అండ్ సికిల్ సెల్ సొసైటీ ఆధ్వర్యంలో, ఆర్థోపెటిక్ డాక్టర్ సాయిచంద్ర నేతృత్వంలో జరిగిన ఈ శిబిరంలో సుమారు 80 మందికి పైగా యువత స్వచ్ఛందంగా రక్తదానం చేశారు. ఈ కార్యక్రమానికి ముఖ్య అతిథిగా బిజెపి ఎస్సీ మోర్చా రాష్ట్ర ప్రధాన కార్యదర్శి డాక్టర్ దాసి నాగరాజు హాజరై రక్తదానం చేసిన దాతలను అభినందించడంతో పాటు వారికి సర్టిఫికెట్లను అందజేశారు. ఈ మంచి కార్యక్రమాన్ని ఏర్పాటు చేసిన డాక్టర్ సాయిచంద్రను ఆయన ప్రత్యేకంగా అభినందించారు. ఈ సందర్భంగా డాక్టర్ దాసి నాగరాజు మాట్లాడుతూ, రక్తదానం ప్రాణదానంతో సమానమని పేర్కొన్నారు. రాష్ట్రవ్యాప్తంగా రోజుకు సగటున 70 రోడ్డు ప్రమాదాలు జరుగుతున్నాయని, అందులో కనీసం 20 మంది ప్రాణాలు కోల్పోతున్నారని ఆందోళన వ్యక్తం చేశారు. ప్రమాద బాధితులు, గర్భిణీ స్త్రీలు, క్యాన్సర్ మరియు తలసేమియాతో బాధపడుతున్న చిన్నారులకు రక్తం అత్యవసరమని ఆయన గుర్తుచేశారు. యువత సామాజిక బాధ్యతతో, దేశభక్తితో రక్తదానం చేసి ప్రాణదాతలుగా మారాలని పిలుపునిచ్చారు. ఈ కార్యక్రమంలో బిజెపి రాష్ట్ర కార్యవర్గ సభ్యులు వాసు మరియు స్థానికులు పాల్గొన్నారు.

ఏబ్బనూర్ అంజిలయ్య

బొమరాస్‌పేట, వికారాబాద్, తెలంగాణ•

1 hr ago

మేడ్చల్ మల్కాజిగిరి జిల్లా కుత్బుల్లాపూర్ పరిధిలోని చింతల్‌లో గల శోభన డయాగ్నస్టిక్ సెంటర్‌లో ఆదివారం మెగా రక్తదాన శిబిరం ఘనంగా నిర్వహించబడింది. తలసేమియా అండ్ సికిల్ సెల్ సొసైటీ ఆధ్వర్యంలో, ఆర్థోపెటిక్ డాక్టర్ సాయిచంద్ర నేతృత్వంలో జరిగిన ఈ శిబిరంలో సుమారు 80 మందికి పైగా యువత స్వచ్ఛందంగా రక్తదానం చేశారు. ఈ కార్యక్రమానికి ముఖ్య అతిథిగా బిజెపి ఎస్సీ మోర్చా రాష్ట్ర ప్రధాన కార్యదర్శి డాక్టర్ దాసి నాగరాజు హాజరై రక్తదానం చేసిన దాతలను అభినందించడంతో పాటు వారికి సర్టిఫికెట్లను అందజేశారు. ఈ మంచి కార్యక్రమాన్ని ఏర్పాటు చేసిన డాక్టర్ సాయిచంద్రను ఆయన ప్రత్యేకంగా అభినందించారు. ఈ సందర్భంగా డాక్టర్ దాసి నాగరాజు మాట్లాడుతూ, రక్తదానం ప్రాణదానంతో సమానమని పేర్కొన్నారు. రాష్ట్రవ్యాప్తంగా రోజుకు సగటున 70 రోడ్డు ప్రమాదాలు జరుగుతున్నాయని, అందులో కనీసం 20 మంది ప్రాణాలు కోల్పోతున్నారని ఆందోళన వ్యక్తం చేశారు. ప్రమాద బాధితులు, గర్భిణీ స్త్రీలు, క్యాన్సర్ మరియు తలసేమియాతో బాధపడుతున్న చిన్నారులకు రక్తం అత్యవసరమని ఆయన గుర్తుచేశారు. యువత సామాజిక బాధ్యతతో, దేశభక్తితో రక్తదానం చేసి ప్రాణదాతలుగా మారాలని పిలుపునిచ్చారు. ఈ కార్యక్రమంలో బిజెపి రాష్ట్ర కార్యవర్గ సభ్యులు వాసు మరియు స్థానికులు పాల్గొన్నారు.