વડાપ્રધાન નરેન્દ્રભાઈ મોદીના હસ્તે આજે વર્ચ્યુઅલ માધ્યમથી 'પી એમ કિસાન ઉત્સવ દિવસ' અંતર્ગત પ્રધાનમંત્રી કિસાન સન્માન નિધિ યોજનાના ૨૩મા હપ્તાનું વિતરણ કરવામાં આવ્યું હતું. આ યોજના હેઠળ મહીસાગર જિલ્લામાં ૧.૫૨ લાખથી વધુ ખેડૂત કુટુંબોના બેંક ખાતામાં ડાયરેક્ટ બેનિફિટ ટ્રાન્સફર (DBT) મારફતે ₹૩૦.૪૦ કરોડથી વધુની સહાય સીધી જમા થઈ હતી. આ કાર્યક્રમમાં સહભાગી થવા મહીસાગર જિલ્લાના લુણાવાડા તાલુકાના મોટા સોનેલા સ્થિત ડો. બાબાસાહેબ આંબેડકર ભવન ખાતે જિલ્લા પંચાયત પ્રમુખ શ્રીમતી કલ્પનાબેન પુવારના અધ્યક્ષસ્થાને વિશેષ કાર્યક્રમ યોજાયો હતો. આ પ્રસંગે ઉપસ્થિત ખેડૂતોને સંબોધતા શ્રીમતી કલ્પનાબેન પુવારે ખેડૂતોને દેશના સાચા અન્નદાતા ગણાવ્યા હતા અને રાષ્ટ્રનિર્માણમાં તેમના યોગદાનની સરાહના કરી હતી. તેમણે પ્રધાનમંત્રી કિસાન સન્માન નિધિના ૨૩મા હપ્તાની ચુકવણીને ધરતીપુત્રો માટે ગૌરવવંતી અને આર્થિક સુરક્ષા પૂરી પાડતી બાબત ગણાવી હતી. આધુનિક યુગમાં કૃષિ ક્ષેત્રે નવી ટેકનોલોજીના ઉપયોગ પર ભાર મૂકતા પ્રમુખશ્રીએ જણાવ્યું હતું કે, સરકાર દ્વારા આયોજિત કૃષિ મહોત્સવ, ટપક સિંચાઈ પદ્ધતિ અને વૈજ્ઞાનિક ખેતી જેવી યોજનાઓથી ખેડૂતોને વ્યાપક આર્થિક અને કૃષિગત ફાયદો થયો છે. જોકે, વર્તમાન સમયમાં જમીનની ઘટતી ફળદ્રુપતા, પાણીની અછત અને આબોહવા પરિવર્તન જેવા પડકારોનો સામનો કરવા માટે ખેડૂતોએ રાસાયણિક ખાતરોનો ઉપયોગ ઘટાડીને પ્રાકૃતિક ખેતી અપનાવવી પડશે, જે આજના સમયની તાતી માંગ છે. આ કાર્યક્રમમાં જિલ્લા પંચાયત પ્રમુખ શ્રીમતી કલ્પનાબેન પુવાર અને અન્ય મહાનુભાવોના હસ્તે ખેડૂતોને વિવિધ યોજનાઓના લાભોનું વિતરણ પણ કરવામાં આવ્યું હતું. આ પ્રસંગે મહીસાગર જિલ્લા વિકાસ અધિકારી યુવરાજ સિધાર્થ, જિલ્લા ખેતીવાડી અધિકારી જગદીશ પટેલ, લુણાવાડા તાલુકા પંચાયત પ્રમુખ તેમજ અન્ય પદાધિકારીઓ સહિત મોટી સંખ્યામાં સ્થાનિક ખેડૂત ભાઈ-બહેનો ઉત્સાહભેર ઉપસ્થિત રહ્યા હતા.

DILIPBHAI BARIA

Photographer Santrampur, Mahisagar•

14 hrs ago

વડાપ્રધાન નરેન્દ્રભાઈ મોદીના હસ્તે આજે વર્ચ્યુઅલ માધ્યમથી 'પી એમ કિસાન ઉત્સવ દિવસ' અંતર્ગત પ્રધાનમંત્રી કિસાન સન્માન નિધિ યોજનાના ૨૩મા હપ્તાનું વિતરણ કરવામાં આવ્યું હતું. આ યોજના હેઠળ મહીસાગર જિલ્લામાં ૧.૫૨ લાખથી વધુ ખેડૂત કુટુંબોના બેંક ખાતામાં ડાયરેક્ટ બેનિફિટ ટ્રાન્સફર (DBT) મારફતે ₹૩૦.૪૦ કરોડથી વધુની સહાય સીધી જમા થઈ હતી. આ કાર્યક્રમમાં સહભાગી થવા મહીસાગર જિલ્લાના લુણાવાડા તાલુકાના મોટા સોનેલા સ્થિત ડો. બાબાસાહેબ આંબેડકર ભવન ખાતે જિલ્લા પંચાયત પ્રમુખ શ્રીમતી કલ્પનાબેન પુવારના અધ્યક્ષસ્થાને વિશેષ કાર્યક્રમ યોજાયો હતો. આ પ્રસંગે

ઉપસ્થિત ખેડૂતોને સંબોધતા શ્રીમતી કલ્પનાબેન પુવારે ખેડૂતોને દેશના સાચા અન્નદાતા ગણાવ્યા હતા અને રાષ્ટ્રનિર્માણમાં તેમના યોગદાનની સરાહના કરી હતી. તેમણે પ્રધાનમંત્રી કિસાન સન્માન નિધિના ૨૩મા હપ્તાની ચુકવણીને ધરતીપુત્રો માટે ગૌરવવંતી અને આર્થિક સુરક્ષા પૂરી પાડતી બાબત ગણાવી હતી. આધુનિક યુગમાં કૃષિ ક્ષેત્રે નવી ટેકનોલોજીના ઉપયોગ પર ભાર મૂકતા પ્રમુખશ્રીએ જણાવ્યું હતું કે, સરકાર દ્વારા આયોજિત કૃષિ મહોત્સવ, ટપક સિંચાઈ પદ્ધતિ અને વૈજ્ઞાનિક ખેતી જેવી યોજનાઓથી ખેડૂતોને વ્યાપક આર્થિક અને કૃષિગત ફાયદો થયો છે. જોકે, વર્તમાન સમયમાં જમીનની ઘટતી

ફળદ્રુપતા, પાણીની અછત અને આબોહવા પરિવર્તન જેવા પડકારોનો સામનો કરવા માટે ખેડૂતોએ રાસાયણિક ખાતરોનો ઉપયોગ ઘટાડીને પ્રાકૃતિક ખેતી અપનાવવી પડશે, જે આજના સમયની તાતી માંગ છે. આ કાર્યક્રમમાં જિલ્લા પંચાયત પ્રમુખ શ્રીમતી કલ્પનાબેન પુવાર અને અન્ય મહાનુભાવોના હસ્તે ખેડૂતોને વિવિધ યોજનાઓના લાભોનું વિતરણ પણ કરવામાં આવ્યું હતું. આ પ્રસંગે મહીસાગર જિલ્લા વિકાસ અધિકારી યુવરાજ સિધાર્થ, જિલ્લા ખેતીવાડી અધિકારી જગદીશ પટેલ, લુણાવાડા તાલુકા પંચાયત પ્રમુખ તેમજ અન્ય પદાધિકારીઓ સહિત મોટી સંખ્યામાં સ્થાનિક ખેડૂત ભાઈ-બહેનો ઉત્સાહભેર ઉપસ્થિત રહ્યા હતા.