दहा वर्षांपासून सर्वधर्मीय नागरिक एकत्र येत साजरा करतात गणेशोत्सव; पलावा सिटीतील ‘एक्झोटीका राजा’ ठरतोय आकर्षण कल्याण : कल्याण शिळ रोडवरील पलावा सिटीतील कासारिया गोल्ड परिसरात गेल्या दहा वर्षांपासून सर्वधर्मीय नागरिक एकत्र येऊन गणेशोत्सव मोठ्या उत्साहात साजरा करत आहेत. यंदाही एक्झोटीका क्रीडा व सांस्कृतिक समितीच्या वतीने ‘एक्झोटीका राजा’चे थाटामाटात आगमन झाले असून, गणेशमूर्तीचे आकर्षक सजावट आणि भव्य मंडप पाहण्यासाठी भाविकांची गर्दी होत आहे. या गणेशोत्सवाचे विशेष आकर्षण म्हणजे सर्वधर्म समभावाचा संदेश. समितीमध्ये हिंदू, शीख, ख्रिश्चन आणि मुस्लिम समाजातील नागरिक एकत्रितपणे सहभागी होत गणेशोत्सवाचे आयोजन करतात. विशेष म्हणजे, समितीच्या वतीने यंदाही तब्बल ३५० फूट लांबीचा भव्य मंडप उभारण्यात आला आहे. समितीचे अध्यक्ष जेरी फ्रान्सिस यांनी सांगितले की, “एक्झोटीका क्रीडा व सांस्कृतिक समितीमध्ये सर्व धर्मीय नागरिक सहभागी आहेत. आम्ही सर्वजण एकत्र येऊन गणेशोत्सव थाटामाटात साजरा करतो. ठाणे जिल्ह्यातील सर्वात मोठा मंडप उभारण्याचा आमचा प्रयत्न असतो. यंदाचा मंडप ३५० फूट आहे.” समितीचे सदस्य नाज खान म्हणाले, “या ठिकाणी आमची एकता दिसून येते. आम्ही अनेक वर्षांपासून येथे राहत असून हिंदू-मुस्लिम असा कोणताही भेदभाव आम्हाला जाणवला नाही. गणेशोत्सव, दिवाळी, ईद आणि ख्रिसमस असे विविध सण आम्ही एकत्र साजरे करतो. सर्वांनी एकत्र राहणे हीच आमची ताकद आहे.” तर प्रेम सिंग यांनीही सर्वधर्मीय नागरिकांच्या एकजुटीवर भर देत, “आम्ही सर्व धर्मीय एकत्र येऊन सण साजरे करतो, हीच आमची ताकद आहे,” असे सांगितले. गणेशोत्सवाच्या माध्यमातून धार्मिक सलोखा, सामाजिक एकोपा आणि परस्पर बंधुभावाचा संदेश देणारा ‘एक्झोटीका राजा’ यंदाही परिसरातील नागरिकांचे विशेष आकर्षण ठरत आहे.

MH Marathi

कल्याण, ठाणे, महाराष्ट्र•

5 hrs ago

दहा वर्षांपासून सर्वधर्मीय नागरिक एकत्र येत साजरा करतात गणेशोत्सव; पलावा सिटीतील ‘एक्झोटीका राजा’ ठरतोय आकर्षण कल्याण : कल्याण शिळ रोडवरील पलावा सिटीतील कासारिया गोल्ड परिसरात गेल्या दहा वर्षांपासून सर्वधर्मीय नागरिक एकत्र येऊन गणेशोत्सव मोठ्या उत्साहात साजरा करत आहेत. यंदाही एक्झोटीका क्रीडा व सांस्कृतिक समितीच्या वतीने ‘एक्झोटीका राजा’चे थाटामाटात आगमन झाले असून, गणेशमूर्तीचे आकर्षक सजावट आणि भव्य मंडप पाहण्यासाठी भाविकांची गर्दी होत आहे. या गणेशोत्सवाचे विशेष आकर्षण म्हणजे सर्वधर्म समभावाचा संदेश. समितीमध्ये हिंदू, शीख, ख्रिश्चन आणि मुस्लिम समाजातील नागरिक एकत्रितपणे सहभागी होत गणेशोत्सवाचे आयोजन करतात. विशेष म्हणजे, समितीच्या वतीने यंदाही तब्बल ३५० फूट लांबीचा भव्य मंडप उभारण्यात आला आहे. समितीचे अध्यक्ष जेरी फ्रान्सिस यांनी सांगितले की, “एक्झोटीका क्रीडा व सांस्कृतिक समितीमध्ये सर्व धर्मीय नागरिक सहभागी आहेत. आम्ही सर्वजण एकत्र येऊन गणेशोत्सव थाटामाटात साजरा करतो. ठाणे जिल्ह्यातील सर्वात मोठा मंडप उभारण्याचा आमचा प्रयत्न असतो. यंदाचा मंडप ३५० फूट आहे.” समितीचे सदस्य नाज खान म्हणाले, “या ठिकाणी आमची एकता दिसून येते. आम्ही अनेक वर्षांपासून येथे राहत असून हिंदू-मुस्लिम असा कोणताही भेदभाव आम्हाला जाणवला नाही. गणेशोत्सव, दिवाळी, ईद आणि ख्रिसमस असे विविध सण आम्ही एकत्र साजरे करतो. सर्वांनी एकत्र राहणे हीच आमची ताकद आहे.” तर प्रेम सिंग यांनीही सर्वधर्मीय नागरिकांच्या एकजुटीवर भर देत, “आम्ही सर्व धर्मीय एकत्र येऊन सण साजरे करतो, हीच आमची ताकद आहे,” असे सांगितले. गणेशोत्सवाच्या माध्यमातून धार्मिक सलोखा, सामाजिक एकोपा आणि परस्पर बंधुभावाचा संदेश देणारा ‘एक्झोटीका राजा’ यंदाही परिसरातील नागरिकांचे विशेष आकर्षण ठरत आहे.